Hugleiðingar og Hamagangur

2005-04-27T03:07:00.000Z

www.blog.central.is/favitinn

þakka blogger gott samstarf

2005-02-16T10:49:00.000Z

Accept?

Nú kemur það alltaf fyrir þegar setja á ný forrit inná tölvuna að ætlast er til þess að maður lesi einhverskonar "License Agreement", fullt af reglum sem maður nennir aldrei að lesa afþví þær skipta ekki nokkru djöfulsins máli. Nú stundum þarf maður að "skrolla" neðst niður, yfir allar reglurnar, til þess að geta "Acceptað" það að vilja nota forritið, þetta snilldarbragð komu þeir "forritakarlarnir" með þegar þeir föttuðu að maður getur ýtt á "Accept" ÁN ÞESS að lesa bullreglurnar þeirra... og það að þurfa að rúlla niður að botninum á þeim neyðir mann nefnilega til þess... emmm nei. Annars held ég að aldrei í sögu "License Agreement" hafi einhver rekist á einhverja reglu sem sá hinn sami einfaldlega gat ekki sætt sig við, og þurfti því að hætta við að nota það tiltekna forrit, en ég gæti verið fullur af skít, hver veit?
Allavegana... þá var ég að setja iTunes inná tölvuna, búinn að installa og er að fara að nota forritið í fyrsta skipti, þegar "License Agreement" kemur upp, nú ég ætla náttúrulega að "skrolla" neðst svo ég get þóst hafa lesið allar reglurnar og samþykkt þær, en rek þá augun í einhverja furðulegustu reglu sem ég hef hingað til séð;

"THE APPLE SOFTWARE IS NOT INTENDED FOR USE IN THE OPERATION OF NUCLEAR FACILITIES, AIRCRAFT NAVIGATION OR COMMUNICATION SYSTEMS, AIR TRAFFIC CONTROL SYSTEMS, LIFE SUPPORT MACHINES OR OTHER EQUIPMENT IN WHICH THE FAILURE OF THE APPLE SOFTWARE COULD LEAD TO DEATH, PERSONAL INJURY, OR SEVERE PHYSICAL OR ENVIRONMENTAL DAMAGE."

....hmmm, ég er að stjórna kjarnorkuveri.... hvað ætli gerist ef ég prufa að nota iTunes tónlistarforritið til þess að stjórna því fyrir mig...?
.....hey, mamma er í öndunarvél, ætli henni gangi ekki betur að anda ef ég installa iTunes inná öndunarvélina....?

Svo er náttúrulega mjög mikilvægt að hafa þetta í stórum stöfum, til þess að undirstrika alvarleika málsins.... DAUÐI, MEIÐSLI EÐA ALVARLEG LÍKAMLEG EÐA UMHVERFISSLYS!

...þetta fólk...

2005-02-14T09:11:00.000Z

Annasamt

Ólíkt því sem fólk e.t.v heldur þá lifi ég einstaklega annasömu lífi. Þessi margblessaða bloggsíða ber því hinsvegar heldur lélegt vitni, en svona er þetta nú bara einusinni, stundum bloggar maður mikið, stundum bloggar maður lítið, þetta kemur í bylgjum eins og einhver sagði, og fjandinn éti mig ef ég er maður sem er að fara að berjast á móti bylgjum... ónei!

FB-ME

Ræðukeppni fór fram síðastliðin föstudag, og mættum við þar Menntarskólanum á Egilsstöðum, sem ég verð nú bara að viðurkenna að ég vissi varla að væri til fyrir undirbúning keppninnar. Egilsstaðarar stóðu sig þó barasta ágætlega þrátt fyrir að vera óþekktir. Reynslan sagði bara sitt í þessari keppni, og hún var okkar meginn að stærstum hluta. Þrátt fyrir að dómarar hafi verið sammála um úrslit leit út fyrir mikið drama í oddadómararæðu, þar sem Oddur dómari (haha... haha.... hahaha) flippaði mikið og feitt, í þeim tilgangi að taka alla á taugum, og heppnaðist það bara alveg ágætlega hjá honum, ég var að minnsta kosti orðinn ansi strekktur, en það skipti að lokum litlu máli, þetta fór allt vel.

Synir Skallagríms

Fundur var haldinn í drykkjufélaginu Synir Skallagríms heima hjá Atla Bollasyni. Var þetta að öllum líkindum siðmenntaðasti fundurinn af þeim sem haldnir hafa verið. Rætt var um fyrri skröll, og hlegið. Boðið var uppá gríðarlega gott heimatilbúið "dipp" sem þrátt fyrir að vera gríðarlega gott, bar það ekki með sér í innihaldslýsingunni, spínat og hílapenó. Vissulega var drukkið, en mun minna en áður hefur þekkst, ætli við séum ekki bara að verða svo gamlir, og penir, menn eru orðnir pólitíkusar og fjölmiðlagúrúar, hvað er næst? Feður og afar? Ég þarf klárlega að taka mig á svo ég verði ekki bara barn á næsta fundi.

2005-02-03T13:20:00.000Z

Nýtt af nálinni

Eftirfarandi er algilt;

so. (að) Kúka = að hleypa brúnum

verslunarmaður = búðingur

2005-01-26T13:34:00.000Z

Álag

Eftir fjölmargar áskoranir Gunnars Jónssonar hef ég ákveðið að blogga, eða plogga eins og amma kallar það.

HlekkurHrekkur

Nú lenti ég einhverra hluta vegna í því að stór hluti hlekkjalistans míns datt út, hvarf mér sjónum og er horfinn. Þessvegna hvet ég alla þá sem telja sig eiga sæti á þessum ágæta lista en eru hvergi sjáanlegir, að láta mig vita með tilheyrandi upplýsingum um staðsetningu sína.

Veðrið

Ég hef verið einstaklega meðvitaður um veðrið uppá síðkastið, því við íslendingar erum nú einusinni þeirrar gæfu aðnjótandi að alltaf þegar við höfum ekkert að hugsa eða tala um, þá er alltaf hægt að grípa í veðrið. Nú var mjög mikill snjór útum allt fyrir ekki svo löngu, og kvartaði ég oftar en ekki yfir því hvað hann bjagaði mig. Svo sá ég í veðurfréttum að það ætti að fara að hlýna og rigna, og sá ég þá glaður í brún fyrir endan á þessu kuldakasti sem hefur verið að hrella landann, og þá sérstaklega mig, í alltof langan tíma. Svo byrjar að rigna, og rigna, og rigna, pollar fara að myndast, höf, snjórinn verður að svelli, bíllinn lætur ekki af stjórn, ég blotna í lappirnar og er bara kominn í fullan hring í kvörtun minni á veðurfarinu. Er enginn leið að hafa einhverja stjórn á þessu, þarf allt á þessu guðsvolaða skeri að fara útí þvílíka öfga að það nær engri átt? Ef það er sól, er svo mikil sól að það þarf að halda börnum innandyra og rauðhærðir deyja. Ef það er snjór þá falla snjóflóð og allir festast útum allt og inní húsum og ég veit ekki hvað og hvað, ég fæ krónískan sultardropa á nefið og hristist eins og kuldaskræfa, daginn út og inn. Og ef það rignir, þá rignir bara fjandakornið þangaðtil landið er komið á kaf, snjórinn farinn og enginn á íslandi á þurra sokka. Hvað er eiginlega næst, er ekki hægt að fá þennan veðurofsa í aðeins verklegri pakkningum? Tjahh... maður spyr sig.

2005-01-21T11:31:00.000Z

Nú er frost í æðum mínum

Djöfull er kalt, mér er alltaf kalt, öllum er alltaf kalt. Eitt það sniðugasta sem ég hef gert undanfarin ár er að stela lúffum af litla bróður mínum, hallærislegum bláum lúffum, en á meðan þær halda á manni hita, hverjum er þá ekki sama hversu hallærislegar þær eru, en boj ó boj eru þær hallærislega, reyndar það lummó að þær verða eiginlega bara kúl, fara fullan hring í hallærisleik sínum.

Þetta er það sem við, Íslenska þjóðin, erum að styðja!

Sun, sun, sun, here it comes

Sólin er farin að láta sjá sig meira, það þýðir að snjórinn fari bráðum að fara, en einnig það að djöfullega erfitt getur verið að keyra þegar hún svona rétt skríður bara yfir sjóndeildarhringinn, ekki nógu hátt til þess að hægt sé að nota sólskyggnið til þess að fela hana, og ekki nógu lágt til þess að hverfa bakvið húsin og fjöllin. Þó gleðst ég yfir komu hennar, boðar nýja og betri tíma, græna haga og minni fokking snjó.

2005-01-17T09:15:00.000Z

MH-FB

Ó sæti sigur, þú ert minn. Nú þegar þessi gríðargóða keppni er að baki er ekki úr vegi að líta um öxl og fella dóm. Við lögðum upp með frekar einfallt prógramm, að vera rökfastir og ákveðnir, leyfa MH-ingum ekki að komast upp með neitt vesen, og skemmst er frá því að segja að það gekk bara mjög vel. Þrátt fyrir smávægilega hnökra að okkar hálfu kom það til móts við okkur að MH-ingar tóku meira flipp pólinn á þetta, og virkaði okkar málstaður þá mun gáfulegri fyrir vikið. Að lokum var 170+ stiga sigur staðreynd og var Guðjón Heiðar, sá gamli refur, vel að titlinum ræðumaður kvöldsins kominn.

Minkur á Röngunni

Þegar ég vaknaði svo í sigurþynnkunni tók við þaulskipulagt ferli Margrétar Erlu Maack, ferli sem endaði á því að 6 galvösk ungmenni voru stödd í sumarbústað eftir baráttu við lélega vegi og jeppakarl sem var í skýunum yfir því að fá að hjálpa okkur, en því má við bæta að hann átti rosalega voldugan kaðal. Fansísmansí dinner með Villa Vill, bjórar í snjósköflum, hádramatík í gítarglamri, fagmannleg handtök við undirbúning heitapotts, skeleggar umræður í heitum potti samfléttað við sprenghlægilegar uppákomur. Tiltekt í þynnku, uppþvottavél á mótþróaskeiðinu og stopp í Eden, sem hefur stórlega tapað dýrðarljóma sínum í gegnum árin, jafnvel Bóbó bangsi var kominn með fílusvip, og það var rússnesk kona sem langaði að deyja sem afgreiddi ísinn minn. Við lúsuðumst svo í blindbil yfir Hellisheiðina og heim í kot þarsem sjónvarpið, sem ávallt tekur manni eins og maður er, beið glansandi fallegt, hlýlegt, með sitt glaðlega hátíðnisuð.

2005-01-06T14:29:00.000Z

Snjórinn

Eftir að hafa nánast gleymt því hvernig snjór er útlits, viðkomu og hversu kaldur hann er eftir að hafa upplifað mjög rólega vetur undanfarin ár er það undarleg tilbreyting að fá hann tilbaka, og það með þessum líka hamagang. Við vorum líka farin að hafa það alltof næs á veturnar, það þurfti varla að draga fram nagladekkin og krakkar voru hættir að kunna á snjóþotur, en þetta hefur alltsaman breyst. Ég hef heyrt þær raddir að fólk sé ánægt með að fá hann aftur í heimsókn, að hann lífgi uppá daginn og gefi tilverunni bjartari lit á þessum dimmustu mánuðum ársins, og nú ef fólk er tilbúið að ganga í blautum sokkum, skafa af bílnum sínum á hverjum einasta morgni, festast í sköflum og vera ekki heimilt að fara hvert sem það vill sökum ófærðar, einungis til þess að birtan verði aðeins bjartari, þá er það bara þeirra mál, ég neita hinsvegar að taka þátt í þessari snjódýrkun.

2005-01-02T13:53:00.000Z

Nú árið er liðið

Jújú, við sprengdum gamla árið í tætlur fyrir fleirihundruð og fimmtíu milljónir, fylgdumst með góðu dögunum líða hjá í marglitu glimmer neista regni, og svo stuttu seinna slæmu dögunum í ómerkilegum ílum, og sem prik á hraðri niðurleið til jarðar eftir að hafa þjónað tilgang sínum að koma sprengjunum á himininn. Sprengjudrunurnar hafa nú staðið í marga daga, alltaf virðast menn gleyma að sprengja eitthvað af þessum elskum aðfaranótt 1.jan, og finnst því um að gera að þruma þeim upp á öllum tímum sólarhringsins. Persónulega held ég að ég hafi misst áhugan á stórum sprengjum þegar ég var svona 17 ára. Nú ætla ég ekki að falla í þann pitt að dæma fólk sem hefur gaman af þessu, en fjárhagsleg staða mín er ekki svo sterk að hún leyfi mér bókstaflega að sprengja peningana í loft upp, og svo fæ ég voðalega litla ánægju útúr því að færa eld að kveikiþráðum, aldrei kveikt neitt sérstaklega í mér.

Skaupið

Eins og venja er var gert grín af atburðum liðins árs, og í þetta sinn var það hið gamalkunna landslið grínara, með aðstoð yngri grínara að auki. Það sem var að þessu skaupi var að það var ekkert fyndið, Sveppi hljóp um með ólympíueldinn allan tímann, og kveikti í hlutum, náði ekki alveg djóknum í því, Jón Gnarr leiðbeindi fólki á safni um árið 2004, ekkert fyndið við það, og Laddi lék Saxa lækni, í atriði sem Davíð Oddson kom fyrir í, og það var bara ekkert spes. Síðan sáu spaugstofumenn um rest. Mér fannst þeir stórlega mistakast að fara almennilega í saumana á þeim málum sem hæst báru, t.a.m fjölmiðlafrumvarpinu, sem varð nánastu undir í öllu aulagríninu. Svei á þetta áramótaskaup, Skara Skrípó aftur í leikstjórastólinn!

2004-12-28T13:50:00.000Z

Hátíðirnar

Nú þegar aðal-afmæli ársins er gengið um garð, og rykið af jólaskrautinu farið að setjast á sundurrifinn jólapappírinn fannst mér það vel við hæfi að tilla mér með kaffibolla og hripa niður þankaganga letingja í heilögum mánuði.
Við átum rjúpu, fjölskyldan. Hún var að vísu skosk en ekki íslensk eins og oft áður, en ég fann barasta engan mun á þeim, nema hvað að þessar íslensku eru alltaf fullar af höglum, svo maður þarf að passa sig að éta ekki blý með jólamatnum.
Svo þær skosku runnu bara ljúflega niður með brúnuðum kartöflum og heimalöguðu rauðkáli. Mamma gleymdi að búa til möndlugrautinn, svo við átum bara möndluís í staðinn. Ég fékk möndluna ekki, ekkert frekar en síðustu ár. Síðast þegar ég fékk möndluna var gjöfinn prik-hestur og gormur í kassa, og ég hef hreinlega ekkert kært mig um þessa fúlu möndlu síðan. Auk þess sem mandla er bara bjánalegt orð.

Vandræði

Já, ef það er eitthvað sem aldrei er skortur á þá er það vandræði... og kannski grjót, og loft, nema maður sé að drukkna. Allavega, þá á ég í stökustu vandræðum; Helmingur eða meira af þeim fögru hlekkjum sem áður príddu síðuna mína fögru eru horfnir, ekki horfnir eins og húfan sem þú manst eftir að hafa átt en hefur bara ekki hugmynd um hvar er... neinei, þeir eru horfnir eins og blað sem þú kveikir í og horfir á brenna þangað til það er ekkert eftir af því, og þá hopparu ofaná öskunni... þeir eru þannig horfnir. Ég væri því mjög þakklátur minni kæru Dóru ef hún gæti á einhvern undraverðan hátt haft uppi á þeim og klínt á síðuna, svo ég og fólk getum nú smellt á þá og hlegið og glaðst, valhoppað og skríkt.

Gleðileg jól

Það er gríðarlega þægilegt að hitta fólk á förnum veginn um jólin. Oft myndast vandræðaleg stemmning, maður hummar og segir jájá, horfir útí loftið og býr svo til bull ástæðu til þess að þurfa ekki að taka þá í þessum bjánalegu samræðum lengur. En um jólin er þetta ekkert mál, þá getur maður nefnilega alltaf spurt eitthvað útí jólaundirbúninginn;
1. Hvað ert þú að fara að borða um jólin?
2. Ertu búin að kaupa margar jólagjafir?
3. Hvað ertu búin að eyða miklu í jólagjafir?
4. Þetta er nú meira jólaveðrið ekki satt?
5. Hvar verður þú um jólin?
Og svo er mjög þægilegt þegar maður nennir ekki að spjalla lengur að segja "Jæja, ég er farinn að kaupa jólagjafir"(Því ekkert er trúlegra í þessu pakkaóða mánuði) og toppa það með hátíðlegu "Gleðileg jól!" og kannski handabandi eða faðmlagi, ef þú ert svoleiðis týpa.

Milli jólognýárs

Millijólognýárs er hugtak sem allir kannast við. Þetta er furðulegur tími. Maður er að bíða eftir einhverju, jólin eru búin en áramótin ekki, það eina sem er framundan er þjóðarfylleríið, og svo bara vinna eða skóli. Maður liggur í móki og horfir á sjónvarpsefni sem er ekki daufblindum bjóðandi, smjattar á restinni af jólamatnum þartil hann fer að tala, smákökusortirnar eru óðum að klárast og jólaölið flatt. Bókalestur og útíloftgláp, enginn er viss hvaða mánaðardagur er, en allir vita hvaða vikudag þrítugastogfyrsti er, afþví þá verður drukkið. Maður reynir að rifja upp hvað maður fékk í jólagjöf, og frá hverjum, og byrjar að fá reikninga í staðinn fyrir jólakort. Fer að kvíða því að ganga frá jólaskrautinu, bít í laufabrauð.

Sviptingar

Svo maður flytji nú einhverjar alvöru fréttir þá er að því komið að ég hætti á leikskólanum. "Ha Bragi, ert þú ennþá á leikskóla"
Ég svara þessu ekki einusinni.
Sjaldan eða aldrei hef ég hlakkað eins ótrúlega til að byrja aftur í skóla, að rápa um gangana, fara í eyður, kvíða fyrir prófi sem maður hefði geta lesið meira fyrir, eiga ekki efni á kaffibolla, safna fólki með sér útí sígó, gleðjast yfir veikum kennurum, úúúú, ég fæ hamingjuhroll. Þó kveð ég leikskólann með smá trega, það er auðvita smávegis illa gert að skilja Þorbjörgu eina eftir með þessum mannætubörnum, en hún er sterk stelpa, stendur sig alveg, kannski betur ef ég gef henni loftbyssu. Ég mun einnig sakna sumra barnanna, annarra minna. En dagar mínir sem eina starfsmannsins í 17manna hóp sem meig standandi, eru liðnir, nú getur seta klósettsins verið niðri öllum stundum, alltaf, nema kannski á afmælisdaginn minn, þegar hún er toguð upp með borða við hátíðlega viðhöfn til minningar um mig, starfskraftinn sem var með typpi.

2004-12-04T23:53:00.000Z

The Stranglers

Fór á Stranglers tónleikana með pabba, guðjóni og daba. Hljómsveitin sýndi að þeir hafa engu gleymt í gegnum árin, og þrátt fyrir að hafa óttast það að hljómsveitin hefði misst eitthvað af mátt sýnum við það að fá sér nýjan söngvara, var ég bara mjög sáttur við hans hlut. Þeir sýndu gífurlegan kraft og keyrslu, geisluðu af spilagleði og hressleika. Þetta varð vonandi til þess að kveikja í gömlum Stranglers áhuga mínum, og verða til þess að ég hlusti meira á þá en ég geri núna.

2004-11-26T18:20:00.000Z

Líkamsrækt

E.t.v er ég aumingi. E.t.v er ég ekkert svakalega sterkur. Það kemur því þó ekkert við að líkamsrækt er bjánaleg. Að fara reglulega í ræktina í þröngum fötum og borga fyrir það að lyfta járni og horfa á meðan á aðra álíka gáfulegar manntjásur djöflast á hlaupabrettum og í róðravélum. Flestum finnst hamstrar sætir og kjánalegir þegar þeir hlaupa og hlaupa í litla sæta hjólinu sínu, en þegar það eru sterabryðjandi menn með lítið typpi og ofvaxna sjálfsímynd hlaupa á hlaupabretti, þá er það sniðugt og hollt. Tvöfallt siðgæði... TVÖFALLT SIÐGÆÐI!!!

Tvöfallt siðgæði

DV birti á miðvikudaginn stórfrétt um það að samkvæmt kanadísku dagblaði þá væru íslenski sendiherran í kanada og kanadíski landstjórinn í sjóðheitu ástarsambandi. Þetta var á forsíðunni, og stór frétt inní blaðinu. Daginn eftir voru þeir svo með frétt um það að þetta sama kanadíska dagblað hafi beðist afsökunnar á fréttabirtingunni, og aftarlega í DV var svo lítil klása sem í stóð að gott væri hjá íslenska sendiherranum að láta ekki slúðurfréttir kanadískra dagblaða fara fyrir brjóstið á sér. Nú er ég kannski bjáni, kannski ekki, en það kemur málinu ekki við, en eru þeir ekki alveg jafn miklir bjánar að vera með þessa óstaðfestu slúðurfrétt í sínu blaði, og eru þeir í einhverri aðstöðu til að dæma kanadíska blaðið, verandi sjálfir óttalegir slúðurpésar, og hafandi birt þessa frétt sjálfir... dæmi nú hver fyrir sig, en ég segi bara tvöfallt siðgæði... o.s.frv.

2004-11-21T16:11:00.000Z

Hár

Eitthvað sem framhjá fæstum hefur farið er það að ég er með hár. Hár þetta hefur í gegnum tíðina valdið mér gífurlegum kvölum, en einnig orðið mér til góðs. Það er einhverskonar blanda af hári blökkumanns og ramm-Írskri hóru, stendur oftast út í loftið, illa greitt og ritjulegt. Ég er yfirleitt sá sem er laminn á fylleríum vegna þess að ég er svo áberandi, og þægilegt að benda á mig sökum hársins.

"Hey, lemjum þetta rauðhærða fífl" segir einhver með lítið typpi, og þá þarf ekkert að tíunda það hvert rauðhærða fíflið er, því það er í langflestum tilfellum yðar einlægur.
"Ert þú með eitthvað bögg!?!"... eins og það hvernig hár himnafaðirinn ákvað að væri við mitt hæfi sé einhverskonar stríðsyfirlýsing á hendur allra þeirra sem þurfa að slást undir áhrifum.
"Ertu með permanent?" Já, mér fannst þetta vera að koma sterkt inn, svona útí loftið ógreitt soldið, mikið inn í vetur.
"Hvernig geriru þetta?" Ég fæddist og svo bara búmm.
"Seturu eitthvað í hárið á þér?" Já, sápu, eins og flestir aðrir. Sígarettu, þegar ég þarf að vera töff. Penna, þegar ég þarf að slá met, og pela af vodka þegar ég þarf að smygla.
"Hahahahahaha!!" Takk... takk fyrir.
"Pískurpískurpískurhvíslihvíslihvísl.." Börn, ég elska börn.
"Hversvegna er hárið á þér svona?" Afþví guð elskar mig, hvað viltu að ég segi?
"Má ég koma við hárið á þér?" Má ég koma við hárið á þér? HÉLT EKKI!
"Ég vildi að ég væri með svona hár?" Ég vildi að þú værir með svona hár, svo ég gæti sagt "Auli"

Auk þess að vera mér til skjóls og íklórunar, þá breytist hárið eftir árstíðum. Á sumrin verður það ljósara, krullaðara og rauðara. Á veturnar verður það hinsvegar tætingslegt og úfið(eins og það sé einhverntíman ekki úfið) rafmagnað(las þetta í Metro) og óviðráðanlegra, enda fær hárið yfirleitt bara að ráða sér sjálft þessa 9mánuði á ári sem veturinn er hér á landi. Í útlöndum er það oftast salthjúpað og angar af áfengi, og um helgar angar það af sígarettureyk. Ég get ekki sett það fyrir aftan eyrun á mér, ég er ekki með neinn hvirfil, topp eða styttur. Ég get notað það fyrir kodda og hef fengið borgað fyrir það.

Eitt sinn er ég var í Stykkishólmi á þeim dögum þegar ég skartaði afrógreiðsunni alræmdu, kom uppað mér maður sem var nauðasköllóttur. Hann sagðist hafa verið með alveg eins hár og ég, og gaf mér 1000kr, konan hans sagði að hann væri að ljúga, og ég vissi það svosem, það sá það hver sem sjá vildi að maðurinn var ekki með neitt hár á hausnum.

Svo var ég að vinna á Ölstofunni einhverju sinni, að mjög ríkur maður spyr mig hvort hann mætti kveikja í hárinu á mér fyrir 2000kr.
"Nei, ekki séns"
"3000 kall"
"Gleymdu því, ég leyfi þér ekkert að kveikja í hárinu á mér fyrir 3000 krónur"
"5000"
"Díll!"
Kveikt var í hárinu, og ég fékk mínar fimmþúsund krónur, þess má geta að ekkert sást á lubbanum eftir íkveikjuna.

Ég hef aukinheldur fengið fjölda tilboða frá móður minni í gegnum árin frá móður minni, sem hefur í oftar en ekki verið ósátt við hárgreiðslu sonar síns.
Hún hefur þá fengið þau svör að hún geti barasta sjálfri sér um kennt, og jafnan farið undan í flæmingi, og ef hún hefði skott væri það væntanlega milli lappanna á henni.

Hár

Ég ku vera hávaxinn miðað við aðra. Ég er 201cm á hæð. Það getur verið gífurlega þægilegt að vera stór. Ég get teygt mig eftir hlutum sem eru langt í burt, uppí háa skápa og hillur, næ undir húsgögn þegar eitthvað fer þangað, get faðmað gífurlega feitt fólk án teljandi vandkvæða, kílt fólk sem stendur langt frá mér, klofað yfir hærri hluti en flestir, hoppa yfir skurði og annað sem krefst yfirhoppunar, sparkað í hluti sem ég gæti ekki sparkað í, væri ég lægri, ég horfi alltaf niður á fólk, nema þegar fólk er stærra en ég... sem bara gerist mjög sjaldan, auk þess labba ég hratt.
En það að vera stór er ekki bara dans á rósum, ég á oftar en ekki í feikna vandræðum með að finna á mig skó, sem er bara martröð, föt finnast sjaldan í minni stærð, sokkar slitna mjög mikið á mér afþví sokkar eru ekki búnir til fyrir stærri fætur en 45, og verandi með fótastærð 47 gefur auga leið hví sokkar mínir slitna svo glatt. Ég rek hausinn mjög oft í, en reyndar kemur hárið stundum þar inní og dempar hin ýmsu högg, en ekki öll... eins og sést. Ég þarft mjög oft að beygja mig þegar ég geng í gegnum hurðir, þarf alltaf að vera með sæti í öftustu stellingu í bíl, þykir gífurlega óþægilegt að sitja í aftursætum bíla, sem og í flugvélum og rútum og svo er ég alltaf að reka tær og lappir í hina og þessa hluti vegna þess að hlutir eru fyrir, og líklega einnig afþví erfitt er að vera sífellt meðvitaður um staðsetningu skanka sinna þegar þeir eru eins langir og raun ber vitni. Ég þarf að beygja mig lengra eftir hlutum sem ég missi, og er mun lengur að raka á mér lappirnar... væri... ef ég gerði það... ehe... Axlabönd þurfa alltaf að vera í lengstu stillingu, því annars eru brækurnar uppí í skoru minni. Börnum finnst gaman að klifra í löppunum á mér, því þær eru langar, og svo er alltaf aðeins verra veður hjá mér en þér.

100%

Ég heyrði af því að Óli bróðir hefði þurft að líftryggja sig til þess að fá 100% húsnæðislán, og fær bankinn svo alla summuna ef karlinn hrekkur uppaf, orðatiltækið "Eins dauði er annars brauð" hefur því þróast yfirí "Minn dauði er bankans brauð"
Fyrir utan það að til þess að fá svona lán þurfa sumir að skila inn þvagprufu, spurning hversu sniðugt er að eiga hús ef það krefst þess að bankinn hagnist á dauða þínum, þú seljir sálu þína og þurfir þar fyrir utan að pissa í bolla... frekar bý ég nú bara á Hótel Mömmu... AÐ EILÍFU!!

2004-11-12T17:38:00.000Z

Skömm

Ég hálfskammast mín fyrir að eiga svona flotta síðu sem er jafn lítið skrifað á, en nú skal bætt úr því, allavega í bili. Ég vil þakka Dóru systir fyrir að gera þetta svona fínt hjá mér, án hennar hjálpar liti síðan mín kannski bara svona út, hjúkket að svo er ekki.

Afmæli

Þú fæddist í ákveðnum mánuði, og innan þess mánaðar eru einhverstaðar milli 28-31 dagur, og á einum þeirra fæddist þú. Alltaf á hverju einasta ári þegar dagurinn þinn kemur upp, þá er það kallað að eiga "afmæli" sem þýðir að þú sért ekki lengur jafn gamall og þú hefur verið í eitt ár, heldur ári eldri. Þegar maður er yngri þá er mikið lagt í aldurinn, það að vera eldri og gáfaðari en næsti skiptir öllu máli, því hærri sem talan er á milli orðanna "Er" og "Ára" í setningunni "Ég er X ára" þeim mun betri manneskja ert þú. Eftir því sem maður verður eldri þá hinsvegar fara afmælisdagarnir að tapa gildi.
Einn af mörgum hlutum sem maður skiptir út með árunum fyrir aðra, sem verða smám saman merkilegri. Nammidagar breytast í djammdaga, bíóferðir breytast í kynferðismök... það eina sem heldur gildi sínu eru ömmur og afar, nema hvað þau detta smám saman niður dauð með tímanum, svona er það, lífið, þar hafiði þetta, leiðinlegt.

2004-10-30T16:13:00.000Z

Þið afsakið hléið

Ég hef komið sjálfum mér á óvart í lélegheitum blogglega séð. En svona er þetta nú einusinni þegar mikið er að gera.
Þessi transformasjón mín úr óreglubundinni lone-ranger listaspíru sem sér lífið í háfleygum setningum og sofnar aldrei fyrren eftir klukkan 4 á næturnar yfir í A-B þjóðfélagsþegn sem kaupir mjólk og mætir í vinnu frá 9-5, borgar skatta af launum og sofnar alltaf fyrir kl 12, hefur komið ansi hreint harkalega niður á nethangsi mínu, sem hefur verið í sögulegu lágmarki uppá síðkastið, reyndar held ég að ég hafi ekki verið þetta lengi (15min og telur) á netinu í 2-3vikur.
Sá lífstíll sem ég hafði tileinkað mér í sumar og frammá haust fól það í sér að ég datt alfarið úr sambandi við upplýsingarþjóðfélagið, en klín-kött "fullorðni" lífstíllinn er einnig mjög sljóvgandi hvað varðar umheiminn. Í þessu lífi kemst fátt annað að en að stunda sína vinnu, sofa þess á milli og stunda minna aðrar frístundir sem stundum geta verið svona ansi skemmtilegar.

Vetur

Veturinn er að koma, og alltaf kemur það þessari ágætu þjóð jafn mikið á óvart þegar byrjar að snjóa, og dagarnir verða dekkri samhliða vanaföstum seinagang sólarinnar. Náttúran drepst að hluta til, mýsnar koma inní húsin til að hlýja sér, hestarnir snúa rassinum uppí vindinn, og íslendingar fara í þykkari úlpur, skafa af bílunum sínum, og gerast þunglyndir í meira mæli en um allar hinar árstíðirnar samanlagt, hefja geðtöflubruðning, nú eða bara stúta sér. Góðgerðarsamtök keppast svo við að halda lífinu í grenjandi frónbúum með mat í dós, notuðum fötum og Idol stjörnuleit.

Jafnvægi

Ég held að engum manni sé fullfært að meta aðstæður sínar á þeim sama tíma og hann er að upplifa þær, það er fyrst eftirá að hægt er að setja lífið almennilega í samhengi, svo hægt sé að læra af mistökum sínum, því brennt barn forðast ekki eldinn rétt á meðan það er að brenna sig, það er þegar það liggur á sjúkrahúsi með 3stigs brunasár yfir 70% af líkama sínum að það ákveður að ákvörðunin hafi verið heldur en ekki slæm.
Það er nú þegar ég er að festast æ betur í því mynstri sem ég hef valið mér þessa stundina að ég er að ná jafnvægi, sem er ákaflega ánægulegt, þósvo vissulega sé ég ekki að lasta þær skemmtilegu rússíbanaferðir sem þrautagangan lífið getur oft verið, þá er það að sigla lygnan sjó mun þægilegra en að vera í sífelldum stormum. Sólsetrið er nefnilega alltaf jafn fallegt, alveg sama hvaða árstíð er.

Gluggi

Útum gluggann minn sé ég tvo hesta bíta gras hlið við hlið...
...ætli þeir þekkist?

2004-10-09T13:15:00.000Z

Vangaveltur um lífið

Hafiði pælt í því hvað er fáránlegt að við séum til. Að við, mannverurnar, séum til á jörðinni, þetta gáfuð, lifandi í þetta vel sköpuðum heimi... einhverju sem er eilífðarvél, jörðinni. Allar aðstæður til þess að verur geti lifað eru fullkomnar... og við erum fullkomnustu verurnar á þessari fullkomnustu plánetu sem vitað er um í hinum þekkta alheimi..... fáránlegt.
Líkami okkar er sú alflóknasta vél sem nokkurtíman hefur verið sköpuð. Vissulega erum við með tilfinningar og getum meitt líkama okkar.... en hann læknar sig... hvernig gengur það upp að í alheimi þarsem ekkert líf á að geta kviknað... verði til þetta fullkomið lífkerfi á plánetu sem var bara eins og allar hinar... dauð auðn...og með fullkomnustu heilana í þeim alheimi höfum við ekki einnþá getað uppgötvað hvernig fyrsta lífið kveiknaði... hugsið ykkur.... fáránlegt.

Mér er semsagt óskiljanlegt hvernig í ósköpunum þetta dæmi gengur upp. Ef þú tekur plánetuna jörð, á þeim tíma þegar talið er að líf hafi kveiknað, og setur hana í sömu aðstæður og jörðin var þá.... þá eru akkúrat núll á móti ? að líf geti kveiknað þar. Núll á móti fokking endalaust... þetta er bara rugl.... hvernig í fjandanum urðum við til !!!!???!!!! Þetta er mér einfaldlega um megn... ég skil þetta ekki.... fáránlegt!!!!

?Versta kvöð mannskepnunnar er sú að hafa gáfurnar til þess að uppgötva sitt eigið tilgangsleysi.?
-Oddur Broddi Þorsteinsson.

Enn um lífið

Það er einmitt svo undarlegt hvað lífið leikur sér með mann. Ég hef oft velt því fyrir mér hvað maður er hálfpartinn áhrifalaus farþegi, áhorfandi í sínu eigin lífi. Manni er úthlutuðu fjölskylda, og maður settur í skóla, þetta er það sem hefur svo mest áhrif á það hvernig karakter maður verður. Það ætti semsagt að vera hægt að taka nýfætt barn, óskrifað blað, og með því að setja það inní réttu aðstæðurnar, og mótað þannig hverskonar karakter barnið verður svo. Samkvæmt þessu erum við aðeins útkoma jöfnu sem við vorum sett inní, mótunaráhrif og annað eru aðeins það sem skapar okkur, og erum við því ekkert nema samansafn af hugmyndum og áhrifum annarstaðar frá, því ekkert á að geta sprottið af engu. Það þýðir að allar þær skoðanir sem þú hefur, allt það sem þú hugsar og gerir, segir og framkvæmir, allt þetta er aðeins afrit af einhverju sem þú hefur áður heyrt, séð eða skynjað... því ekkert sprettur af engu. Gott fólk, við erum copy paste hvort af öðru, svo langt aftur sem mannkynið nær, því miður.

Lífið lífið lífið

Ætli einhver hafi einhvertíman náð heildarmynd yfir allt sitt líf, náð að skipuleggja frá því að fyrsta þesstilgerða hugsun spratt í heila viðkomandi, það hvernig lifa ætti lífinu, hvaða stefnur og ákvarðanir ætti að taka, hvað gera ætti ef hin og þessi mál kæmu upp, og bara almennt vera við öllu, og þá meina ég algjörlega öllu viðbúin? Burt séð frá því að það gengi aldrei upp, þá held ég að lífið sé einmitt þess virði að lifa því, vegna þess að við vitum ekkert hvað bíður handan næsta horns, við getum aldrei með sanni sagt fyrir um hvernig samferðarmenn okkar bregðast við, eða hvernig við sjálf hegðum okkur, því við erum jú eftir allt tilfinningaverur í tilfinningalausum heimi, sem er bæði okkar blessun og bölvun.
Bömmer? nei, svona er þetta bara.

Innra sem og innar

Í húminu þarsem fortíðin liggur
og snjókornin falla yfirveguð til jarðar
legg ég hönd mína á vanga þér
og sé mjöllina litast blóðrauða

Við ferðumst yfir lífið á bleikum vagni
marrið í stórum tréhjólunum er róandi
hugsanirnar staldra stutt við
þegar þú hefur ekkert.

Í tunglsljósinu þarsem töfrarnir gerast
verður bros til á andliti þínu
dauf birtan dansar um líkama þinn
sem skelfur, brothættur, kaldur.

Um haustið þegar litirnir verða til
og náttúran deyr öll í kór
þá bráðnar frostrósin þín
sem hélt mér í gíslingu.

Harðarsprettur

Fjarri, svo ógnarfjarri öllum hamagang heimsins, fór ég á kné frammi fyrir almættinu, svo ég gæti fengið mér vatnssopa úr læk.
Nærri, svo óhugnarlega nærri mér, stendur bjargvættur og böðull minn, ég get snert á honum, en sé hann þó ekki.
Engið, sem ég strík yfir eins og það væri mjúkur kollur þinn, dansar við mig í vindinum, og þegar laginu líkur, dansar það áfram.
Loftið sem ég fæ loksins snert á, fyllir mig nægjusemi, því hvað vanhagar mann, sem ekkert vantar, um?
Sjórinn, sem gengur í bylgjum líkt og bros þitt, fyrirgefur misgjörðir, og tekur við fórn minni, og þó smávægileg sé, er hún með bros á vör.

Séra Bragi Páll Sigurðarson

2004-10-05T18:15:00.000Z

Sviptingar og Svakalegheit

Bloggun hefur verið lélegri en oft áður uppá síðkastið, en fyrir því er haldbær ástæða. Ekki fer mikið fyrir net-tengingum niðrá Seljakoti, þannig ég er tilneyddur til að stunda bloggun heima hjá Oddi nokkrum Brodda, Þorsteinssyni með meiru.

Bíllinn minn

Bíllinn minn gengur í bylgjum. Hann er yfirleitt fínn í nokkra daga, og svo viðbjóðslegur í nokkra mánuði, og svo fínn í nokkra daga, og svo viðbjóðslegur í nokkra mánuði. Vissulega fer það stundum fyrir brjóstið á fólki hvað bíllinn er stundum subbó, og hef ég aðeins eitt að segja við það fólk; "Þetta er minn bíll!" og svo hef ég reyndar annað að segja við það fólk... "....emmm" ok... ég hef kannski ekkert annað að segja... en þú veist... takt þú bara til í honum ef þetta fer svona í pirrurnar á þér.

Ehhhh

Ég hefði bloggað meira, en ævintýri og ástir bíða okkar Odds, og því munum við bruna um götur borgarinnar, og ógötur óborgarinnar á ýmist Deutche Automobile, ellegar Svenska Köremaskine... þó að öllum líkindum Jóhannes. Skilur þú ekkert hvað ég var að tala um? Þá er geit.

P.s.

Pabbi minn er sterkari en mamma þín, og pabbi, og svo er hann líka stór!
(það er töluverð gildismatsbrenglun fólgin í því að starfa á leikskóla)

2004-09-30T17:22:00.000Z

Kanna sem er nóg á

Ef lýsa ætti lífi mínu sem könnu, þá er hún barmafull(barmur... hehe.... brjóst... hehehe) ehemm...

Skóli

Ég er hættur í dagskóla, er þó enn með 12 einingar í kvöldskóla, og er farinn að vinna á leikskólanum Seljakoti.

Seljakot

Nýja vinnan mín er stórskemmtileg. Mér hafa verið gefin eftirfarandi nöfn af krökkunum á minni deild;
Bragi gítar
Bragi risi
Pabbi
Afi
Bragi prump
Bjarki
Kallinn

Karl

Ég er fyrsti karlmaðurinn til þess að starfa á þessum mæta leikskóla frá stofnun hans, og skemmst er frá því að segja að ég er instant hit! Hinar fóstrurnar eru himinlifandi að fá testósterón inní kaffistofuna, og krakkarnir sitja um mig á hverju horni og gera heiðarlegar (auk nokkrurra óheiðarlegra) tilraunir til þess að slíta af mér hvern útlim. Eftirfarandi staðir eru vinsælir til þess að hanga í;
Vasar á flíkum sem ég klæðist
hárið á mér
"skeggið" mitt
fingur og hendur
hálsinn á mér

Tobba vitlausa

Ég, Brynja og Steinn sömdum lag, tileinkað Þorbjörgu, sem reddaði mér þessu starfi, og er með mér á deild, textinn er eftirfarandi;
Tobba vitlausa,
Tobba vitlausa,
Hvað er hún að gera?
Hún er að taka til og sópa
og líka að skamma krakkana
Tobba vitlausa,
Tobba vitlausa
Hvað er hún að gera?

Skemmst er frá því að segja að öllum líkaði mjög vel við þetta lag, nema þá helst Þorbjörgu, sem fannst það ekki skemmtilegt. Krakkarnir söngluðu þetta svo þegar þau voru á leiðinni út. Það gladdi mitt litla hjarta.

2004-09-22T10:37:00.000Z

Minn frægi rass

Rassinn á mér var heldur betur í sviðsljósinu í gær, þegar settir voru linkar bæði hjá batman.is og humor.is með mynd af mínum ágæta bossa. Aðalatriði myndana á að hafa verið tattúið sem ég ber, með mynd af íslandi, en ég tel samt að þetta hafi bara verið slísí leið til þess að sýna minn fagurskapaða rump fyrir alheiminum. Það hefur sumsé gerst núna að rassinn á mér er orðinn frægari en ég sjálfur, og hef ég mjög gaman af þeirri þróun, hló meiraðslega innra með mér þegar ég uppgötvaði það að rassgatið á mér hefur fengið link á þessar málefnalegu síður þósvo tattúið hafi bara verið til í u.þ.b 1.mánuð, en ég, sem hef haldið þessari ágætu síðu úti í nokkur misseri, hef aldrei fengið þarna link.
Ég tek þó fram að mér finnst persónulega ég vera meiri snilld en rassinn á mér, en fólk þarf einfalda hluti til að skemmta sér, og til þess er ég einmitt hérna.

Tungumálalærdómur

Þegar verið að að læra tungumál eru oftar en ekki sett upp mjög undarleg samtöl milli tilbúna fólksins í bókinni. Ég ákvað að skapa aukasamtal, þarsem einn aðilan grunar að hann sé fastur í kennslubók.

Eftirfarandi samtal milli Dr.Weber og Anke er tekið beint uppúr þýskubókinni minni.

Dr.Weber; Hver ykkar hefur þegar komið til Hamburg?
Anke; Ég á einmitt móður/föðursystir þar. Við heimsækjum hana af og til.
Dr.Weber; Þá hafið þér eflaust nú þegar séð ráðhúsið.
Anke; Já, en ég hef ekki skoðað borgina almennilega ennþá.
Paul; Ég hef verið þarna með foreldrum mínum, við vorum í fríi við norðursjó á eyjunni Sylt. Á heimleiðinn fórum við inní borgina, og gengum þar um. Það er langt síðan.

Ekki veit ég hver spurði Paul álits, en það sem ég ákvað að bæta við samtal þeirra þriggja er eftirfarandi.

Dr.Weber; Hver ert þú... hvaðan kemur þú?
Paul; Ég er frá Brandenburg, sem er mjög falleg borg. En þú?
Dr.Weber; Ég bara veit það ekki... stundum líður mér eins og ég sé ekki til í alvörunni... ákaflega undarleg tilfinning.
Anke; Systir eiginmanns míns býr í Brandenburg. Brandenburg er falleg borg.
Dr.Weber; Afhverju taliði svona saman... engin venjuleg manneskja talar svona!
Paul; Ætlar þú að ferðast eitthvað í ár?
Dr.Weber; Þetta eru undarlega samræður.... í meira lagi.... er ekki allt í lagi með ykkur?
Anke; Já, ég ætla kannski til Íslands, sumarið er víst mjög fallegt þar.
Dr.Weber; Kristur á jörð, þetta er ekki eðlilegt!!!
Paul; Áhugamál mín eru hjólabretti, Bandarískar kvikmyndir. Ég hlusta einnig töluvert á tónlist.
Dr.Weber; HA?
Anke; Í kvöld ætla ég að borða snitzel með tengaforeldrum mínum, mér líkar vel við tengamóður mína.
Dr.Weber; Í guðanna bænum, talið venjulega við mig!
Paul; Við getum það ekki, við erum kennslubókarfólkið. Bíllinn minn er gamall og góður.
Dr.Weber; Nei, ég tek ekki þátt í þessu rugli, ég er farinn!
Anke; Þú getur það ekki, þú ert líka einn af okkur. Kennslubókarfangi. Hvað viljið þið borða í hádegisverð?
Dr.Weber; Jæja þá. Ég vil gjarnan fá karríwürst, með frönskum kartöflum.
Paul; Gott, vertu bara þægur og talaðu piss, þá eru allir glaðir. Ég vil frönsku kartöflurnar mínar með tómatsósu.
Dr.Weber; Djöfull þarf maður að venjast þessu helvíti.... get ég fengið kóla drykk með frönsku kartöflunum mínum?
Anke; Nei, því miður, kóla drykkirnir virðast vera búnir, má bjóða þér límónaði?
Dr.Weber; Nei, ég hata límonaði.
Anke; Það var nú leiðinlegt, við eigum ekkert annað að drekka. Má bjóða þér franskar kartöflur?
Dr.Weber; Nei ég er góður, ég ætla bara að fara útí horn að gráta.....
Paul; Já, það er gott að gráta stundum, passaðu þig bara að bókin verði ekki blaut. Bókin sem við erum í.
Dr.Weber; (snökt) Ég geri mitt allra besta.

Séra Bragi Páll Sigurðarson

2004-09-21T13:26:00.000Z

Hvaðahvaða?

Langt síðan nýtt blogg hefur litið dagsins ljós, og ætla ég því að tjá mig um hin ýmsustu mál sem á daga mína hafa drifið undanfarið.

Helgin

Átti að fara í lærdóm, en hann varð frekar lítill. Hún var þó fín pása frá umheiminum. Á föstudag var skrallað með góðum hóp mætra manna, og skrifaði ég á ferðarlagi með Oddi og Ásgeiri ferðarsögu, sem hefur upphaf og endi, og ætla ég að lofa ykkur mínir kæru lesendur að bera augum þau ágætu orð sem ég hripaði niður á blað á föstudaginn.

Korter í lífi Braga

Þung sænsk bifreiðin hossaðist skilvirt og örugglega yfir hverja holuna á fætur annari á metnaðarlaust illa malbikuðum veginum. Sólin myndaði listaverk sem entust aðeins í sekúntu á innviði bílsins, og kastaði öðrum eingu ómerkari á landslagið við hlið Saabsins sænska, sem silaðist svona líka sérlega tignarlega inn á milli stórbrotinna landslaga, á víxl við glugga sem tóku spegilmyndir af þremur mönnum í sænskum bíl. Innan þéttbyggðs stálramma hálfaldraðrar bifreiðarinnar sátu spekingar, nútímahippar, sínir eigin hugsjónamenn, vandamálalausir, hlustandi á rispaðar útgáfur af löngu horfnum tíma.
"Djöfull erum við fáránlegir mar!"
var mælt, og fast á hæla fylgdi barnslegur, einlægur hlátur þartil útvarpið, með sín bjöguðu mótökuskilirði og rokkið og rólið tók aftur við að þögninni, þægilegri en óvelkomnri.
"Gummi, það má ekki bjóða þér að kíkja með okkur í bíltúr?"
Fjölga skyldi vitringunum þremur uppí fjóra, brátt fimm. Útvarpsfréttir á gúrkutíð tilkynna mönnum út tengslum við upplýsingaþjóðfélagið það sem þeir er alveg sama um. Sopi af öli og vottur af besta böli sem höfðað hefur á höfuð hinna viti bornu manna sem brúnan bílinn príða. Rætt er um liðna tíma, og hitta skal vetur konung við musteri gleðinnar... vatnið.
Sögur sagðar, sumar skondnar, sumar merkilegar, aðrar ómerkari og tilgangur frásagna þeirra öllum hulinn, algerlega. Horfnir draumar verða að raunveruleika, þarsem sólin skín en er að hætta, mótorfákar bruna framhjá sallarólegum göngugörpum. Hrossin heilsa þó uppá þá, með þessum risavöxnu spurningaraugum. Kuldinn leikur um þá, og lífið við. Steinn ofaní drullupoll verður að póþískum sigri, sem og hetta yfir kaldan haus. Göngutúrinn tekur enda hjá hinum fimmta speking, á rúllubretti hvar rúllað yrði, í góðu gengi.
Ahhhhhh......

Gullmoli

"Ég er bara of þreittur fyrir boðhátt"
-Guðni í þýsku

"Já, ég kvarta undan öllu"
-Ragnheiður

Laugardagur

Á laugardaginn var mér boðið í þrjú tvítugs afmæli, en eins og oft áður verður maður að velja og hafna, og varð fyrir valinu afmæli Nadiu, þarsem var fámennt en góðmenn. Þaðan var rölt til Obbu, þarsem voru samankomnar margar manneskjur sem ég hitti of sjaldan, og hafði því gaman af góðu spjalli við gott fólk. Ég borðaði allt nammið í afmælinu, og var því alveg hípersáttur þegar haldið var, með góðum stoppum þó, heim á leið til þess að koma á stefnumóti milli eyrans á mér, og kodda.

2004-09-14T08:53:00.000Z

Bob Dylan

Er erfiðar spurningar knýja dyra, má alltaf leita svara hjá Robert nokkrum Zimmerman;

Shelter from the storm

'Twas in another lifetime, one of toil and blood
When blackness was a virtue and the road was full of mud
I came in from the wilderness, a creature void of form.
"Come in," she said,"I'll give you shelter from the storm."

And if I pass this way again, you can rest assured
I'll always do my best for her, on that I give my word
In a world of steel-eyed death, and men who are fighting to be warm.
"Come in," she said,"I'll give you shelter from the storm."

Not a word was spoke between us, there was little risk involved
Everything up to that point had been left unresolved.
Try imagining a place where it's always safe and warm.
"Come in," she said,"I'll give you shelter from the storm."

I was burned out from exhaustion, buried in the hail,
Poisoned in the bushes an' blown out on the trail,
Hunted like a crocodile, ravaged in the corn.
"Come in," she said,"I'll give you shelter from the storm."

Suddenly I turned around and she was standin' there
With silver bracelets on her wrists and flowers in her hair.
She walked up to me so gracefully and took my crown of thorns.
"Come in," she said,"I'll give you shelter from the storm."

Now there's a wall between us, somethin' there's been lost
I took too much for granted, got my signals crossed.
Just to think that it all began on a long-forgotten morn.
"Come in," she said,"I'll give you shelter from the storm."

Well, the deputy walks on hard nails and the preacher rides a mount
But nothing really matters much, it's doom alone that counts
And the one-eyed undertaker, he blows a futile horn.
"Come in," she said,"I'll give you shelter from the storm."

I've heard newborn babies wailin' like a mournin' dove
And old men with broken teeth stranded without love.
Do I understand your question, man, is it hopeless and forlorn?
"Come in," she said,"I'll give you shelter from the storm."

In a little hilltop village, they gambled for my clothes
I bargained for salvation an' they gave me a lethal dose.
I offered up my innocence and got repaid with scorn.
"Come in," she said,"I'll give you shelter from the storm."

Well, I'm livin' in a foreign country but I'm bound to cross the line
Beauty walks a razor's edge, someday I'll make it mine.
If I could only turn back the clock to when God and her were born.
"Come in," she said,"I'll give you shelter from the storm."

Bob Dylan.

"Hallelúja bobbý, það var lagið!"
-Ég

Um bílinn minn

Ég hef komist að því að ég elska bílinn minn. Ég hélt fyrst, þegar ég settist uppí þessa bifreið, eftir að hafa verið neyddur til þess að kaupa hana af móður minni, guð blessi hana, að þetta væri mesta skrapatól. Eftir að hafa þeyst um götur borgarinnar á franska ljóninu, bíl, sem þrátt fyrir að ég hataði hann, var þó sæmilega hraðskreiður, þótti mér heldur en ekki súrt að silast um á þýskum brynvagn, í stað hins snögga og lipra(skemmtilegt orð) Sir William. Þýski bíllinn fékk nafnið Jóhannes, í hausinn á manni sem er íslenskur brynvagn, og hefur gríðarlegan áhuga á ákveðnum þýskum manni, og vinum hans, og öllum þeirra gjörðum, blehh. En síðan ég keypti þessa ágætu bifreið hafa vötn runnið beint útí sjó, margar ágætar nætur liðið innan hans deutche stálramma, margir ágætir menn, og nokkru færri ágætar konur gist þar næturlangt, eða einfaldlega eitt þar góðri kvöldstund með góðri tónlist, og góðum mat. Þósvo hann fari hægar, þá fer hann fjandakornið allt, ég hef toppað ótrúlegustu tinda, farið yfir stórfljót, undir hafið oftar en ég gæti talið, ruðst í gegnum snjóskafla, mannhæðarháa, í stormum, sem hefðu fengið stærstu jeppa til að skjálfa á öxlunum. Hvort sem það er drullusvað, snjóslabb, 32.mtr/sek undir hafnarfjalli í hellidembu eða bara að rúlli í Stykkishólm á fögrum sumarkvöldum, ekkert verk er of stórt fyrir hinn stórkostlega Jóhannes. Bíllinn hefur reyndar í gegnum tíðina öðlast gælunafn, auk hins tignarlega Jóhannesarnafns, sem er Deutche Automobil(borið fram Doítze Otómóbíl) en oftast er bara talað um Doítze. Ég vil því votta honum mína virðingu með því að skrifa ljóð handa honum;

Flaut Doítze Flaut Skrens Ískur

Flaut skrens flaut ískur bakkhljóð í sendiferðabíl
flaut flaut skrens sírenuhljóð í löggubíl
skrens ískur í tímareim sem er biluð
ískur skrölt í viftu sem er biluð

flaut ískur flaut spólhljóð
nýtt svart leðursæti hljóð
skott að skellast stefnuljósahljóð
flaut skrens bíll að keyra hratt framhjá hljóð

skrens ískur hljóðið í nagladekkjum
flaut skrens hljóðið í stórum traktóradekkjum
ískur ískur hljóðið í næstumþvíónýtum stimplum
ískur skrens hljóðið í sextán á30.þús snúningi stimplum

Séra Bragi "Pluss-áklæði" Sigurðarson

Um Futureheads

The Futureheads, The Futureheads, The Futureheads,

Um sjóræningjaleikinn

Undanfarna daga hef ég eitt þónokkrum tíma í sjóræningjaleik nokkrum, sem er byggður á bíómyndinni Pirates of The Carabian. Ég elska þennan leik!! Ég á sjóræningjaskip sem heitir Kári, ég á fullt af fallbyssum, og er með yfir 370 menn í vinnu, plús mínus 3-4 á viku afþví þetta er hættulegt starf. Ég ræni alla! Frakkana, spánverja, landa mína englendinga, aðra sjóræningja, búðir, heimili, stundum þurrka ég út heilu eyjurnar, stráfelli hverja einustu sálu, meiraðslega gömlu mennina sem standa í öllum veðrum, öllum stundum, fyrir framan kránna, og eru að slást.... alltaf.... alltaf..... alltaf. Já, ég elska sjóræningjaleikinn!

Busalingar

Eftirfarandi samtali varð ég vitni að, þarsem tvær busastelpur sátu og lærðu stærðfræði saman.

Busatelpa#1:"Bíddu bíddu bíddu... 5X3+2... hvað er það?"
Busatelpa#2:"5X3 eru fimmtán, var það plús 2?"
Busatelpa#1:"Já.... nei, þetta er þrír, eða, er það ekki?"
Busatelpa#2:"Ég veit ekki... ég kann ekki þetta..."
Busatelpa#1:"Á maður að plúsa fyrst tvoinn við þrjá, og síðan margfalda?"
Busatelpa#2:"Já, er það ekki allt í lagi?"
Busatelpa#1:"Híhíhíhíhí, ég gerði óvart fjóra, í staðinn fyrir 2... pældu í steik!"
Busatelpa#2:"Híhíhí, já þú ert algjör steik"
Busatelpa#1:"Hehehe, ég veit"
Zéra Bragi Hinn vitri: "Þið eigið að margfalda fyrst stelpur mínar, leggja svo saman"
Busatelpa#1:"Eeeeeee.... við kunnum alveg að reikna sko... ehhh"
Zéra Bragi Hinn vitri: "Já, greinilega, ég læt ykkur þá bara í friði, þið eruð klárlega mér mun æðri í listum stærðfræðinnar"(málfar bætt eftir að atburður átti sér stað)
Busatelpa#1:"Díses, vírd gaur!"
Busatelpa#2:"Já, hey, lærum stærðfræði, ÍÍÍÍK!"
Busatelpa#1:"Já!"

Ég leyfði þeim stöllum bara að reikna sína drullustærðfræði í friði, þeirra stærðfræði er greinilega alls óskild minni. Ég las það þó milli línanna í samtalinu og fékk það út að stelpa eitt er klárlega í forsvari fyrir þær tvær, og væntanlega valda-aðillinn, í þeirra sambandi, ef eitthvað er. Þær hættu þó ekki;

Busatelpa#1:"-4+4 eru mínus átta!"
Busatelpa#2:"Já, en kennarinn skrifaði annað uppá töflu"
Busatelpa#1:"ÞÁ ER HANN BARA HEIMSKUR!!!"

Já, gott ef ég trúði þeim ekki bara, ég helda að dæmið -4+4=8 gangi barasta fullkomlega upp,
Eftirfarandi skal syngja eins og barn sem er að stríða öðru barni, og ákveður að stríða því með söng, því allir vita, að orð særa, en söngur stórslasar;
hí-híhí-hí-hí,
kennarinn er heimskur,
kann ekki stærðfræði,
skrifaði bull uppá többlu!!

....þessir busar.....

Stafsetningarútásetningar

Nú hefur nokkuð borið á því að gestir þessarar síðu sjái sig knúna til þess að setja útá mína einkennilegu, og oft á tíðum undarlegu stafsetningu. Þessir sömu menn(reyndar barn í einu tilfelli) munu á næstu dögum fá að kenna á reiði minni. Ég mun heimsækja þá alla persónulega, gefa þeim Kynnhest, og ríða svo burt á mínum eigin Kynnhest, sem ber nafnið Sleipni, en hann er bara með þrjár lappir.

"Farið öll með minni blessun í rassgat, drottinn hefur talað"
-Ég

Pæling:
Ætli sé hægt að þreytast á því að vitna í sjálfan sig?
Önnur Pæling:
Ætli einhver hafi pælt í þessu áður?
hmmm.....

2004-09-13T13:53:00.000Z

Hérna...

...mók?
...djók?
...pók?

The Futureheads

Ég hef nú í nokkra mánuði glatt mitt ómerka sálartetur með fáeinum tónum sem hljómsveitin The Futureheads var svo falleg í sér að hamra saman og setja á netið. Á föstudaginn kom svo til landsins(fyrir mitt tilstilli)fyrsta plata þessara miklu tónlistarsnillinga. Sko, ég fór nú barasta í Skífuna og sagði bara "Sko, sko, ef þið pantið þennan disk,sko, þá skal ég lofa að kaupa hann." Og viti menn, þeir lofuðu svo að hafa samband þegar hann kæmi, sem þeir og gerðu, og það fyrsta sem afgreiðslupungurinn gerði var að þakka mér hreinlega fyrir að hafa bent sér á þessa hljómsveit. Svo var Óli Palli meirsla með þátt um þá fyrir stuttu. Merkjó.
Allavega, ég ætlaði nú bara að mæla með því að ALLIR fari og versli sér þessa plötu þegar hún kemur aftur í sjoppurnar. Ber hann nafnið "The City is Here for You to Use!" og er grár, en þrátt fyrir það inniheldur hann ekki gráa tóna. Nei og aftur nei, og er ég viss um að ALLIR geta fundið eitthvað við sitt hæfi á þessum frábærlega samansaumaða disk. GO OUT AND DO MY BIDDINGS!

The Accidental Piromaniacs

Ný hljómsveit hefur litið dagsins ljós, þær eru nú að verða fjandi margar hjá mér, þessar grúbbur, en þarsem enginn þeirra er fullvirk, er í lagi að fjölga þeim örlítið. Við Guðjón ákváðum að stofna hana eftir að hafa hlustað á The Futureheads í ansi hreint marga klukkutíma samfleitt. Hljómsveitina skipa;
Bragi:Áslátturshljóðfæri
Guðjón:Rythma gítar
Eyjólfur Fannar Scheving Jónsson:Solo gítar
Sveinbjörn: Bassagítar
Oddur Broddi: Annað
Haldin verður fyrsta æfing í dag, og verða fluttar fleiri fréttir af þessari ágætu grúbbu er fram líða stundir.

DJ.Adolf Hitler

Næstkomandi fimmtudag, að öllu líkindum klukkan 19:30 munu FB og MR mætast í ræðu-æfingarkeppni. Umræðuefnið er Adolf Hitler, og mælum við FB-ingar með. Vissulega er örlítill fugl(einn sá minnsti sem ég hef séð, ég tek þessa helvítis fugla yfirleitt úr hálsliðnum áður en þeir ná að hvísla einhverju að mér...) sem hvíslaði því að mér að e.t.v færi þetta umræðuefni ekkert allt of vel í fólk, og þaðanafsíður vel í gamalt fólk. En því meira sem ég hef velt þessu fyrir mér, þeim mun sáttari er ég, því ræðukeppnir eru einmitt það, keppnir. Vissulega er ákveðið magn af alvarleika viðloðinn þær, en hann nær þó ekki yfir það að ég hef unnið ræðukeppni þarsem ég mælti með því að hommar væru stólar...
Við erum ekki reið útí spjótkastara þósvo hægt sé að drepa með prikunum þeirra, þau eru einfaldlega hlutur sem þeir henda langt. Ekki köllum við þá "Morðingja í þjálfun" þósvo þeir leiki sér með morðvopn. Skotfimi er ólimpíuíþrótt, og 79% af byssum sem framleiddar hafa verið hafa verið notaðar til að drepa fólk... Ekki skömmum við menn fyrir að drepa peð í skák, fótboltamenn fyrir að meiða hvorn annan óvart. Tenniskonur eru neyddar til þess að ganga í skammarlega stuttum pilsum, sundmenn eru bara í nærbuxum, kappakstursbílar eyða ósónlaginu, keppnishross kúka... útum allt. Það má finna eitthvað slæmt að öllum íþróttum, en sem betur fer er eru þeir hlutir aðeins brot af stærri heild.
Þessi ræðukeppni verður enginn lofsöngur um Adolf Hitler, við sem erum í keppninni að "mæla með" dolla þurfum ekkert að trúa einu orði af því sem við erum að sejga, þetta eru alltsaman vopn sem við notum í baráttunni um sigur, en ekki okkar eigin sannfæring og trú.
Ég vona því, innilega, að fólk geti sleppt því alfarið að úthrópa okkur rasista að drullusokkar, vegna afstöðu okkar hvað varðar Adolf Hitler... og það í ræðukeppni, þvílíkir sleggjudómar hæfa aðeins börnum, lögreglumönnum og fólki frá Akureyri.
Tökum ekki upp ósiði, verum opinminnt og menningarleg, látum okkur í friði.

Séra Bragi Kunngjörir;

Héreftir er bannað að nota orðið Banki. Þess í stað skal notast við hið nýja orð, sem hinn háæruverðugi Séra Bragi Hefur kunngjört, PÁNKI! við tökum dæmi;
Pánki Pánkamaður Pánkareinkningur Pánkastjóri Pánkagjaldkeri Pánkabók
Heyri ég einhvern segja orðið Banki en ekki Pánki hefur sá hinn sami unnið sér inn kynnhest frá undirituðum.

Yðar einlægur, Séra Bragi Páll Sigurðarson

2004-09-08T11:37:00.000Z

Bandaríkin

Nú lifum við á merkilegum tímum, fyrir margar sakir, en einna helst fyrir þær sakir að voldugustu þjóð í heimi er stjórnað af manni sem er með rökhugsun og greind á við pottaplöntu.
...það er frekar leiðinlegt að blogga um þetta... þannig ég ætla að hætta því.

Partý!!!

Výíyý´´iíéééé!!! Eru ekki allir á lífi?!? Væri kómíst að...hmmm.... væri hvað kómíst?

Kómík

Mér dettur ekkert kómíst í hug... hef ég misst gáfuna?
...nei... bíddu....

Black Hole Project

Hljómsveit okkar Hjartar og Adda er komin vel á veg. Vísir hefur myndast af þremur lögum, og eru þau öll ódauðleg og vitaskuld meðal bestu laga sem nokkurtíman hafa verið samin. Ef þið, mínir kæru lesendur, hafið á því hug, þá er ekki úr vegi að setja lögin hér á síðuna þegar þeim hefur verið lokið.

Vinnumannafólk(og konur)

Ég leita að fólki í vinnu við eftirfarandi hluti;
1. Þrífa bílinn minn.
2. Taka köttinn minn af lífi(viðkomandi má eiga líkið af kettinum er hann hefur aflífað hann, en ég las í BoBedre að hægt væri að búa til stórfallega lampa úr kattarhræum, hverskonar.
3. Lopapeysa.
4. Borga töluvert magn af útistandandi reikningum.
5. Finna upp lækninguna við holdsveiki, bara uppá grín.
6. Í!!! AHAHAHAHAHAHAHAHAHAHAHA!!!
6. Í!!!(STÓÐST BARA EKKI MÁTIÐ, HAHAHA!!)
6. Gefa mér peninga.
7. emm... og gefa mér sokka, vantar sokka... eða hvað... nei bíddu, gefið mér bara peninga, þá get ég keypt sokka.
8. Farðu að hátta... DJÓK!
9. Læra heima fyrir mig.
10. Mæta í vinnuna fyrir mig.

Laun verða samkvæmt kjarasamningum milli mín og guðs, þarsem sjúkrahúskostnaður verður ekki greiddur, nema viðkomandi hafi misst útlim í slagsmálum við lesbíu, en sé viðkomandi lesbía þá fær hann einnig greiddan tannlæknakostnað.

Pótfolti.

Í gær komu nokkrir fótboltamenn inná ölstofu, fyrst voru þeir bara rólegir, en eftir því sem fleiri og fleiri bjórar runnu ofaní þessa mætu kappa urðu þeir undarlegri og undarlegri. Þeir fóru að kalla á hvorn annan, og rífast um hluti eins og vörn og markverði. "Þú veist vel að þessi vörn er bara helvítis rugl!" "Ég þarf ekki að sitja hérna og hlusta á þessa dellu!"
Undir lokinn fórum fótboltakapparnir svo á trúnó, og sögðu þeir hvor örðum hversu mikið þeir virtu hvorn annan, sem íþróttamenn. Loks sögðust þeir vera vinir, mjög oft, við hvorn annan. Svo drukku þeir meiri bjór, og einn fór í fílu, og strunsaði út.
Kannski gerði einhver grín af vörninni hans.
Vonandi gerði engin grín af vörinni hans.

2004-09-06T09:41:00.000Z

DVERGUR!!!! HAHAHAHAHAHAHAHA!!!! DVERGUR!!!!!

ÞAÐ VAR DVERGUR AÐ KOMA INNÁ BÓKASAFNIÐ!!!
....hahahahaHAHAHAHAHAHAHA!!!!
Hann er svo lítill og sætur... ég ætla að fara og kítla hann.... nahhhhhh.... en bara smá?....
HAHAHAHA, HANN VAR AÐ STANDA UPP EN SAMT ER HANN DVERGUR.... er mig að dreyma? Er kominn alvöru dvergur í FB.... ekki platdvergur.... ég einfaldlega verð að fá að taka þennan dverg á háhest áður en ég klára þennan skóla.... NEI... JAFNVEL ENNBETRA... HANN TEKUR MIG Á HÁHEST!!! ahhhh.... ég elska þennan dverg.... draumur minn er að teipa dverg við bakið á álft og horfa svo á eftir henni fljúga suður á bóginn.... MEÐ DVERG Á BAKINU....

p.s. er ekki rétta íslenska lýsingin á dverg ; "Ó-stór einstaklingur, hæðarlega ögraður einstaklingur... mjög lítill maður.... eða jafnvel Lúlli Dvergur....

p.s.s. ættu ekki allir dvergar að vera kallaðir Nafn + Dvergur? T.d. Davíð Dvergur, Dóra Dvergur, Doddi Dvergur, Diddi Dvergur, Dagný Dvergur.... o.s.frv......

ÉG ELSKA ÞENNAN DVERG!
ég vildi að ég væri dvergur....
NEI!! ÉG VILDI AÐ ÉG ÆTTI DVERG!!

2004-09-06T08:37:00.000Z

Jíhad

Ég háði yfir helgina heilagt stríð, gegn sjálfum mér. DJÓK!

Axis&Allies

Á laugardag var tekið aftur í hið fornfræga spil, Axis&Allies. Börðust bandamenn(Ég og Oddur) hetjulega gegn hinum gjörspilltu Öxulveldum. Baráttan var hörð, og barist var hatramlega, en það er eins og málshátturinn segir, næs gæs finish last.

BUSABALL

Ég fór á busaballið á fimmtudaginn. Fólk var drukkið, en ég ekki mjög, ég söng nokkur lög, var sveittur, áreittur, og fór svo að sofa. Ballið var gott.

2004-09-02T14:18:00.000Z

Smáhlutir-Properties

Það er fyrst þegar maður byrjar að taka eftir litlu hlutunum í hringum sig að maður fær tækifæri á því að fegra lífið umfram default settings.

Séra Bragi Páll Sigurðarson

Hugsanlega fyrsta atómljóð síns tíma...

2004-08-31T09:53:00.000Z

Skólinn

Fjölbrautarskólinn í Breiðholti er undirlagður börnum. Hvert sem ég lít, sé ég hrædd barnsandlit á illa snyrtum kollum þeirra, við þá eru fastar yptar axlir, sem príða barnalegar skólatöskur sem á eru letraðar uppáhalds hljómsveitir, sniðug komment eftir Manson og félaga og barmmerki með misgáfulegum áletrunum. Bólur láta enni þessara ógæfulegu barna líta út ekki ósvipað virkum eldfjallasvæðum. Þau hlaupa um og æslast, slást og hlægja, tala um Justin Timberlake og stela borðum, henda mat hvort í annað og detta á borðið mitt með þeim afleiðingum að það hellist úr kaffinu mínu... og á meðan öllu þessu stendur kemst ég ekki hjá því að hugsa;
"Ég var eitt sinn svona"
en svo hugsa ég líka
"Ég hata þessi börn"
og einnig
"Ætli sé hægt að læra að farga líki á netinu"
og að lokum...
"Ég á ekki að vera hérna"

Black Hole Project

Er nú komið á fulla ferð. Hljómsveitina skipa ég(Séra Bragi) á synth, sé einnig um takta. Hjörtur "Vetur Konungur" skal sjá um hverskonar textasmíði og að lokum er það Arnar, betur þekktur sem Addi í Ísidor. Er um að ræða tilraunakennda rithma tónlist, með áherslu á nýmóðins og áður óþekktar grundir tónlistarheimsins, sem við hyggjumst kanna, með hljóðfræði og forvitni sem okkar landakort og áttavita. Spennandi tímar frammundan, svo sannarlega. Fylgist með.
"There is no project, like the Black Hole"
-Einfalda skáldið...

2004-08-30T15:21:00.000Z

Húðflúr

Nú er það loksins komið á líkama minn, tattúið sem ég hef talað um í rúmt ár, Ísland, á rassinn, með fána sem stendur á "Iceland" yfir þvert landið, újé. Ég ætla ekki að setja myndir af bossanum á mér inn, en fólk má stoppa mig útá götu og biðja um ásýnd af rassi mínum, og þeim verður hún veitt. Húðflúrið er töluvert stærra en ég gerði upphaflega ráð fyrir, mun, mun stærra, en ég er drullusáttur við það, og núna get ég alltaf fengið fólk til að hlægja þegar

Íslenskukennarinn sem er kona var að segja;
"Ég væri pungsveitt, ef ég gæti það"
kómíst

allavega.... já, ég get alltaf fengið fólk til að hlægja ef ég sýni á mér rassinn... ég er loksins kominn í bekk með fólki eins og Ómari Ragnarssyni, Agli Skallagrímssyni, Magnúsi Scheving, Vigdísi Finnbogadóttur og Gunnari á Hlíðarenda sem SÚPERÍSLENDINGUR!!
...reynið að toppa það...

Um helgina...

...var unnið, slappað af, og ákveðnir ónefndir aðilar voru niðurlægðir í Trivial Persuit, og þá meina ég niðurlægðir, tár og blóð flæddu um sali

2004-08-27T09:35:00.000Z

Föstudagsblogg

Í gamla daga, þegar bragi var með teljara, þá mættu alltaf flestir hingað á föstudögum. Ég ætla einfaldlega að gera ráð fyrir því að í dag komi því fleiri gestir en aðra daga vikunnar, og ætla ég því að senda ykkur á vit helgarinnar með nokkra viskumola úr smiðju Braga. Þeir meika kannski ekki sens, þeir eru kannski algjört helvítis bull, en þetta eru viskumolarnir mínir, og ég elska þá.

Viskumoli#1.
Þú skalt ekki á meðan aðrir eru að.... nei, bíddu...

Viskumoli#2.
Þú skalt ekki aðra guði hafa, en mig.

Viskumoli#3.
Emmm.... viskumoli..... tuskufoli.... yea!

Viskumoli#3.
Nei, bíddu, þetta á að vera viskumoli #4.

Viskumoli#4.
Þarna kom þetta.

Viskumoli#5.
Hvað er svona ógeðsleg stelpa eins og þú að gera á svona fínum stað?

Viskustykki#1.
Hvað er svona ógeðslegur staður eins og þú tvær kleinur og pressukaffi?

Viskumoli#6.
Sjaldan er belja kú nema síð... nei... nema... í askana látið... já...

Listarstoli#2.
Ég er svangur, fékk mér kleinu og kaffi.... mmmmm....

Viskumoli#7.
Maður þekkir helvítis busana á því að þeir eru alltaf hræddir.. og illa klæddir...

Þvag#1.
Fór að kasta vatni.

Viskuboli#1.
Muuuuuuuuuuuu!!!

Viskümolch#8.
Ich bin eine swarzkopt und spiegel, mit spitzh macht autoban!!

Viskumoli#9.
Ég er veikari fyrir brjóstum en nokkrum öðrum hlut í heiminum.

Viskumoli#10.
Vissuði að drottningin í englandi á alla svani í heiminum, skv. lögum frá 1723.ek.

Yfirlit yfir líf Séra Braga Páls Sigurðarsonar;
frá því einhvertíman þegar hann sagði frá því síðast fram til þess tíma sem þú kæri lesandi lest þessi ágætu orð.

Lífið er flókið núna. Flestir sem segja þetta eru þunglyndir, en ég er einfaldlega mjög upptekin maður. Samhliða því að mæta í dagskóla, þarsem ég er með 22.einingar, er ég í kvöldskóla, með 9.einingar, og er einnig í vinnu á kvöldin, oftast frá tíu til 3 á næturnar, 5-6 um helgar.
Þetta hefur orsakað mjög þreyttan prest, með bauga undir auga(fleirtölu) og gífurlegt innbyrgt magn af tvöföldum expresso, doritos snakki, camel filters, kleinur, kóka kóla og grænmeti, því maður vill ekki gleyma grænmetinu... neiiiiii......

Ég er kominn á fast.
Ég er byrjaður að fasta.

2004-08-25T18:51:00.000Z

Like the sailor once said;
"Ain't that a hole in the floor?"

Þarsem ég er sonur sjómanns er e.t.v ósiðlegt af mér að finnast þetta fyndið,
kallið mig þá bara drullusokk.

2004-08-25T15:17:00.000Z

Síðasta færsla

...var ekki á minni ábyrgð, þrátt fyrir það finnst mér hún frekar fyndin, og ætla ég því að leyfa henni að standa. Ekki eru margir sem liggja undir grun, eiginlega bara ein manneskja, sem ég ætla ekki að nefna á nafn, en við skulum segja að hún viti sjálf hver hún er. Vá, þetta var svo undarlega orðað að ég ruglaði eiginlega líka sjálfan mig, skondið.

Morð á blaði

Blóðið er þykkara en blekið, sem þekur hvítt, og svo svart, rautt blaðið. Blóðbaðið rennur yfir fagursköpuð orðin. Morðin sem framin voru á þessum síðum voru blóðug. Rjóð og hress ung stelpa skokkar í síðum, krumpuðum kjól, sem er með litríku blómamunstri, en fellur svo í valinn fyrir þeim sem er allt að kenna. Þessum blóðuga penna.

Séra Bragi Páll Sigurðarson

Skólinn

...er hafinn, á ný. Blendnar tilfinningar? Nei. Ótti við hið óþekkta? Nei. Langar mig að vera hérna? Nei. Er ég að fara að útskrifast eftir ár og þarf þá aldrei að láta sjá mig í þessari guðsvoluðu byggingu? Já.

p.s. ég var skráður í dönsku, en skráði mig úr honum:)

REBEL!

Sumarið

...er búið, en þarsem þetta er langbesta sumar sem ég hef nokkurtíman lifað, þá get ég ekki annað en verið sáttur við það. Ég vil þakka samferðarmönnum mínum kærlega fyrir frábærar stundir, og samferðarkonum vil ég þakka fyrir enn betri stundir, og stunur. DJÓK! -eða hvað?

Bróderingar

Ég er sestur við saumaskap. Ég hef ákveðið að klára púða sem ég og móðir mín höfum verið að bródera undarfarin tvö ár. Skjöldur, vinnuveitandi minn, hefur gert tilboð í útsauminn, en ég hef ekki tekið því, ekki enn. Ég er jafnvel að pæla í að halda uppboð, þarsem aðeins Skildi og mömmu er boðið, og þau munu þá berjast um bróderinguna mína eins og allar siðmenntaðar þjóðið hafa gert á undan okkur.... Í LEÐJUSLAG!!! KREISÍ!! -eða hvað?

Jæja, ég er farinn... eitthvað.... útí óvissuna... eða bara að kaupa mér pulsu.

2004-08-24T11:08:00.000Z

Konan mín
Það var spennandi að grípa í tippalinginn í nótt og horfa á þennan tígurlega kvenmann. Ég er ennþá að slefa.. ;-)

2004-08-15T19:16:00.000Z

Þetta Sumar

Hvar skal byrja. Besta sumar ever. Núna akkúrat sit ég sæmilega þægilega þunnur fyrir framan tölvuskjáinn, hátalarnir synga til mín hippaleg lög og ég er með nýpressaðan appelsínusafa og klaka í glasi, í þá mund að troða í skolt minn nýbakaðri pizzu, með mínu nafni á. Ég er nýverið kominn út stórgóðri sundferð þarsem stórbrjósta kona flatmagaði í veðurblíðunni við hliðina á mér í buslulauginni, og fór ég svo og keypti mér bísna kalt kók af annarri stórbrjósta konu í afgreiðslunni, sem þráði líkama minn kynferðislega. Ég ætla að semja ljóð.

Þetta sumar

Þetta sumar

dansinn dunar

mjög langt frammá nótt

bíllinn brunar

og sólin lumar

á lofti sem gerir fólk rótt.

Séra Bragi Páll Sigurðarson

Danske Dage

Á dönsku dögum var svo sannarlega tekið á því, ég var vel undir áhrifum áfengis, umghringdur fólki sem ég hef mjög gaman af, og hafði gaman af.

Spa

Er það rétt sem ég er að heyra, fór Bragi í spa? Já það er rétt, með 3 mætum mönnum fór ég og átti hommalegasta dag sem heyrst hefur um. Fýrts er orð sem er ekki til í íslenskri orðabók, ég checkaði á því. (Á þessum tímapunkti í skrift þessa bloggs fór ég og sótti mjög góða pizzu með hakki og lauk, schnilld)

Hmm... hvað var ég að tala um? Já... schnilld!

Ok, Fyrst fórum við í heitan pott, og svo kom fólk og nuddaði okkur á meðan við drukkum ískalt límonaði, svo fórum við í heita svaml-laug, sem gerði mér ofboðslega gott. Þaðan var haldið í mjög góða sánu, og skeggrædd dagleg málefni við mann sem hét Finnbogi og var gamall, það fannst mér mjög kómíst, allt saman. Ég er ekki frá því að ég hafi aldrei verið eins endurnærður og þegar ég steig útúr Spa-inu(er spa ekki kvennkyns orð) hmm.... allavega, mæli með spa-i ef þið viljið vera í lag-i, eins og Brag-i.

Farinn að horfa á sjónvarp, farið í rassgat.

2004-08-08T20:12:00.000Z

Lífið leikur...

...við mig!

Gay Pride

Var mergjað, að fá vini sína í heimsókn í vinnuna, að spjalla við merka og ómerka menn, að servera öl í góðu skapi fyrir gott fólk með góðu fólki, hvað getur maður fleira um beðið?

Skáldanótt

Ég og Oddur B erum nú á fullu í undirbúning fyrir Skáldanótt hina fyrstu, við höfum að vísu átt nokkrar skáldanætur, en þetta er sú fyrsta sem er"official".
Á Skáldanótt drekka tveir merkir menn rauðvín og dýran bjór, keðjureykja og pæla, sitja með hönd á höku, skeggræða gáfuleg málefni, flækjur í leikritum og Göthe. skella uppúr eins og börn og gráta eins og móðir sem misst hefur barn sitt. Afrakstur Skáldanætur er undantekningarlaust meistaraverk, sem eflaust verður birt á þessari mætu síðu fyrr eða síðar.

Sjálfskoðun?

Þessi síða... þessi síða... hvað skal segja... þessi síða.
Það hljómar kannski undarlega, en ég er farinn að bera tilfinningar til síðunnar minnar. Ég sakna þess stundum að blogga, gleðst þegar fólk hrósar síðunni, og er fúll fyrir hennar hönd þegar farið er um hana ófögrum orðum, mér finnst gaman þegar hún lítur vel út og ógaman þegar því er öfugt farið. Ég ber tilfinningar til hluts sem aðeins er til sem rafboð og númer, og hef ég því ákveðið að semja ástaróð til síðunnar minnar, en þó í því formi sem hún þekkir besti, vessgú:

00101101100

1000101110010100100

10010100100

0100011100

1011010100

0100110011001010011

100101001001

5ér4 Br4g1 Pá11 51gurð4rs0n

Ég vona að þið njótið þessa, væntanlega undarlegasta ljóðs sem á þessari mætu síðu hefur sést.

Sumar

Þetta sumar hefur verið það furðulegasta sem ég hef lifað, ég hef upplifað lægðir sem voru ómerkilega ó-lágar, hæðir sem voru merkilega háar og furðugóð millibilsástönd þess á milli. Kvennamálin hafa verið í góðum farvegi, ekki einu stóru fljóti eins og oft áður, en mörgum litlum lækjarsprænum þess í stað.... ef þið fattið mig.

Eníveis, þetta sumar fær alveg þrjároghálfstjörnu, af fjórum mögulegum, ég held að aðeins sumarið 2011, þegar ég verð 27 ára, muni toppa þetta.

Dauður

Ha?!?!? Hvað er ég að heyra? Er Séra Bragi látinn?

Neineinei, grafið þessar ómerkilegu sögusagnir, ég er ekki dauður úr öllum æðum enn. Þrátt fyrir það hef ég merkilega sögu um dauða minn að segja.

Fyrir nokkrum dögum var ég með bros á vör að rölta niður laugarveginn á leið til vinnu á Ölstofunni, hvar ég geng framhjá járnvöruverslunninni Brynju. Ég staðnæmdist örskotstund við búðargluggann, þarsem sýnd voru flott nafnspjöld sem ríkir menn kaupa til þess að hafa á hurðinni að skrifstofunni sinni, nú eða á skrifborðinu sínu. Ég hugsaði eftirfarandi.

"Hmmm.... hvað er aftur langt til tungslins..... emm...úff... ég bara man það ekki!"

En svo hugsaði ég:

"Bara merkilegir menn eiga skilti með nafninu sínu á, og þeir eru ekki margir, þannig ég gæti verið merkilegur ef ég á skilti með nafninu mínu á!!"

Svo trítlaði ég inn, ræddi lengi við verslunarstjóran um konur, og svo um skilti. Hann sýndi mér síðan úrval þeirra skilta sem hægt er að kaupa sér. Þar voru gilt, silfruð, grá, hvít, og bara... já... allskonar skilti. Eftir að hafa starað á þau í nokkurn tíma í aumri tilraun til þess að ákveða mig hvaða skilti skildi kaupa rak ég augun í það.

Skilti á leiði!!

Við varð ekki snúið, ég varð að fá skilti, eins og sett er á krossa á leiði!

Manninum sem var að afgreiða mig fannst þetta undarlegt og skemmtilegt, bæði í einu. Aldrei hafði hann áður tekið við pöntum um leiðaskilti frá aðila sem ekki var látinn, fyrir aðila sem ekki var látinn. á pöntuninni stendur eftirfarandi:

Pöntum um skilti á leiði

kúnni:Bragi Páll Sigurðarson

dags:5/8/04

verð:5300

Texti á skilti:

"Hér hvílir

Séra Bragi Páll Sigurðarson

f.29.03.1984 - d.29.03.2011

Blessuð sé minning hans"

staðgreitt."

Afgreiðslumaðurinn horfði nokkrum sinnum á kortið mitt, á kvittunina sem hann var sjálfur að skrifa, aftur á kortið, á mig, renndi kortinu í gegn, lét mig skrifa, horfði aftur á kortið, mig, kvittunina, hristi hausinn, hlóg, leit upp og sagði:

"Þú ert undarlegur, gjörðu svo vel"

Ég spígsporaði út.

2004-08-07T07:05:00.000Z

Tjahh....

...hvað skal segja... farðu í rassgat?

Vinna

Það hlaut að koma að því, yðar einlægur er kominn með vinnu, og það ekkert slæma vinnu, ónei og ekki, maður er gengilbeina á Ölstofu Kormáks & Skjaldar, ekki slæmt það. Á ölstofunni reyna við mig sætar stelpur, ég blanda áfengi, spjalla við frægt fólk og er kúl.
Nú ert þú, minn ástkæri lesandi eflaust að hugsa "Hvað ætli sé draumadjobbið hans braga?" En þessari spurningu er auðsvarað. Að vinna á Ölstofu Kormáks & Skjaldar.
Það er eins gott að þið komið að heimsækja mig.

Versló

Um versló var farið til Akureyrar, þessi ferð var stórfín í alla staði, og ekkert slæmt um hana að segja. Bojo og Jimmy Black röltu um götur Akureyrar með gítar, og spiluðu þessir miklu meistarar fyrir smápeninga, en það er vitanlega ekkert nema töff að komast þannig í tengsl við ræturnar. Ég mun hugsanlega tíunda þessa ferð betur seinna, en ég bara hreinlega nenni því ekki, var að vinna í 8 tíma, lykta af bjór, sígarettum, og fallegum konum með stór brjóst:)

Gay Pride

Ég verð að vinna á morgun. Samstarfsfólk mitt segir "Gay Pride" ávallt með óttablandinni virðingu, því þetta er víst ein mesta örtröð sem fyrir kemur, og það á mínum fimmta vinnudegi. Ég keypti mér í tilefni hommahátíðarinna bol, sem á stendur "Hinsegin Ísland" og er á honum mynd af íslandi á hvolfi... skemmtó.

Jæja, kannski ekki skemmtilegasta bloggið mitt ever... en þú veist... farðu í rassgat.

2004-08-06T04:40:00.000Z

Guðjón flytur fréttir af Braga:

Bragi Páll er sem stendur heimilslaus sökum spánverja sem hafa herjað á heimili hans. Hann hefur lifað af síðustu nætur ýmist í bílnum sínum, sumarbústöðum og heima hjá oddi. Til aðdáenda hans er mér einnig ánægja að tilkynna að hann er við góða heilsu (miðað við aðstæður) að spila Burnout í playstation og mun verja nóttinni á öruggum stað í híbýlum mínum. Því má eiga von á því að Bragi snúi aftur í bloggheiminn innan skamms.

2004-07-25T19:09:00.000Z

"Ég gerði þjóðinni meiri greiða gæfi ég hverjum þegn hennar skrilljón billjónir en semdi ég fyrir hana ódauðlegt ljóð"

Hefði nóbel-skáldið, eða núbba-skáldið, eins og hann hefur löngum verið nefndur, sagt þetta, hefði hann hitt naglan á höfuðið, frekar en að gefa tannlausri þjóð tannbursta, það væri eins og að gefa öllum í Sköllótrafélagi Íslands hárbursta, ef við gefum okkur þá forsendu að það félag væri til og að engin í félaginu hefði efni á því að kaupa sér hárbursta.

Í gær...

Var svo sannarlega tekið á því. Þegar ég skreið uppúr þynnkunni var Oddur Broddi kominn, ég henti honum í sturtu, fór eftir það sjálfur, og svo hlupum við í jarðarför móður Kiddós. Athöfnin var reglulega falleg, en presturinn var gjörsamlega vanhæfur. Mismæli hans náðu nýjum hæðum, og þegar honum mistóks að lesa upphátt ártalið 1984 féllust mér hendur í skaut.
Athöfnin var þó reglulega falleg, söngur, bæði kór og sóló, var til fyrirmyndar, sem og öll umgjörð, virkilega falleg jarðarför.
Þá var haldið í erfidrykkju, og svo erfiðisdrykkju heima hjá Hreiðari frænda, þarsem ég seldi rafmagnshlaupahjól, drakk bjór, skipti um föt, o.s.frv.
Þvínæst fór öll hersingin uppí bíl á leiðinni til Grundarfjarðar, nema við lalli. Við vorum laumufarþegar í skottinu á Ford Econoline, og skemmtum okkur vel þar. Í Grundarfirði var skrallað, mikið, drukkið, meira, leitað að Gumma, en fann bara hjólreiðabætur og einn túborg. Hitti Hannes Portner, sem gaf mér í staup, og gaf mér svo staupið, höfðingi. Ég tók mér hlutverk friðarhaldara á þessari hátið, og gekk ég á milli a.m.k.4 slagsmála með friðarpípuna að vopni, róuðust menn þá almennt, og var ég því ekki vitni að neinum hnefahöggum, aðeins mönnum sem gáfu mér sopa fyrir að vera friðarsinni. Það var ánægjulegt. Að lokum vorum við Oddur margsviknir um far aftur í Stykkishólm, svo við röltum bara af stað í hólminn. Þegar við vorum komnir u.þ.b 10km, og enginn af þeim 10 bílum sem keyrt höfðu framhjá okkur stoppað (Ég meina, ok, tveir menn, 10km frá öllum mannabyggðum, í svörtum jakkafötum, kl 5-6-7 um nótt... þú stoppar fjandakornið) allavega, við vorum aðframkomnir af þorsta, hungri, og kulda, og kom þá gamli skátinn upp í Braga. Við átum lambagras(hvað annað?!?) og fengum okkur vatn að drekka, úr yndislegum læk. Loks lagði Oddur sig á mosabeði, gróf ég eldstæði við hlið hans, brytjaði þvínæst niður göngustafinn hans, sem ég slasaði mig við að fresla frá illri girðingu, og kveikti lítin varðeld til þess að halda á okkur hita, og þurrka fötin okkar, sem voru orðin blaut og köld. Við lágum við sitthvorumeginn við varðeldinn, ég og oddur, sváfum á víxl og ræddum misgáfuleg málefni. Loks hringdi Þorsteinn faðir Odds, og spurði hvar við værum, ekki vissum við nákvæma staðsetningu, en hann lagði nú samt af stað, og kom u.þ.b 1 1/2 tíma seinna, en fyrir eitthvað kraftaverk hafði mér tekist að halda lífi í varðeldinum allan tímann, ánægður með það. Hann keyrði mig svo hingað í hólminn, þarsem ég svaf svo til klukkan 5 í dag, vaknaði með harðsperrur í öllum líkamanum, lykta eins og áramótabrenna, og með sár á fingrum eftir frelsistilraun göngustafs Odds, en engu að síður, drullusáttur við atburði gærdagsins.

50 cent

Jahérna, er mér nú tíðrætt um blámanninn 50cent, en ætlaði ég aðeins að impra á því sem Helgi Eiríks hefur kunngjört, þ.e. að seljist upp á þessa tónleika þá ætlar hann að flytja úr landi, og ég einnig. Við oddur ætlum engu að síður að klæða okkur upp í blökkumannaföt, setja sökkabuxur okkur á höfuð og skammbyssu í nærbrókarstreng. Hyggjumst við í múnderingu þessari spígspora um gólf tónleikahallarinnar á meðan hálfmennið þenur raddböndin, og verðum við með þessu að sýna "Listamanninum" virðingu okkar.... KALDHÆÐNI!!

Avril Lavigne

Ef ég skrifaði nafnið rangt, þá getiði bara átt ykkur. Ég vildi bara undir lokin koma með setningu sem Oddur viðraði ósjaldan um helgina, eftir þess ágætu listastelpu.

"He was a boy, she was a girl, could it be any more obvius?"

Jahh, mar spyr sig, kúdd itt?

Séra Bragi Páll Sigurðarson Djákni

Nú las ég viðtal við Djákna, sem reyndar var algjör kveif, en komst að því að Djákni er djöfulega töff viðurnefni. Hef ég því ákveðið að alltaf þegar ég skrifa eða læt frá mér dónalegt ljóð, þá verði það undir nafninu "Bragi Páll Sigurðarson, Djákni" en mun ég ennþá halda mig við gamla "Séra Bragi" sem nafn undir hefðbundin ljóð, ætla ég í tilefni þessa nýja titils að aumka mér yfir ykkur, mínir kæru lesendur, þarsem of langt er síðan dónaljóð leit dagsins ljós, og fáiði því að líta nýtt ljóð, núna;

Dónaljóð

Stúlkukindin
sagðist fyndin
á furðulegan máta
Svo brást þindin
er reðurlindinn
fékk op inn í að láta.

Bragi Páll Sigurðarson, Djákni

Kannski ekki það besta sem ég hef látið frá mér, en maður er orðin svo ryðgaður í dónaskapnum, þið bara verðið að afsaka. DJÓK!

2004-07-20T20:34:00.001Z

Draumagamall

Draumagamlir droparnir splundrast látlaust á veginum mínum. Einmanalega ljóstíran af luktinni minni láta steinvölurnar dansa við skugga sinn, tregafullan vals. Regnið myndar óteljandi gárur í pollunum.

Sjálfstraustið hverfur.

Það brakar í grófgerðri mölinni undir berum iljum mínum. Smávaxnir blóðdropar seitla úr sundurskornum fórunum, milli steinanna, niður í sandinn. Gangan hefur verið óendanlega löng, óþarflega ströng.

Sjálfsímyndin hverfur.

Þessi vegur, sem þó er aðeins til í höfðinu á mér, virðist endalaus, og er dimmur. Skraufþurr tunga mín, sem fyrir löngu hefur gleymt unaðslegri viðkomu vatns, hrópar, en það eina sem svara er bergmálið. Loftið ber með sér illan daun minninga sem aldrei voru.

Sjálfsálit hverfur.

Úr fjarska heyrist vængjasláttur. Ofheyrnir? Eftir miðjum veginum kemur fugl, dúfa, hvít sem bein hálfgrafið í eyðimerkursand. Hún flýgur lágt, aðeins rétt yfir veginum, svo lágt að smágert rykið veginum þyrlast upp fyrir aftan hana. Hún staðnæmist rétt fyrir framan mig og segir "Hættu" og flýgur svo af stað aftur, milli fóta mér. Rykið sest aftur á auðan vegin fyrir framan mig. Ég sný mér við og fæ ofbirtu í augun.

Grasi gróið engið var fyrir aftan mig allan tíman. Fuglasöngur, lækjarspræna og tré sem teygja sig svo hátt til himins að sjálfur himnafaðirinn hlýtur að snyrta á þeim toppana. Bros læðist yfir rykþakið andlit mitt. Ofurlítið tár seitlar úr þreyttum augum mínum, milli steinanna, niður í sandinn.

Þú birtist.

Séra Bragi Páll Sigurðarson

23. Júlí 2004

kl.03:28 aðfaranótt föstudags.

Skrifað á landstími frá Flákanum.

GLEÐILEGAN FÖSTUDAG Y'ALL!!

2004-07-20T20:34:00.000Z

Klúður

Í gær fór ég á sjó. Ég vissi ekki aðfaranótt mánudags að til stæði að ég færi út, þannig ég tók því bara rólega, fór að sofa kl 4, en viti menn, klukkutíma seinna vekur ástkær faðir minn mig með þeim orðum að ég skuli nú rísa úr kör, þarsem hafið bláa bíði mín, og þolinmæði þess er víst takmörkuð.
Hálf-ó-sofandi fer ég þá á lappir, of þreyttur til þess að mótmæla, en of fátækur til þess að neita hrökklast ég niður og skófla í mig tveim diskum af kókópöffsi, sem þegar í stað skildu við skoltinn á mér eins og vígvöll.
Alveg ótrúlegt, ég er ekkert sérstakur aðdáandi kókópöffs, en samt ét ég það alltaf ef það er til, og samt veit ég að það rústar á mér gómnum. Í sárum fór ég sumsé útá sjó og fatta þegar við erum komnir 10sjómílur út frá Stykkishólmi að ég gleymdi sígarettunum mínum í landi, og þar er vandi sögunnar kominn. "Jæja" hugsar nigótín fíkíllinn "Ég meika þetta þangaðtil í kvöld" en 2 tímum seinna var ég búin að naga af mér allar neglur, og gott betur.
Þegar við feðgar erum svo komnir útá Fláka (innskot höfundar: gjöful mið austan Breiðafjarðar) kemur svo í ljós að fiskerí er ekkert, og erum við þá búnir að stíma(sigla) 60 mílur, sem er um 8klukkustunda ferð. Fúlir yfir lélegum veiðiskap ákváðum við að bjóða firðinum byrginn og vera úti í nótt. Slæm ákvörðun.
Til að byrja með tókum við aðeins með okkur nesti fyrir dagtúr, og þurftum því að lifa á neyðarbirgðum, sem samanstanda af gífurlegu magni Frón-matarkexs, og vatni, mmmm, vatn og kex.
Þarsem ég stend svo vaktina yfir rúllunum klukkan 4 síðastliðna nótt, ósofinn, með rifinn skolt, sígarettulaus með meiru, kjamsandi á þurru Frón-matarkexi og hlustandi á mjög truflaða útgáfu af Bach, 5.simphonia, (útg fílharmóníunar í Boston) átta ég mig á því að ég er orðinn snargeðveikur. Ég fer að hlæja af vanhæfni Bachs í því að láta strengina harmónera við slagverkið, fiskarnir sem koma upp með rúllunum, einn af öðrum, öðlast allir nafn. Pétur, Þórður, Sigga, Gvendur Klásen. Ég fæ samviskubit yfir því að murka lífið úr saklausum skepnunum, þó sérstaklega Pétri, litlum karfa sem ég neyddist til að skera á háls.
Klukkan 6 vaknar faðir minn ástkær, fær sér kex og vatn, sendir mig í svefninn, sem er lítill. Saltborinn, svangur, með króníska vindverki vegna fáránlegasta mataræðis sem þekkst hefur, sveittur, þreyttur og illa lyktandi svíf ég á vit draumana, sem sögðu mér að Pétur væri kominn til himna, ásamt Þórði og Siggu, en Gvendur fór í vítisloga afþví hann var óþekkur lítilll fiskur.
Ég vakna svo, þreyttari en ég fór að sofa, bölva kexinu og vatninu, sígarettuleysinu og lélegu fiskeríi.
Um 10 leitið fórum við feðgar svo að dóla okkur til Ólafsvíkur, þar hleyp ég við fyrsta tækifæri í land og fæ mér bestu sígarettu sem um getur, bestu pulsu sem ég hef nokkurtíman smakkað, og himneskt kók, svo himneskt að Ésú sjálfum hefði ekki dottið í hug að breyta því í Pespí.
Í sykur-nigótín-pulsuvímu landa ég skammarlega litlum afla, en þó flennisáttur við að vera með fast land undir fótum. Ferðin í Stykkishólm var með þeim betri síðastliðin ár, og þakka ég nú heilagri Maríu fyrir hverja sígarettu sem hennar heilagleiki hefur blessað mig með.
Afhverju er ég að blogga?
Farinn út að reykja.

2004-07-14T19:25:00.001Z

Breyttir Tímar

Nú er svo komið að móðir mín ástkær les þessa ágætu síðu daglega. Vitanlega er ekkert að því, enda er hér ávallt á ferðinni þvílíkt gæðalesefni að ekki nokkur lifandi sála ætti að láta slíkt framhjá sér fara. Einnig sagði faðir minn kær mér það að hann hafi rekið inn nefið, og líkað sumt, en annað ekki.
Þegar ég hóf skriftir á þessa ágætu síðu mína fyrir u.þ.b. tveimur árum voru aðstæður aðrar, þá lásu þessa síðu aðeins vinir mínir og félagar, en nú er svo komið að allt að 200manns skoða síðuna á dag, og eru þar eflaust einhverjir fleiri en félagar mínir og vinir.
Í gegnum tíðina hefur mér verið hótað einu og öðru ef þessi síða færi ekki niður. Í fyrstu virkaði það hvetjandi á mig að halda áfram umdeildum skrifum um mismálefnalega hluti, en núna nenni ég því ekki lengur, það er ekkert svakalegt kick að vita að mamma þín les öll dónaljóðin sem þú skrifar, og les um fyllerí sem ég fer á, en ég er reyndar nánast hættur að skrifa þvílíka hluti, vegna þessa.
Ég er því löngu hættur að skrifa aðeins um það sem mér dettur í hug, og er farin að ritskoða sjálfan mig á þann hátt að mér líkar það allskostar ekki. Núna reyni ég eftir fremsta megni að finna hluti til að skrifa um sem eru í senn fyndir, stílflottir, skemmtilegir, umdeildir en samt meinlausir, og það er fjandakornið ekki verk fyrir neina bleyjupenna.
Ástæða þessa pistils er enn óljós fyrir þér, lambið mitt, enda skiljanlega, þarsem ég hef enn ekki tekið hana fram.
Ástæða þessa pistils er enn óljós fyrir mér, lambi minn, óskiljanlega, þarsem ég skrifaði hann.

2004-07-14T19:25:00.000Z

Samúð

Kristinn Ólafur Smárason, einn af mínum bestu vinum, missti móður sína, Kristborgu Kristinsdóttur, eftir langa baráttu við krabbamein, í nótt.
Ég ber Kiddó og fjölskyldu samúð mína alla í þessum erfiðu raunum.

Where Teardrops Fall

Far Away where the soft wind blow,
Far away from it all,
There is a place you go
Where teardrops fall.

Far away in the stormy night,
Far away and over the wall,
You are there in the flickering light
Where teardrops fall.

We banged the drum slowly
And played the fife lowly
You know the song in my heart
In the turning of twilight
In the shadows of moonlight
You can show me a new place to start

I've torn my clothes and I've drained the cup
Strippin' away at it all,
Thinking of you when the sun comes up
Where teardrops fall.

By rivers of blindness,
In love and with kindness
We could hold up a toast if we meet
To the cuttin' of fences
To sharpen the senses
That linger in the fireball heat.

Roses are red, violets are blue
And time is beginning to crawl,
I just might have to come see you
Where teardrops fall.

Bob Dylan

Innilegar samúðarkveðjur á þessari sorglegu stund.

2004-07-12T19:23:00.000Z

Frelsi

Þú líkur síðustu setningunni og mjólkar tár.
Ég finn hvernig taugarnar þenjast eins og gluggi sem of mikill þungi liggur á. Sprungur taka að myndast með háum skerandi hljóðum. Titrar, ofurljúft.
Að lokum gefur hann sig og glerbrotum rignir yfir gólfið þarsem þau dansa, hoppa, skemmta sér bara þokkalega þartil þau deyja, á gólfinu, liggjandi í blóði mínu.

Séra Bragi Páll Sigurðarson

2004-07-09T16:41:00.000Z

10 ára

Síðustu viku hef ég verið 10 ára gamall. Ég hef ekkert verið að vinna. Ég hef hjólað um bæinn á prostyle hjólinu mínu afþví bíllinn minn hefur verið í viðgerð, ég hef farið í sund á hverjum degi og þegar ég borða ís þá er mér alveg sama þó ég sulli á mig, það er sumar.

Hjúkked

Oft þegar ég fer í sund þá eru sömu 9-10ára strákarnir í sundi, og þeir vilja ólmir fræðast um heiminn í gegnum þennan nýja vin sinn, og spurja mig reglulega hvernig stelpur séu, og hvort ég eigi kærustu, og þegar ég sagði "Nei, ekki núna" þá svaraði einn "Hjúkk, eins gott, annars mundum við ekki leika við þig" Hjúkk.

Ghandi på dansk

Í sundi í dag sá ég mann milli 60-70ára gamlan, og hann leit út alveg eins og Ghandi, horaður, gráhærður, og almennt frekar Ghandi-legur. Ég hafði orð á þessu við félaga minn, og hann samsinnti því. Hvar ég sat svo í heita pottinum og lét sólina baka mig, kemur Ghandi í pottinn, og segir
"Det er varmdt"
"Ja, det er kæmpevarmdt" svaraði ég Ghandi
"Fordi det er vandt inden frå jordens middel"
"Ahhh, jeg forstår" sagði indverska þjóðhetjan.
Ég spjallaði við hann í dágóða stund, um allt milli himins og jarðar, m.a. um Ghandi, Leoncie löndu þessa danska Ghandi's og vandræði mín hvað varðaði dönskulærdóm á síðustu önn í skólanum, og hló hann vel og lengi að þeirri sögu minni. Seinna kom svo konan hans, sem var aðeins veglegri í holdum en Ghandi, sem var hafði eflaust nýlokið erfiðu hungurverkfalli, og þá hefur konan hans, kerlingaranginn, þurft að éta á við tvo, og þessvegna tútnað svona út. Hún fór að tala um apótek og einhverja leiðinlega frænku sína og þá missti ég alveg þráðinn, kvaddi Ghandi og frú, fór uppúr að hjóla, en fór samt í sturtu fyrst, og föt og svona.

Stóískur

Ég hef gert töluvert af því síðustu daga að lesa, og liggja útá palli, og láta sólina skína framaní mig, sötrandi límónaði, þetta hefur gert stórkostlega hluti fyrir sálartetrið, sem hefur ekki verið í eins góðu formi í allt sumar, og mæli ég eindregið með því að fólk taki því rólega þessa helgi, takið ykkur góða bók í hönd, leggist útá pall og farið vel með ykkur gott fólk, þið eigið það skilið.

2004-07-06T16:21:00.000Z

Umhugsunarefni

Bíum bíum bamba
(Nei þetta er bara tómt bull sko)
Bíum bíum bamba,
(Bullbullbullbull)
börnin litlu þamba
(Ha? Og hvað í fjandanum eru þau að þamba?)
fram á fjallakamba
(Og afhverju eru börnin útá klettasillum...)
að leita sér lamba.
(...AÐ LEITA SÉR AÐ ROLLUM?!?)

Margt er gott í lömbunum
(Ok, ég get gúdderað það)
þegar þau koma af fjöllunum:
(Jájá, þegar þau koma af fjöllum)
gollurinn og görnin
(Gollur.... what? görn... don't go there...)
og vel stíga börnin
(Nei nú er ég lens, að láta orðin görn og börn vera í línu hvort á eftir öðru í barnaljóði, þarsem merkingin er jafn fáránlega óljós og hún er vafasöm, er einfaldlega eitthvað sem ég hætti mér ekki einusinni útí, sjá fyrri pósta um barnaníðinga)

Já Helgin

Vikan frá sunnudeginum 27 júní til sunnudagsins 6 júlí var svo sannarlega skemmtileg. Ég hélt svo suddalega uppá próflokin í sumarskólanum að annað eins hefur ekki sést í mannsaldur, þori ég að fullyrða. Miðvikudaginn 30júní lauk ég prófastússi og hóf þá innreið mína á vit æðri máttarvalda, torskilins tals, fáránlegra pælinga, bjórflæðis og ölæðis, auk annarra æða sem ekki verða tíunduð hér. Þrátt fyrir öll þessi æði var lítið um það að sæði væri skvett, en þó eitthvað, aðeins í tilefni helgarinnar.

Synir Skallagríms héldu sinn fimmta fund laugardaginn fimmta, og að þessu sinni heima hjá Oddi Ástráðs, í vesturbænum. Við Oddur tókum daginn "snemma", fórum útum allt og útréttum eins og menn sem eru nýbúnir að fá útborgað, og var það vel. Við keyptum veigar af ýmsu tagi, brunuðum þvínæst til Odds, gerðum klárt, og biðum eftir gestum, sem létu bíða mislengi eftir sér, af misgóðum ástæðum. En undir lokin voru allir komnir, orðnir fullir, og búnir að borða fantagott spagettí bólónes a la Oddur. Samræðurnar fóru vítt og breytt, og eins og ávallt þegar þvílík fyrirmenni og snillingar koma saman var talað hátt, hendur notaðar óspart til þess að leggja áherslu á málefnalega punkta sína, en vitanlega fór þetta alltsaman friðsamlega fram. Skyndilega vorum við hinsvegar bara tveir eftir á lífi, ég og Þorvaldur Davíð, frekar drukknir, inní barnaherbergi, með bongótrommu, gítar og töluvert magn af bjór. Tókum við þá snjöllu ákvörðun að bruna í bæinn í kuntuleit. Þorvaldur bar Hverfisbarnum góðar kveðjur og tók ég hann á orðinu þar, stakk inná mig pelanum af tólf ára viskí sem okkur Odd mistókst að klára, og fór í leigubíl. Við fengum frægt-fólk forgang í röðinni, og er þetta fyrsta sinn sem ég hef fengið þessháttar. Hef ég ávallt hatað fólk sem fær forgang í röðum inná skemmtistaði, og var búin að lofa sjálfum mér því og setja sem prinsipp að ávallt þegar ég væri í þessari aðstöðu skyldi ég gerast miskunsami samverjin og hjálpa meðbróður mínum í röðinni með því að taka hann inn, og þá helst einhvern ókunnugan. En svona fer nú viskíið með mann og ég sýndi bara allri röðinni puttann, og ég er ekkert að tala um þumalinn. Við þetta varð ég óvinsælasti maðurinn í röðinni, en það skiptir ekki máli, pakk sem kemst aldrei inná kúl staði eins og ég.
Nú þetta var fyrsta sinn sem ég stíg fæti inná Hverfisbarinn, og þ.a.l gapti ég af undrun yfir þeim fjölmörgu kynjaverum sem þarna voru. Stelpur með stór brjóst, sætar stelpur með stór brjóst, hommar að reyna við mig í nýja flotta jakkanum mínum, geðveikt sætar stelpur með geðveikt stór brjóst, geðveikt sætar stelpur með meðalstór brjóst, stelpur að dansa... með brjóst og stelpur á barnum, og þær vorum sko með það stór brjóst að þær treystu sér ekki einusinni á dansgólfið, nema þá að þær hafi verið með það stór brjóst að þeim hafi verið boðnir það margir drykkir að þær hreinlega bara gátu ekki staðið í lappirnar... mér leið eins og krakka í nammibúð, sem enginn er að passa!! Ég valsaði á milli, hrinti fólki og var með skrílslæti, fór úr jakkanum og sveiflaði honum í hringi, og passaði mig að slá bara karlmenn með þessum gríðarstóra rennilásahnullung, sem er einungis til þess gerður að drepa. Svo þegar menn ætluðu að rjúka í mig, fór ég bara aftur í jakkan, hætti að dansa, rétti úr mér og þegar menn sáu að þeir voru að tala við tveggja metra háan mann með rauðar krullur fölnuðu þeir í framan, eins og nár, og sögðu ekki orð um það meir. Svo þarna var ég, sveitastrákurinn sem í eitt kvöld átti Hverfisbarinn, dansaði við sætar stelpur með stór brjóst og var fórnarlamb kossa þeirra, þarsem það þótt frekar flott að dansa Michael Jackson við Þorvald Davíð, þvílíkt kombó.
Þegar Hverfisbarinn fór að missa sjarmann kvaddi ég Þorvald og hitti að vanda Odd Brodda og skrallaði eins og endra nær allan fjandan með honum, út vikuna.
Góð vika.
Mjög góð vika.

2004-07-06T12:57:00.000Z

Ráddu mig

Yðar einlægur, maðurinn sem aldrei sefur, er í þá mund, að verða atvinnulaus. Ég hef þó tekið þá sjálfstæðu ákvörðun að verða aldrei atvinnulaus aumingi því svoleiðis pakk situr bara allan daginn, drekkur vín og reykir eiturlyf, og vil ég ekkert af svoleiðis skríl þekkja, þaðan af síður vera einn af þeim. Þannig ég bið ykkur, kæru lesendur, ráðið mig, eða látið einhvern sem þið þekkjið ráða mig, krefst ekki hárra launa, svona rétt nógu mikið svo ég geti setið allan daginn, drukkið vín og reykt eiturlyf.

2004-07-05T18:03:00.000Z

Sumarskólauppgjör

Skólinn gekk bara helvíti vel, nokkrar vel þegnar einingar eru komnar í hús. Einum geðveikasta mánuði lífs míns er þá lokið, og ég sit uppí með mjög lítinn pening en mun nær stúdenstprófi, sem ég er mjög sáttur við.

2004-06-30T15:12:00.000Z

Flugusatan

Maður áttar sig kannski ekki á því en eitt það mest pirrandi í heiminum er að vera ofsóttur af flugum. Nú bý ég kannski ekkert svakalega miðsvæðis, sem endurspeglast í því að ég bý útí sveit. Það leiðir af sér að hér er gífurlega mikið af flugum. Ekki veit ég afhverju flugurnar sækja frekar í sveitasæluna en borgina, en það gera þær nú bara samt, e.t.v til þess að sleppa við stressið sem fylgir borginni. Ég veit allavega að ef ég lifði bara í nokkra daga þá væri ég ekkert að eyða þeim í bænum, heldur væri ég útí sveit, eða hvað?
ALLAVEGA! Í gegnum þessa sumarprófatíð mína hafa sjö flugur ofsótt mig.

Jón= Jón er skynsama flugan, liggur í gluggakistunni allan daginn, á bakinu, ég held stundum að hann sé dáinn en þá hreyfir hann sig, en samt bara ef ég opna gluggann, kannski hann sé bara að fjúka... pæling.
Gulli= Gulli er alveg ferlega vitlaus fluga, alltaf að flúgja á gluggann... allan daginn... alltaf.
Sigga= Sigga er litli ljósálfurinn minn, er yfirleytt fljúgandi í hringum ljósið af lampanum mínum. Stundum kemur Gulli og ríður henni, en það stendur yfirleitt ekki nema í nokkrar sekóntur. Ég held að hún treysti sér samt ekki í fast samband.
Lúlla= Lúlla situr oftast á kaffibollanum mínum og röltir upp og niður skeiðina. Henni er einnig riðið reglulega. Er samt eins af siðprúðari flugunum.
Klemens= a.k.a Klemmi, flakkar um herbergið, allt frá klukkunni yfir að stólnum útí horni. Á það líka til að tilla sér í gluggatjöldin hjá mér. Er geggjaður playah, og serðir allar flugur sem hann hittir á, skiptir þá litlu máli hvort það séu konur eða karlar.
Símon= Ég held að Símon sé strangtrúaður, hann vappar um á Nýja testamentinu, og flýgur þess á milli í hringum hausinn á mér og reynir að troða inní hann trúarlegum boðskap. Er að sama skapi eina flugan sem ekki stundar þetta ógeðslega saurlíferni með hinum.
Rympa= Últímeit druslan í hópnum. Er alltaf ofaní ruslatunnunni minni, sem ég hef endurskýrt "Hóruhúsið" þarsem karlflugurnar eiga ávallt vísann drátt hjá "Rusla"-Rympu.

Þær búa í herberginu mínu, 24/7. Þarsem þær eru eini félagskapurinn minn hef ég nú ekki verið að drepa þessi grey, en núna er þetta bara komið útí rugl sko. Þær eru farnar að stunda kynferðismök útum allt, og setjast jafnvel á mig við þá ógeðfelldu iðju. Nógu óþægilegt er að vera að reyna að læra í herbergi þarsem verið er að stunda kynferðismök, þó þau séu nú fjandakornið ekki stunduð á upphandleggnum á manni, svo ég tali ekki um hár eða tölvuskjá. Ég hef það samt ekki í mér að segja þeim að hætta, ég hristi bara hendina og þá fljúga þær yfirleitt útí glugga og halda viðbjóðslegum kynlífleikjum sínum áfram. Auk þess hafa þær enga siðferðiskennd, og sofa bara hjá hvaða flugu sem er. Stundum setjast þær nokkrar á hleðslutæki tölvunnar minnar sem er alltaf sæmilega heitt, og ræða þar málefni líðandi stundar með vængjunum. Þessar aumu tilraunir til menningarlegrar vitrunar leysast hinsvegar yfirleitt uppí siðlaus hóp-kynferðismök þarsem engar hömlur halda aftur af viðurstyggilegum klám-leikjum skordýranna.
Ég hef ákveðið að leyfa þeim bara að deyja drottni sínum á náttúrulegan hátt, því þær eru jú íslendingar eins og ég, og ég er ekkert betri en þær þó ég sé með miðtaugakerfi og svoleiðis.

Snilld

Eitt það leiðinlegasta sem ég lendi í er þegar fólki í hringum mig líður illa. Mér finnst ég þá vera svo máttlaus og ömó eitthvað að geta ekki hresst uppá líðan þeirra. Yfirleitt fer ég þá bara að gera grín að aðstæðunum, eins og ég geri alltaf, og það leggst ekkert alltaf í góðan jarðveg. Því vil ég bara leggja fram þá beiðni til fólks að vera ekki súrt í hringum mig, því þá geri ég bara grín af ykkur.

2004-06-28T23:53:00.000Z

MSN-Samtal

Ég átti hreint ágætt samtal við móður mína á MSN, þarsem hún skráir sig oft inn undir nafni systur minnar og spjallar þar við mig. Að þessu sinni fór ég heim til odds eftir prófið í Sálfræði203, og böstaði hún mig þar með líkið í höndunum, þarsem ég hafði átt að sækja litla bróður minn og kaupa mjólk.

Bragi-{Nýtt blogg} says:
á ég að sækja hinna?
anna says:
nei, hann sefur hjá gunnu
Bragi-{Nýtt blogg} says:
já, ok
anna says:
þú átt bara að kaupa mjólk í kaffið og komdu heim og farðu að sofa
Bragi-{Nýtt blogg} says:
góða besta
anna says:
já, farðu að sofa
Bragi-{Nýtt blogg} says:
mamma, skíttu á þig
anna says:
þú líka
Bragi-{Nýtt blogg} says:
það eru svo margir danir hérna, ég er að reyna að læra af þeim
anna says:
þú getur það ekki
Bragi-{Nýtt blogg} says:
lært af dönum?
Bragi-{Nýtt blogg} says:
við eigum samt alveg mjólk
anna says:
þá gleymiru mjólkinni
anna says:
nei
anna says:
esso er opið
Bragi-{Nýtt blogg} says:
já ok, ég skal muna að kaupa mjólk
anna says:
já eins gott, annars fæ ég ekki kaffi á morgun og verð alveg brjáluð
Bragi-{Nýtt blogg} says:
hehe, ég skal muna það mamma mín
anna says:
bæ,bæ
Bragi-{Nýtt blogg} says:
bæbæ

...hún mamma sko.

2004-06-28T17:23:00.000Z

Sekur

Ég get vel tekið það til mín að hafa verið óvenjulélegur bloggari, en aðstæður hafa verið furðulegar, flóknar og margar. Ég hef verið á fullri keyrslu að vinna upp slugs í sumarskólanum. 16einingar handan við hornið, spurning hversu margar þær verða þegar beygjan hefur verið tekin.
Fólk sem keyrir jeppa er fífl.
Í skólanum gerum við allt á fjórföldum hraða, og ég hef mætt stórkallalegur í "Ég er trillukarl", tekið haug af aukaprófum, valsað um með of stórann lubban og illa hyrt, illa vaxandi skeggið, slorlyktina af gúmmítúttum númer 47.

Spurning sem ég elska;
"Hvað er langt þangað til þú útskrifast"
Ohh, hvað mig langar í húfu.

"Men are from Mars, Women are from Some Whole Other Place"
-Skáldið

Fólk sem keyrir hægt er fífl.
Kaffineysla mín er á hægri siglingu upp á við. Ég er hættur að drekka það með mjólk, það er bara fyrir konur og homma.

"Ég þarf bara að hrista úr honum og mér er alveg sama þó það verði einhver gelgja sem fær slettuna."
-Skáldið

Fjölmiðlafræði

Fyrir fjölmiðlafræði þurfti ég að taka viðtal við samnemanda minn, ég tók viðtal við Nadiu á MSN, og bjó til fallega kaffihúsalygi í hringum það, útkomuna var ég bara sáttur við, njótið:

Ég sest niður á móti samnemenda mínum, Þórdísi Nadíu, á kaffibrennslunni, við spjöllum lítilega á meðan beðið er eftir veitingum, kakóbollum og vatnsglösum. Í gegnum reykinn spyr ég hana fyrstu spurningarinnar, sem er spurning sem hún fær frekar oft, hvað sé málið með nafnið,
hvaðan er Nadia komið?
-?Er þetta semsagt viðtalið?? Spyr hún og hlær. ?Jájá, það er komið að þessu? svarar blaðamaður, Þórdís nuddar saman höndunum og segir ?Ok, lets do this, það er nú bara þannig að pabbi minn er frá Túnis, og nafnið er sennilega komið þaðan.?
-?Sennilega... ertu ekki alveg viss?? spyr hissa blaðamaður.
-?Þetta nafn er eiginlega alþjóðlegt, en þar sem pabbi er arabískur þá er nafnið sennilega komið þaðan, ég efast að ég sé skýrð í hausinn á einhverri Rússneskri píu?
-?Er þetta rússneskt nafn?? spyr fróðleiksfús blaðamaðurinn
-?Já, ég held það þýði dögg á rússnesku?
Alltaf er maður að læra eitthvað nýtt, ég segi Þórdísi að nafnið mitt (Bragi) þýði heimabruggaður bjór á Rússnesku, og hún segir að það eigi vel við mig, og ég þakka fyrir það. En aftur að viðtalinu
-?Ok, þú ert hálfur arabi, verðuru fyrir aðkasti sökum húðlits á götum úti??
Hún hugsar sig um í smá stund, andvarpar og segir svo;
-?Nei, svona almennt ekki, hef samt nokkrum sinnum fengið svona asnalegt komment á mig, eins og þegar einhver fyllibytta úti á götu sagði við mig ?Farðu heim til þín helvítis negrinn þinn?
-?Og hvernig bregstu við þannig kommentum, hvernig líður þér þegar fólk segir þetta?? Hún byrjar að brosa.
-?Mér finnst það bara fyndið, því ég er ekki komin af svertingjum. Mig minnir að ég hafi lesið að arabar séu komnir af hvítum kynstofni, þannig að ég er eiginlega bara dökkur hvítingi...?
?Jújú, þú ert múlatti, það er það sem þú ert? segir blaðamaðurinn sem slær um sig með gagnslausum upplýsingum.
?En svo er spurning hvort að ég og pabbi séu ekki bara komin af Berbum, því við erum óvenju dökk.?
-?Hvað eru berbar?? spyr sá sem ekki veit, um leið og þjónustustúlka með svuntu spyr hvort við viljum meira kakó. Nei, takk samt.
-?Upprunalegir íbúar N-Afríkur, dekkri en arabarnir, hávaxnari, myndarlegri? segir hún, og hlær.
-?Já, kannski þú sért Berbi frekar en Arabi, það hljómar líka mun betur?
-?Já, kannski?
Samræðurnar flakka svo um víðan völl á meðan sumarsólin hleypur yfir Austurvöll. Þegar síðustu dreggjar kakósins eru orðnir svellkaldir þá höldum við á brott út í sólfarsvindinn, og ég þakka Þórdísi Nadíu um leið fyrir fróðlegt og skemmtilegt spjall.

Séra Bragi Páll Sigurðarson

2004-06-26T01:30:00.000Z

Ójá, ónei

Ó hvað nóttin getur verið lúmsk og dularfull þegar hún deyr. Hún geymir svör og gátur sem enginn veit spurningarnar eða lausnir á. Dansar á veggfóðrinu og veggfóðrið dansar á móti. Amazon fljótið breytist stóra skál fulla af vodka, viskí, vatni og sítrónusneiðum. Sopi og svefn. Á sömu stundu og gólfið breyttist í kviksyndi sem ég var ógeðslega fastur í áttaði ég mig á því að ég átti eftir að deyja. Hálf-vitar, hálf-klárað, hálf-lélegt, hálf-fúlt að þurfa að deyja svona. Þetta sem var svo fínt partý. Furðulegt, lífið er ekkert að birtast mér í hálfkláruðum myndum. Slípirokkurinn konan mín þarf þá ekki að deyja, sú kann sko að sjúga.... ehemm... heiðvirð kona. Kurteisis kink þegar ég gekk úr þessu furðulega lélega afmæli hjá bróður mínum. Lífsháski er ekki eitthvað sem ég leita að þegar ég er að skemmta mér. Frekar fúlt að þurfa að þvo þennan ógeðslega drullu sand úr skónum fyrir morgundaginn.
Kem ekki aftur í partý til hans í langan tíma.
Held mín eigin furðulegu partý.

Séra Bragi Páll Sigurðarson

2004-06-20T17:23:00.000Z

Dagur inn, dagur út

Dagarnir á sumrin virðast líða hraðar en þeir á veturna. Þeir byrja varla og enda varla, og áður en þú veist af skín nóttin sólargeislum sínum yfir hálfnakta kroppana. Lungun þenjast inn og út, ótt og títt, andardráttur. Þögn. Hún brosir, lítur upp í stjörnurnar. Ljósir lokkarnir blakta í hlýjum sumarvindunum. Kossar og elskendur mætast á næturnar. Tærnar grípa í sandinn, andköf. Langar bleikar glansandi neglurnar þjóta yfir bakið og skilja eftir sig rauðspólað malbikið, bakið. Buxur fjúka í köldum næturkaldanum, brosin fjúka með saklausum meyjarhöftun. Tárin dekkja sandinn, blóðið dekkir handklæðið. Í fósturstellingu á ströndinni, setur sandþakinn þumalinn milli varanna á sér og sígur, grætur, gleymir aldrei.

Séra Bragi Páll Sigurðarson

2004-06-15T22:57:00.000Z

Prófessor Fáviti

Helgin var furðufljót að líða, hversu lengi ég hef mátt bíða, frammá þriðjudagskvöld, óóó, það er þriðjudagskvöld.

Á föstudegi var harla fátt tekið fyrir, ég drakk kaffibolla með Gunnari Ægi, hvar hann hélt uppá eins og hálfs árs afmæli sitt án drykkju. Við sátum á kaffihúsinu í hólminum og bentum á fullt fólk, hlógum, og drukkum svart kaffi. Ég fór svo heim og gerði mig tilbúinn fyrir sjóferð um nóttina.
Sjóferðin var aldrei farin, svo ég fór bara til Reykjavíkur. Þar sötraði ég smávegis bjór, og var skyndilega lentur í afmælinu hennar Selmu, og það með Oddi Brodda, og var þar umhringdur ljótustu rollum sem ísland hefur borið. Fyrst sá ég bara eina rollu, sem ég hélt að væri sú alversta, en svo komst ég að því að öll hjörðin var bara forljót.... svo við fórum bara, því vönum rolluserðurum eins og okkur ekki uppá þetta ómyndarlegt sauðfé bjóðandi. Tókum við með okkur úr afmælinu afmælisbarnið sjálft, þræl, sem seinna meir reyndist vera nadia, og kommúnista, sem var eftir allt Jón Bjarki. Lentum við í einkar vel heppnuðu chilli heima hjá Oddi Brodda, sem verður barasta að teljast með betri tjillum sumarsins, því fyrir mig endaði það ekkert fyrren aðfaranótt þriðjudags þegar ég brunaði á klukkutíma og tuttugu mínótum í Hólminn aftur, því ég hélt ég væri að fara á sjó, sem ég fór svo ekki því faðir minn var veikur... og ég svaf til 2 í dag... þetta var nú skemmtileg færsla...ha?!? Nei Prófessor Fáviti, hún var leiðinleg!

Prófessor Fáviti...

...er farinn að sofa.

2004-06-11T21:43:00.000Z

Barnaníðingar

Nú hefur nokkuð mikið borið á því að barnaníðingar séu illa liðnir í fangelsum víða um heim. Þeir eru eini afbrotahópurinn sem öllum hinum afbrotahópunum er illa við, og er þá æði algengt að ráðist sé að barnaníðingana og þeir lamdir til óbóta þegar þeir koma fyrst í ný fangelsi. T.a.m hefur Steingrímur Njálsson langoftast endað vistir sínar inná Litla-Hrauni í sjúkraálmu fangelsisins.
Ég tel ástæðan fyrir því að barnaníðingar séu alltaf teknir í karphúsið í steininum sé sú að orðið "Barnaníðingur" hljómar einfaldlega ekki nógu vel. Eins hljómar orðið "Barnaklám" alveg einstaklega illa. Barnaperri, Barnanauðgari, Pedófílía, Barnanauðgun... allt eru þetta hræðileg orð, einungis til þess gerð að þeir sem stundi þessa iðn komi illa út í almenningsáliti.
Ég tel að það eina í stöðunni sé að breyta þessum orðum, koma með ný og betri orð, sem hjálpa þessum mönnum innan veggja fangelsanna, því við viljum ekki að mönnum sé mismunað í grjótinu, aðeins vegna þess hvaða glæpi þeir frömdu, það væri rangt.
Eftirfarandi breytingar þyrftu því að eiga sér stað;

Barnaníðingur=Barnaelskandi maður
Barnaklám=Barnaást
Barnaperri=Æskuhneigður maður, ástarlega séð
Barnanauðgari=.... nei ok, ég get þetta ekki, þetta er bara of rangt, meiraðsegja frá mínum bæjardyrum séð, þessi pistill getur bara farið í rassgat!!

Ljóðaflóð#2

Hef verið að safna í annað ljóðflóð, þetta eru nýrri ljóð en þau fyrri, en slá þeim vonandi ekki slöku við.
Vessgú

Bóklegur Miskilningur

Horfir á mig vilja.
Þykist skilja.
Gengur til mín, það er gaman.
Eyðum æfinni saman.
Þegar ég dreg síðasta andann.
Sé ljós að handann.
Það margfaldast fyrir mér þúsundfallt
að lífið allt
Vorum við á sömu síðu
í mismunandi bók.

Snerting

Ég ligg undir súð og dreg loftið niður til mín
Ég svíf ekki upp, afþví ég get það ekki
Og sofna ekki
Ég ligg inní kompu og dreg veggina nær mér
Ég hleyp ekki af stað, afþví ég get það ekki
Og sofna ekki
Hún svífur upp, og dansar á loftinu
Rétt fyrir ofan mig
Ég hélt ég gæti snert hana
En ég má það ekki
Hún hleypur af stað, valhoppar
Rétt hjá mér
En hún veit ekki af mér
Ég hélt hún þekkti mig
En hún gerir það ekki.

Óbreytanlegar aðstæður

Gjörsamlega máttlaus til að stjórna aðstæðum
Sem koma mér ekkert við
Allt annað en hlutlaus gagnvart aðstæðum
Sem snerta mig svo djúpt
Óttalega vitlaus í viðbrögðum við aðstæðum
Sem ég vildi að væru ekki til
Ég vildi að ég væri skynlaus
En ég er það ekki
Skepna.

Sama ákall

Hún
Kallar
Á mig
Alltaf
Svara
Ég kalli
Hennar
Hvað vill hún
Það er alltaf eitthvað
En aldrei er það nýtt
Yfirleitt skyld málefni
Og svarið er yfirleitt
Já, ég kem að vörmu
Þó ég vildi óska þess
Að kjarkurinn væri sá
Sem segði veistu nei
Það er ekki svo gott
Svo er þá byrjað efst
Vonin um breytingu
Deyr við fyrstu gjörð
Drukknar hjá drottni
Lengst niðri á botni
Á góðri viskíflösku

Short-cut að Sjálfsmorði

Snerting
Erting
Dauði

Bros
Koss
Dauði

Blíða
Ríða
Dauði

Hérna
Er ég
Dauði

Ský Ballet

Skýin speglast í vatninu, sundrast við stein sem fleytir kerlingar yfir flötinn og sekkur. Skýin sameinast svo aftur á vatninu og halda áfram að líða yfir það. Þau sökkva svo niður á botn og bíða færis.
Hvers?
-Ég veit það.

Séra Bragi Páll Sigurðarson

2004-06-07T21:07:00.000Z

Draumur

Aðfaranótt Laugardags dreymdi mig frekar furðulegan draum.
Ég er staddur heima hjá langömmu- Dagbjörtu, í stóru gulu einbýlishúsi sem hún bjó í áður en hún flutti á elliheimilið árið 1999. Hún lést svo í fyrra. Húsið er kallað Staðarfell.
Það er sólskin úti. Ég sit við borð sem ég og amma sátum alltaf við þegar við gerðum pappírskutlur og pappírsbáta þegar ég var lítill. Amma kom alltaf stafla af dagblöðum, við gerðum ógrynni af bátum og flugvélum, máluðum þær og settum svo hersinguna á flot niðri við litlu-bryggju, og létum flugflotann fljúga yfir sökkvandi orrustuskipin, og þegar öll skipin voru sokkin sagði amma alltaf "Æ,æ, við töpuðum aftur" og við fórum heim, og hún bjó til pönnukökur handa mér.

Ég sit semsagt við borðið, sem er orðið alltof lítið fyrir mig, og er með stóran bjór í annarri hendinni, og jónu í öskubakka fyrir framan mig. Ég er í gráu jakkafötunum mínum, en það er blóð á þeim. Amma kemur inn í virðulegum dökkbláum kjól, sem er með pínkulitlum hvítum doppum á, þetta er kjóllinn sem hún var jörðuð í. Um leið og hún gengur inn í herbergið byrjar tónlist að hljóma, "Bátur líður útum eyjasund..." spilað á harmonikku, ofurlágt. Amma sest niður fyrir framan mig og hristir hausinn, byrjar að prjóna. Hún prjónar einn lítinn bláan barnasokk og leggur hann í öskubakkann.
"Þú átt eftir að eignast börn Bragi"
sagði hún, en samt ekki eins og hún talaði við mig þegar ég var lítill, núna er hún að meina það sem hún segir. Hún byrjar að prjóna aftur. Hún lítur upp;
"þú ert góður maður"
og lítur niður;
"En þú verður ekki góður faðir"
segir hún eftir langa stund, og þá er hún búin að prjóna bleikann sokk, sem hún leggur líka í öskubakkann. Þannig heldur hún áfram að prjóna sokka, til skiptis bleika og bláa, og leggur þá alla í öskubakkann. Á meðan segir hún mér það, að ég muni eignast sæg af börnum, með mörgum konum, hún segir mér að ég verði rótlaus allt mitt líf, muni verðar virtur af öllum nema sjálfum mér, og að þósvo ég muni aldrei brjóta bein, muni ég brotna oftar en einusinni.
"Þú ert brotinn núna"
segir hún og bendir á blóðið á jakkafötunum.
Svo fer hún að segja mér frá börnunum mínum; Stríkur kinnina á mér og brosir
"Þau verða myndarleg eins og pabbi sinn"
og svo lítur hún niður, og fer að gráta
"En þau verða illa innrætt, eins og pabbi sinni".
Hún grætur í smástund, tekur svo upp stóran "Three Star" eldspítnastokk, sem hún var alltaf með í svuntunni sinni, og kveikir í sokkunum í öskubakkanum. Hún kemur til mín, stríkur á mér hárið, hallar sér niður og kyssir mig á ennið;
"En ég veit þú getur þetta, þú getur allt".
Ég fann fyrir tári lenda á enninu á mér. Hún rís upp, gengur að hurðinni, snýr sér við, sendir mér fingurkoss að gengur svo útí sólskinið.

2004-06-07T18:50:00.000Z

Dagbók Geðsjúklings

Ég hef verið á spani milli Stykkishólms og Reykjavíkur undanfarnar vikur. Í Reykjavík hef ég hitt félaga mína, farið í skólann, lært, grillað og þessháttar. Í Stykkishólmi hef ég farið á sjó og lært. Líf mitt er jafn spennandi og þessi færsla.

"You can't get a dollar out of me"
-50cent
Þessi setning finnst mér mjög fyndin, í ljósi þess að maðurinn kallar sig 50sent. Þetta væri svipað og ef íslenskur rappari kallaði sig 50kall, og rappaði svo "Þú færð aldrei 100kr útúr mér".......gæti verið að það sé afþví þú ert bara 50kall. Pæling.

2004-06-01T20:08:00.000Z

Þessi langa helgi

Helgin var löng, en fáránlega góð.

Föstudagur;
Ég fór á sjó og svo í bæinn í stúdentsveislur. Fór fyrst til Bjarneyjar og gaf henni fisk, svo fór ég til Möggu og gaf henni fisk, svo gaf ég einhverjum manni í veislunni hennar fisk. Svo fórum við til Helga Hrafns, svo útí kirkjugarð með Frank, svo heim.
Laugardagur;
Fór klæddur "New Style" í bæinn. "New Style" samanstendur af ullarbrókum, ullarsokkum, hippaskyrtu, loðfeld, stórum gleraugum og alpahúfu. Fólk ruglaði mér saman við einhverja melludólga og þótti mér það leitt, ég er enginn dólgur, ég er "New Style" Ég og Oddur fórum fyrst til Gumma í ammli, svo fór ég með Oddi Hinum og frú niðrá kontór, þaðan stormaði melludólgurinn/"New Stylistinn" um víðan völl. Undir lokinn var hann orðinn valtur á fæti, og ætlaði heim með Oddi Brodda, sem ég fann, í leigubíl. Þegar við vorum svo komnir uppí mosó ákváðum við að heimsækja Jón Bjarka, gerðum það, drukkum gin og spjölluðum um daginn og veginn frammá nótt, það var mjög gott.
Sunnudagur;Á sunnudeginum var farið niðrá Gróttu, og svo var rölt um skemmtistaði bæjarins.
Nánar verður gert grein fyrir þessum degi síðar.

Dissy Lizzard

Hvern haldiði að ég hafi hitt á ferð minni um miðbæ reykjavíkur annan en Bojo, hinn stórfurðulega söngvara hljómsveitarinnar Dizzy Lizzard. Okkur Odd og Guðjón rak aldeilis í rogastans þegar við hittum þennan annálaða gúrú inná e11efunni. Guðjón hefur verið að leyfa mér að heyra í disk með þeim, sem mig minnir að heiti Eurythmia. Þetta er frekar mikið underground band frá Bretlandi, þeir veita nánast aldrei viðtöl, neita að halda úti heimasíðu, þó eitthvað sé um aðdáendasíður, og svo aðhyllast þeir einhverri kreisí trú sem virkar þannig að ef þú breytir rétt í lífinu þá missiru staf úr nafninu þínu, og ef þú stendur þig mjög vel þá endaru með engann staf, og þá ertu, eins og hann sagði okkur Guðjón "One with the universe." Furðulegast þótti mér samt þegar ég sat og var að reyna að spjalla við hann, sem var frekar erfitt þarsem hann var gjörsamlega útúr heiminum, að hann tók skyndilega upp pungbindi og sagði;
"You know, life is just like a jockstrap, it just isn't simple!"
og setti svo pungbindið niður og talaði ekkert meira um það. Ég skildi ekki þessa speki en þurfti að halda í mér til þess að springa ekki úr hlátri fyrir framan þennan mikla meistara. Mæli með því að fólk kynni sér þetta magnaða band, og þennan magnaða karakter.

Typpi

Oft er ég spurður hvort lókurinn á mér beri nafn, því hann er jú oftar en ekki umtalaður, og er þá betra að hann beri sitt eigið nafn en sé ekki bara kallaður "Lókurinn á Braga" því það er þjált. Ég hef í mörg ár velt þessu fyrir mér, og hef eftir miklar vangaveltur ákveðið að nefna typpið á mér "Kríli"

2004-05-27T19:55:00.000Z

Drullusokkur Part II

Sjó-tengt;
Ég læt strákinn sem ég vinn með gera öll skítverkin og stel alltaf sígarettum af honum með setningunni "Ég borga þér á morgun, ég gleymdi þeim í landi" þósvo ég sé með þær á mér, ég sprauta sjó á hann við hvert tækifæri og afsaka mig með því að ég hafi ekki séð hann-þó ég hafi séð hann, ég safna þeim úldnum þorskaugum sem ég kemst yfir og kasta þeim ofaní stakkinn hans og framaní hann-og hlæ, þegar hann er sofandi dunda ég mér við að éta kexið hans og er svo geðveikt hissa þegar hann sér það hvergi, ég er búinn að panta að vera við niðurleggjarann í allt sumar-sem er 20X auðveldara en að vera við úrgreiðsluborðið-þarsem hann þarf að vera.
Tengt-Öðru
Ég lít á samkynhneigð sem sjúkdóm-bæði fyrir samfélagið og þá sem eru þjakaðir honum, ég hlæ þegar fólk dettur, mér finnst fasismi heillandi stjórnarfar, ég hef migið á ameríska sendiráðið, ég segi alltaf nei þegar fólk spyr hvort ég eigi inneign-þósvo ég sé með reikning, ég subba alltaf með sinnep/tómatssósu/salt&pipar á diskum þegar ég fer út að borða-og ríf svo servétturnar í tætlur yfir subbið, ég sortera aldrei rusl, þegar ég tek til í bílnum mínum stoppa ég bara útí sveit og moka útúr honum ruslinu, ég hendi glerflöskum útá götu-og reyni að hitta ofaní hjólför, ég míg útfyrir á almenningssalernum-og er alveg sama, ég stel fánum/víni/rúðuþurrkum/bjór/hjólkoppum/öllu lauslegu þegar ég er drukkinn, ég svindla í spilum, ég kenni öðru fólki um mistök mín, ég hleyp yfir bíla á fylleríum, ég borga aldrei reikninga, ég býð fólki aldrei uppá drykki á börum, ég öskra á börn sem fara í taugarnar á mér "HEFURU EINHVERTÍMAN MEITT ÞIG Í ALVÖRUNNI?!?", ég vaska aldrei upp, ryksuga aldrei, þvæ aldrei þvottinn, skúra aldrei, ég er spenntur fyrir gróðurhúsaáhrifum, mér finnst slagsmál í fótboltaleikjum oft meira spennandi en leikirnir sjálfir, ég hef hlegið í jarðarförum-upphátt-í kirkjunni, "Ég vil bara drekka bjór og ríða(stóri strákur)"

...listinn er ótæmandi gott fólk, ég sé ekki frammá að geta talið þetta alltsaman upp, ég nenni því heldur ekki, ég er svodda drullusokkur.

Séra.Bragi "Skíthæll" Sigurðarson

2004-05-26T17:04:00.000Z

Harður gaur

Já, maður er nokkuð þéttur á því sko!
Næsti mánuður mun verða ansi hreint athyglisverður. Ég verð í 100%vinnu á grásleppu í Stykkishólmi, og auk þess mun ég taka 17einingar í sumarskóla FB.
"Ertu geðveikur, ertu búinn að missa vitið, ertu orðinn galinn?!?"
Nei Bragi-sem-heldur-að-fólk-sem-gerir-hluti-sem-taka-á-sé-geðveikt, alls ekki. Þannig er mál með vexti að ég á mína skuldasúpu eins og flestir, og hún er bara allsekkert góð. Einnig er ég kominn með uppí kok af þessum ágæta skóla, og hef því ákveðið að drífa hann bara af. Ég þarf því að vinna fyrir skuldum, og til að borga skólann, á meðan ég les bækur, dreg net, leysi dæmi, verka harðfisk, skrifa ritgerð, fer á klósett, þýði stíla, og.... og eitthvað sem ég geri. vúúúúú!

Drullusokkur/Skíthæll

Nú hefur því oftar en ekki verið gaukað að mér að ég sé skíthæll, nú eða drullusokkur. Ég mun í héreftir aðeins notast við orðið drullusokkur.
Allavega.... ég hef velt þessu töluvert fyrir mér og hef komist að þeirri niðurstöðu að fólk hefur rétt fyrir sér, ég er algjör drullusokkur. Það er ekkert eitt sem gerir mig að afbragðs drullusokk, heldur er það samansafn af hlutum;
Ég keyri of hratt og flauta á fólk sem keyrir hægt, ég er dónalegur við alla... já alla, ég ríf kjaft við fólk í verslunum sem á það ekki skilið, ég er fullur allar helgar, ég lem fólk ef ég drekk viskí, ég reyki sígarettur, ég reyki vindla, ég reyki pípu, ég reyki... ég segi rasistabrandara, ég segi brandara til að niðurlægja konur, mongólíta, þroskahefta, gyðinga, feitt fólk, ljótt fólk o.s.frv, ég prumpa framaní fólk, ég stel bjórum úr öllum ískápum sem ég kemst í, ég hendi rusli á víðavangi, ég er húðlatur, ég þarf 5 ár til þess að klára stúdent og lifi nánast bara á mömmu á meðan, ég missti bílprófið fyrir að keyra fullur, ég hika ekki við að leggja í stæði fyrir fatlaða, ég drekk mjólk úr fernunni, ég hata börn, ég hata gamalt fólk, ég lýg að fólk sem er að selja drasl fyrir góðgerðarsamtök("ég er búinn að kaupa, takk" virkar alltaf), ég míg á víðavangi-hvar sem er, ég hendi drasli út úr bílnum á ferð, ég fer yfir á rauðu ljósi, ég stoppa aldrei við stöðvunar-skilti, ég hef fengið hand-job við kirkju, mér finnst barnalegt að vera grænmetisæta, ég er mikill áhugamaður um Hitler, ég hef notað setninguna "Komdu með bjór kerling, og hafðu hann kaldann!" á mömmu mína-og ég var að horfa á fótbolta á meðan-á nærbuxunum-og ég þvertek ekkert fyrir að þær hafi verið skítugar... ég fæ hluti lánaða og skila þeim aldrei aftur, ég lána aldrei neitt, ég lýg því að bíllinn minn sé bensínlaus svo fólk skutli mér, ég reykji í bílaleigubílum og leigubílum, ég tek aldrei til eftir mig, ég hef vanhelgað íslenska fánann, ég ber ekki virðingu fyrir neinum og að lokum þá á ég geðveikt feitan kött sem ég hata.

Já, það er því nokkuð ljóst að ég er bara algjör helvítis drullusokkur, get ekki neitað því.

Séra.Bragi "Drullusokkur" Sigurðarson

2004-05-24T19:55:00.000Z

Stalin = Bragi

Það fyrsta sem ég ætla að gera þegar ég gerist einvaldur yfir gjörvöllu Íslandi er að stunda stórfelldar sögufalsanir. Ekkert er betra að hafa með sér í liði og sagan, og þegar þú getur mótað söguna eftir eigin höfði er það ekkert verra. Þjóðin mun elta þig á röndum, bara afþví liðnir atburðir henta þér fullkomlega.

Ég mun ljúga eftirfarandi hlutum að íslensku þjóðinni í stórtækri sögufölsun minni;

...að fyrri stjórnendur hafi verið spilltir. Þeir hafi misnotað stöðu sína sér og sínum nánustu í hag, á kostnað skattborgara og annarra. Ó en sú dýrðarlygi, jafnvel Goebbels hefði verið stoltur af mér!
...að æðstu stjórnendur þjóðarinnar hafi stutt stríð á móti þjóð sem við áttum ekkert sökótt við í nafni fólksins í landinu, bara til þess að sleikja upp einhver stórveldi. Hugsiði ykkur haugalygina, ég mun fara beina leið til helvítis!!
...að ríkið hafi í nafni þjóðarinnar boðið hingað þekktum glæpónum frá Kína, mannréttindarnauðgurum, bannað fréttamönnum að tala við þá og með valdi haldið aftur af mótmælendum. Ó mannvonskan í manni, að ljúga öðru eins uppá blásaklaust fólk!!
...að æðstu stjórnendur hafi gjörsamlega sleppt sér í valdavímu og talað af sér sí ofaní æ, sakað fólk um glæpi og skattsvik, kallað forseta öllum illum nöfnum og farið hamförum í dónaskap. Múhahaha, ég finn loga Lúsífers brenna undir mér!!
...að Davíð hafi farið í persónulegt stríð við eigendur stórfyrirtæka, og sett fram hinar og þessar lagasetningar aðeins til þess að klekkja á einum og einum manni, óhóhóhó, en sú vitleysa sem ég mun halda að þjóðinni, ég er spilltur!!

Nema hvað, ég þarf ekki að ljúga neinu...

2004-05-23T22:53:00.000Z

Vegurinn, sannleikurinn og lífið

Það er ótrúlegt hversu gefandi það er að þjóta eftir þjóðvegi 52 frá Reykjavík til Stykkishólms. Hugsanirnar hoppa og skoppa með manni yfir hóla og hæðir, flæða frá einu yfir í annað í leit að svörum og úrlausnum og þú ert aleinn á veginum. Bleik kvöldsólin kveikir í veginum sem brennur fyrir framan mig. Lítill refur hleypur snaggaralegur yfir veginn, stoppar og horfir flóttalega á mig keyra framhjá honum, vinka, brosa. Ljúfur Kamelreykurinn dansar við loftræstinguna, og stingur svo af útum rifu á glugganum, frjáls ferða sinna. Þú veist að sumarið er komið þegar hópar af flugum fremja fjöldasjálfsmorð á rúðunni. Þú veist að sumarið er komið.

Séra Bragi Páll Sigurðarson

2004-05-23T19:15:00.000Z

Endir

Sjö svartklæddir kúrekar eltu mig alla nóttina
Þeir riðu á sjö hestum, hver öðrum stærri
Gufustókarnir út úr nösum þeirra stóðu niður hálsmálið á mér
Rigningin barði okkur alla miskunarlaust í gegnum nóttina
Ég fann hófana snerta hæla mína, og ég hljóp
Því sjö svartklæddir kúrekar eltu mig alla nóttina.

Þeir riðu á sjö hestum, stærri en lífið sjálf
Hneggjin rufu nóttina í tætlur, og skildu eftir í ræmum
Vindurinn hvein í eyrum okkar
Barðastórir hattarnir flöksuðu í storminum, og ég hljóp
Því sjö svartklæddir kúrekar eltu mig alla nóttina

Þeir riðu á sjö hestum, feiknastórum
Hringlið í sporunum ómaði í tóminu
Sandurinn smaug inn um hvert op
Miskunarlausar svipurnar glumdu, og ég hljóp
Því sjö svartklæddir kúrekar eltu mig alla nóttina

Nei....

Átta kúrekar riðu í gegnum nóttina
Þeir riðu á átta hestum, stórum og sterkum
Á stökki í gegnum myrkrið sem tekur á móti öllum
Lífið beið þeirra ekki lengur
Ég fann kuldann smjúga inn í hvert bein
Þegar átta kúrekar riðu í gegnum nóttina.

Séra Bragi Páll Sigurðarson

2004-05-22T17:52:00.000Z

Sunrise-Surprise

Ég kom, flestum að óvörum, í bæinn í gær. Mér tókst að gjörsamlega drekka frá mér allt vit, ég man allt sem gerðist, sem gerir reynsluna ekkert betri. Burtséð frá því að ég var mér og fjölskyldu minni til skammar var ég ekkert rekinn út af neinum stað í gær, og skemmti mér samt ágætlega. Mér tókst loksins að fara með Oddi á fyllerí niðrí bæ, fyrsta almennilega bæjarfylleríið okkar í mörg ár, síðan himmler.com var og hét, Foot in ass og Food To Blode.

Ég mun fara til helvítis.

Í gær fór ég af einum bar inná annan, sagði mönnum sem voru ofurölvi að ég væri prestur. Þeir gáfu mér drykki. Ég var með mjög stór gleraugu og talaði um guð. Þeir gáfu mér drykki. Ég sagði þeim að frelsunin væri í hjarta þeirra, og að ef þeir vildu hætta að drekka þá væri Ésú rétti maðurinn, en ef þeir vildu það ekki þá mættu þeir endilega bjóða mér uppá drykk, og ég væri þá til í að gefa þeim synda-aflausn ef þeir skáluðu fyrir frelsaranum. Þeir gerðu það vitanlega, því það stendur víst í biflíunni að þú farir í neðra ef þú gefur ekki þurfandi prest drykk... þetta er maður að heyra.
Draumur okkar Nadiu um að klæða okkur upp sem gyðing og araba og dansa niður laugarveginn syngjandi "Havana gila" varð að veruleika í gær, fólk horfði reyndar frekar á okkur sem geðsjúklinga en manneskjur að tenga saman ólíka menningarhópa, kannski ekkert skrítið þannig séð. Samt.

Kvöldið byrjaði samt í fínni afmælisveislu hjá Dóra bollu uppí dal, þar var grillað og hlustað á negramússík. Verst er að þegar allt góða fólkið var að koma þá fór ég, típíst. En það var svosem í lagi, ég fór í gott geim til hennar Tobbu sem var að halda uppá afmælið sitt og útskrift, ég og oddur gáfum henni margþætta gjöf sem reyndar komst ekki almennilega til skila afþví ég var orðinn reglulega drukkinn, og gítarinn var falskur, og ég og oddur kunnum ekki textann sem við höfðum skrifað, en hún skemmti sér ágætlega. Vona ég.

Ég er Júdas holdi klæddur... aftur.

Alveg rétt, ég fór í ógeðslegt skítapartý í gær í vesturbænum. Þar reyndi Guðjón af miklum mætti að koma mér saman við stelpu sem hann sagði að ég myndi smella mjög vel við. Við stóðum sumsé hvort á móti öðru, ég og þessi stelpa, Guðjón stóð við hliðina á okkur og hvatti okkur til þess að kyssast. Einhverra hluta vegna fannst mér það góður flótti frá óþægilegum aðstæðum að kyssa Guðjón, sem ég gerði, mjög nautnalega. Ég veit ekki alveg hvort það virkaði, en ég held að stelpan hafi orðið móðguð að ég hafi frekar viljað kyssa Guðjón en hana, sem ég skil svosem eftir á, og átta mig einnig á því að þetta er væntanlega ein versta "Veldu A eða B" ákvörðun sem ég hef tekið. Samt.

En þetta var allavega drullugott fyllerí, eitt það besta á árinu, klapp fyrir því.

2004-05-19T23:21:00.000Z

Sjórinn

Fátt er betra en 18 tímar útá sjó til þess að hugsa sinn gang, forgangsraða, pæla í lífinu og tilverunni og fá leiðinleg lög á heilann, afþví ég get ekki hlustað á útvarp í vinnunni.

Þau lög sem ég var með á heilanum í dag:
Y'all want a single(Oddur Broddi! lagið)- Korn
When Susanna cries - Esper Lind
Reykjavíkurnætur(Bara "Rekjavíkurnætur... ohohoh Reykjavíkurnætur" kaflann) - Megas
What a Wonderful World - Louis Armstrong
Det var brennevin i flasken da vi kom - Guð veit hver
Indian Summer - The Doors

2004-05-18T00:35:00.000Z

Tveir Staðir

Akkúrat núna eru tveir staðir á Jörðinni sem ég vildi að ég væri ekki á;

Stykkishólmur
Abu Ghraib

Reyndar er eflaust meira næs að vera í Abu Ghraib, verið er að sleppa öllum lausum, verðirnir taka rólega á því svo þeir verði ekki sóttir til saka, bara partýstemning í Abu Ghraib.... næsti bar sem ég stofna mun heita "Abu Ghraib - Where fun is a kick in the balls!"

Tvær Pælingar

Ég las það einhverstaðar að 48,78 prósent af því sem skráð er sem staðreyndir á netinu, sé í raun og veru lygi. Ok, get this; Ef það er satt, þá hefur þessi færsla um það að 48,78% af því sem er skrifað á netinu sé lygi í fyrsta lagi kollvarpað kenningunni, því núna er það lægri prósenta, og í öðru lagi er þetta orðið lygi, því þar sem þessi færsla mín er byggð á staðreyndum sem eru ekki sannar lengur útaf færslunni sem þær eru birtar í, bæði afþví prósentutalan er orðin röng, og svo er prósentutalan röng vegna þessarar færslu, krípí stöff sko!

Tvær Stjörnur

Í tilefni þess að ég hef nú sagt skilið við borgarlífið um stund, og dvel í Abu Ghraib, þarsem fangaverðirnir eru orðnir svo líbó að ég fæ að horfa á vestrænar myndir og leika mér á internetinu, hef ég ákveðið að birta texta Megasar við lagið "Tvær Stjörnur"

Tíminn flýgur áfram og hann teymir mig á eftir sér
en ekki fæ ég miklu ráðið um það hvert hann fer
en ég vona bara að hann hugsi svolítið hlýlega til mín
og leiði mig á endanum aftur til þín.

Ég gaf þér forðum keðju úr gulli um hálsinn þinn
svo gleymdir þú mér ekki í dagsins amstri nokkurt sinn
í augunum þínum svörtu horfði ég á sjálfan mig um hríð
og ég vonaði að ég fengi bara að vera þar alla tíð.

Það er margt sem angrar, en ekki er það þó biðin
því ég sé það fyrst á rykinu hve langur tími er liðinn
og ég skrifa þar eitthvað, með fingrinum, sem skiptir öllu máli
því að nóttin mín er dimm og ein, og dagurinn á báli.

Já, og andlitið þitt málað, hve ég man það alltaf skýrt
augnlínur og bleikar varir, brosið svo hýrt
jú, ég veit vel að ókeypis er allt það sem er best,
en svo þarf ég að greiða dýru verði það sem er verst.

Ég sakna þín í birtingu að hafa þig ekki við hlið mér
og ég sakna þín á daginn, þegar sólin brosir við mér
og ég sakna þín á kvöldin þegar dimman dettur á
en ég sakna þín mest á nóttunni, þegar svipirnir fara á stjá.

Svo lít ég upp og sé við erum saman þarna tvær
stjörnur á blárri festingunni sem færast nær og nær
ég man þig þegar augu mín eru opin hverja stund
en þegar ég nú legg þau aftur fer ég á þinn fund

Megas

Séra Bragi Páll Sigurðarson

2004-05-16T18:58:00.000Z

Helgi

Fös;Afmælihjátinnu, lallikomfránorge, viðreyktumívitlausuherbergi, égsvafí15tíma
Lau;Afmælihjáguðjón, égátofmiklapizzu, viðreyktumíréttuherbergi, égdrakkofmikiðviskí, égsvafílitlumsófa

Þarna er það þá komið, helgin í níu orðum, reynið að gera betur en þetta, búja!!

Helgin í átta orðum; Hvað var ég aftur alveg að fara segja....?
Helgin í sjö orðum; Fyrst kom föstudagur, svo laugardagur..held ég
Helgin í sex orðum; Áttu eitthvað að borða.. bara eitthvað?
Helgin í fimm orðum; Where is the Christmas trea?!?!?
Helgin í fjórum orðum; Helgin í fjórum orðum
Helgin í þremur orðum; Ég var drukkinn
Helgin í tveimur orðum; Hvaða helgi?
Helgin í einu orði; blehhhhh...

Megas

Nú hef ég verið að glugga í bókina "Omdúrman: Margmiðlaður Megas í Nýló" og ætla að láta flakka viðtalsbút sem ég hafði einstaklega gaman af að lesa;

S: Þú náttúrulega lendir í skilnaði, og síðan einhverjum erfiðum kvennamálum? Megas: Ég lenti bara í kvennamálum, og það er óþarfi að segja svartur svertingi: kennamál, það þarf ekki að segja "erfið kvennamál"

Jájá, meistarinn hefur talað.

Höfuðból Herramanna

Vestur á bóginn, bruna í hólminn, skella sér á sleppuna, úr öskunni í eldinn, til forgarða helvítis, í mekka karlmennskunar, að láta mergsjúga sálu sína, að svíkja lit, að fara á sjóinn, að fara til helvítis... jájá, það eru mörg orðasambönd sem nota má til þess að lýsa því að fara í Stykkishólm, öll eiga þau það sameiginlegt að ná ekki alveg utanum þá kvöl og pínu sem það er að vera dæmdur til dvalar í þessu drepleiðinlega dónaplássi, dreggjarfullur af dónum, druslum og drulluhölum, eða draga fram glaðan dag er eitthvað sem bæjarbúar gera bara á jólunum, í korter.
Neinei, hvern er ég að blekkja, þetta er fínt pleis.... ég bara vil ekki vera þar.

2004-05-14T11:21:00.000Z

Hamskipti

Nú er að mörgu að huga, fyrst og fremst vil ég þakka Dóru fyrir enn eitt meistaraverk bloggheimsins, hún er listamaður, ég er bara strigi. Ég vona að nýja lúkkið leggist vel í fólk, það fer allavega þokkalega í mig. Thankz a bunch systa'h.

PRÓFLOK

VÚÚÚÚ, YEAAAAA, ÚJÉAAAAA, VÚÚÚHÚÚÚÚ!!! Þessi blessuðu próf eru þá yfirstaðin, það eru u.þ.b. 3 mínótur síðan ég steig útúr síðasta prófinu mínu, íslensku. Ég ætlaði nú ekkert að vaka alla nóttina, en það er svona þegar maður hefur góðan félagsskap og fáránlegt magn af námsefni til þess að komast yfir. Ég hafði minn eigin kontór heima hjá mér, reykti útum gluggann, drakk kaffi í massavís, en að því kom að kaffið dugar bara ákveðið langt, og þar hefur efedrínið hingað til komið inní, en gerði ekki núna. Ég drakk þá bara meira kaffi, og fékk mér verkjalyf til þess að fá ekki í magan af þessu. Það virkaði ekki, þá sturtaði ég í mig magasýrustillandi og drakk með því kaffi... ætli rökhugsunin hafi ekki yfirgefið mig eitthvað uppúr klukkan fimm í nótt. Ég flaut allavega á lyfjaskýinu þangað til í morgun að maginn á mér sagði einfaldlega stopp, en ég hlustaði bara ekkert á hann, las heima til kl9:30, fór þá niðrá bókasafn í Snorra-Eddu leikinn við Guðna, svo í próf kl10:15... og tel að ég hafi náð... þéttur peli eða sveittur spaði... ykkar að dæma, mitt að vera.
Múhaha, ég veit ekki afhverju en ég sit núna uppá bókasafni og er að nýta síðustu stundir skólaársins í að sækja mér ógeðslega mikið af tónlist og dóti á netinu... og er að fylgjast með öllu fólkinu með baugana sem er EKKI búið í prófum... múhahaha, gott á ykkur, feable humans!!

Ljóð

Ég hef verið að kynna mér ljóð franska höfundarins Arthur Rimbaud. Ég hef snarað ljóðinu hans "Rómantík" yfir á íslensku, í tilefni prófsins sem ég var í, og ætla að leyfa ykkur að njóta. Athugið að snörunin á sér stað núna, og verður því ekki í hæsta gæðaflokk, en ég vona samt að stemningin í ljóðinu nái að komast í gegn.

Rómantík

I

Þér er ekki alvara þegar þú ert sautján ára
Eitt fagurt kvöld, þreyttur á bjór og límonaði
Og hávaða kaffihúsanna, þess tælandi fjára
Þú gengur undir sítrónutrjánum í skrúðgöngunni

Sítrónurnar lykta svo vel á fögrum Júní kvöldum!
Loftið er svo sætt að stundum lokaru augunum:
Vindurinn, fullur af hljóðum, bærinn bærist á öldum
Blæs bjórkeimnum, og lyktinni af vínþrúgunum

II

Þú stynur ofur lágt
Til þess eins að ramma inn nóttina
Stunginn af banvænni stjörnu, sem bráðnar
Titrar mjúklega, lítil, fullkominn, hvít

Júní nótt! Og þú sautján ára! ?Finnur á þér
Kampavínið deyfir útlínurnar?
Þú hugsar: finnur koss snerta varirnar
Hann staldrar þar við, líkt og lítið dýr

III

Brjálað hjarta þitt fer í reisu með rómatík
-Augu þín eltast við fölt lampaljósið
Ung stúlka valsar um með fögrum litum
Undir augnaráði ógnandi föðurs

Og í því sem henni finnst þú einstaklega barnalegur
Fellur hún, í litlu öklaskónum sínum, og dettur
Hún snýr sér snöggt við, með morðaugnaráði
Og móðganirnar deyja á vörum þér

Þú ert ástfanginn. Allt frammí ágúst
Þú ert ástfanginn. ?Söngur þinn kætir hana
Allir vinir þínir eru farnir: þú í ónáð
Skyndilega dýrkaður, eitt kvöld, eitt bréf

Þetta kvöld? snýrð þú aftur á kaffhús
Þú kallar á bjór eða límonaði
Þér er ekkert alvara þegar þú ert sautján ára
Og sítrónu tréin eru græn við skrúðgönguna

23 september 1870

Jæja, njótið, og ef stemning er fyrir get ég e.t.v snarað fleiri ljóðum eftir hann, allavega, ég er farinn heim til mín að sofa. Bless....

2004-05-12T15:10:00.000Z

Ljóðelskandi

Ég hef lengi ætlað að týna til öll helstu ljóðin mín til birtingar hér á blogginu, en lokanir og leti hafa verið mér Þrándur í götu. En núna þegar losna fer um bönd skóla og þessháttar mun ég dæla þeim hérna inn, en það er eins gott að þið kommentið á þau, og þá er ég ekki að tala um eitthvað "Þetta er ljóð" komment, nei ég vil fá falleg komment, um fallega hluti... fallegt..

Ekki til

Ég svíf upp
í svartan himininn
og faðma tómið fullur óvissu
um hvað ég sé að elska.
Nóttin er ekki stjörnubjört,
engin ljómi, engin máni, engin gleði.
Allar stjörnurnar eru dánar.
Ég lít niður og horfi á jörðina minnka og hverfa.
Ég svíf einn í tóminu og allt er svart,
og ekkert er til, og ekkert er til, og ekkert er til.
Ég lít snöggt um öxl sem er ekki til,
ég horfi á þig, sem ert ekki til
þú brosir brosi, sem er ekki til,
við tökumst í hendur, sem eru ekki til
og horfumst í augu, sem eru ekki til.
Og í þessum svarta heimi þar sem ekkert er til
kysstumst við 1000 kossum sem aldrei voru til,
og dóum aldrei, því við vorum aldrei til.

Um sólina, hamingjuna, gleðina og guð

Sólin er aðeins handa þeim
sem bíða eftir því að
rigningin hætti og að skýin fari af himninum

Hamingjan er aðeins handa þeim
sem skapa sér hana sjálfir,
því þegar allt annað hrinur þá stenduru á því
sem þú hefur byggt undir þig.

Gleði er aðeins handa þeim
sem bera sig eftir henni
og sækjast eftir henni sjálfir.

Guð er aðeins handa þeim
sem trúa á hann
því í lokin er hver maður sinn eiginn guð.

Rétt eins og enginn á skilið
annað en það sem hann hefur unnið sér inn fyrir,
þá meiga þeir eiga sólina, hamingjuna og gleðina,
ég er ekki um mikið að biðja,
því sjálfur er ég minn eigin guð,
og þú mín gyðja.

Við erum öll

Við erum öll
bara krítarkrot
á krítartöflu
og vitum aldrei hvenær
við verðum strokuð út

Við erum öll
bara vatnsskvetta
á heitum sumardegi
og vitum aldrei hvenær
við munum gufa upp

Við erum öll
bara blek í byttu skálds
og leið á blaðið
og vitum aldrei hvenær
við verðum gerð eilíf

Við erum öll
bara á lífi
á meðan við viljum það sjálf
og vitum aldrei hvenær
við hættum að vilja

Hann og hún

Hann gekk niður götuna, þungum og hægum skrefum. Hann tók eftir því að konan sem hann mætti var í skærbleikum skóm, sem pössuðu allsekki við dragtina hennar, dvaldi ekki lengi við þá hugsun, því hann sá svo ofboðslega sætan hvolp hlaupa í áttina að sér. "Gússígússí" sagði hann og kiknaði í hjánum þegar hundurinn horfði á hann með stórum votum augum.
Tár læddist niður vanga hans þegar hann sá veðurbarna móður staulast með illa klætt barn sitt í átt að súpugjöfinni. "Ég vildi að ég gæti hjálpað öllum í heiminum" hugsaði hann og áttaði sig svo seinna um daginn á því að hann var orðin kona.

Lífið í bíó

Borgum við ekki öll sama gjald inná þá sýningu sem lífið er? Við sitjum bara mismunandi lengi, fylgjumst misvel með ög höfum misgaman af rómantískum gamanmyndum.

Ófarir annarra

Ég vona að þið hlægjið ekki að óförum annarra,
þegar ég dett trúðslega annað slagið á frísklegu
valhoppi mínu í gegnum lífið. Tvístekk á vinstri
og slengi skönkunum í hverja hindrunina á
fætur annarri, dett á andlitið, missi tennur, en
stend hlægjandi upp, brokkandi í átt að næsta klúðri.
Ég vona að þið hneykslist ekki á veikleika annarra,
þegar ég fell fyrir hverri tálsýninni á eftir annarri,
slefandi yfir þeim hlutum sem veitt geta misheppnuðum
hindranahlaupara stundarró, sálarfró. Það sem lítur
út eins og gljáfægt epli reynist vera gamall sokkur,
fúll á bragðið í meira lagi, og þar að auki skammarlega
lítill.

Dansað á rósum

Kaffið dansar í bollanum
til og frá og uppyfir barmana
hringlaga droparnir springa á gólfinu
og kólna

Úlfarnir dansa hring um vísundinn
fram og tilbaka og stökkva og bíta
blóðið frussast þegar skepnan skellur á frosinni jörðinni
og kólnar

Hugur minn dansar utanum þig
ég vef mig hringinn í hringum líf þitt
tala við þig og segi eitthvað asnalegt, fer eitthvað annað, sest niður
og kólna.

Mislukkuð framköllun

Daufar línur breytast strax í ljósmynd
af stelpu sem situr í svörtum kjól
einhvertíman í óþekktri fyrnd
sat ég við hlið hennar í svörtum stól

Hún togar teygir sleppir og lætur mig þjást
á milli þess ég hvíli á mjúkum vöngum
á að kalla fyrirbærið ást
eða óútskýranlega löngun?

Séra Bragi Páll Sigurðarson

2004-05-12T13:42:00.000Z

LærDÓMUR!

Já, þeir voru sko ekkert að skafa utanaf því þegar þeir bjuggu þetta orð til, það er ekki Lærgaman, Lærfjör, Lærsnilld, Lærisneiðar.... nei það var ekki alveg að ná utanum hvað þetta er, þetta er LærDÓMUR.
"Ert að læra elskan?"
"Nei, ég er að afplána dóm"

Snorra-Edda

Fyndið hvernig ég hef aðeins gaman af bókum áður eða eftir að ég þarf að lesa þær í skóla, en þegar ég þarf að lesa þær í skóla, þá les ég þær ekki.

2004-05-11T19:29:00.000Z

Sviptivindar

Hæðir og lægðir hafa einkennt líf mitt þessa dagana. Svefnleysi og svefn, stress og streptókokkar, konur og karlar, já ég hef fengið að kynnast því öllu, ójá!!

Helgi skoðar heiminn

Ég og Oddur Broddi höfum hafið skipulagningu okkar á heimsreisu, ferðin á að hefjast eftir tæpt ár og á að enda um jólin 2005 eða sumarið 2007... alltsaman óákveðið. evrópa, rússland afríka, miðausturlönd, asía, japan, víetnam, ástralía, miðjarðarhafið, chile, argentína, brasilía, venesúela, jamíka, kúba, bna, kanada, grænland og ísland...
þetta er þá listinn í grófum dráttum þó, á honum eru samtals eitthvað um 80lönd, og erum við félagar gífurlega spenntir fyrir þessu... ekki að ástæðulausu, góður listi gott fólk

Prófasukk

Prófin eru nú að nálgast seinni endann, ég er búinn með 3/4 og er bara vel stefndur fyrir sjúkrapróf í ísl á föstudaginn, eftir það ætlum við sigurður arent að klæða okkur upp sem konur og fara á djammið niðrí bæ til þess að fá ókeypis drykki, VÚHÚ!!!
CHICKS WITH STICKS!!!

2004-05-10T09:52:00.000Z

Kontórinn II

Ef ég ætti að nota eitt orð til þess að lýsa undanförnum sólarhring þá er það að öllum líkindum "Úff"
Ég hélt vaskur niður á Kontór um kl:6 í gærdag, og eyddi nóttinni í stærðfræði, öfgafulla kaffidrykkju, efedrínsnæðing, gífurlegar reykingar, að leita að opnu apóteki, Free Cell, vöðvakippi, viðgerð á kaffikönnu, gítarspil og gleði. Mér líður núna eins og einhver sé nýbúinn að bregða mér, ég þurfi að hlaupa en sé samt að sofna... og ég sé tölur... kósínus... tangens... LÁTIÐ MIG VERA!!

Blehhh....

Hérna kæmi væntanlega einhver fróðleikur eða hugleiðing frá mér ef mér liði ekki eins og blöndu af órangútan, smokkfisk og Hollenskum tréklossa... mjög furðulega, njótið þess að lesa ekki neitt, aukinn stærðfræðifróðleikur bíður míns upptjúnaða heila... LÁTIÐ MIG VERA!!

2004-05-07T21:47:00.000Z

Hugarheimur

Ef fólk vill fá góða innsýn í hugarheim skáldsins þá er ekki úr vegi að setja eftirfarandi lög saman á disk, hlusta á þau og andvarpa svo yfir fegurðinni sem þessi einlæga veröld hefur uppá að bjóða;

KK:I think of angels, Englar himins grétu í dag
Megas:Orfeus og Evridís, Tvær Stjörnur
Simon&Garfunkel:Kathy's song
Bob Dylan:Oh, sister, Visions of Johanna, Girl from the North County, Buckets of Rain, Boots of Spanish Leather, With God on our Side
Aphex Twin:Girl-Boy song
Gary Jules:Mad World
Jimi Hendrix:Little Wing
Norah Jones:Come Away with Me
Jeff Bucley:Last Goodbye, Halleluja
Johnny Cash:Hurt
The Beatles:Norwegian Wood, Blackbird, Getting Better
The Doors:Riders on the Storm
A Perfect Circle:The Nurse Who Loved Me

Ég er almennt á því að sé hlustað á þennan disk sé hægt að laga flest þau sálrænu mein sem einn maður getur yfir búið.
Jæja, vinir og kunningja, þrár og langanir, allt kallar á mig að koma útí bjarta nóttina, og dansa...

2004-05-07T09:04:00.000Z

Kontórinn

Jahérna, vafalaust ein af furðulegri nóttum sem yðar einlægur hefur upplifað. Kl 10 í gærkvöldi fór ég á kontórinn, skrifstofu Odds Ástráðs, Helga Hrafns og Jóhanns Alfreðs. Tilgangurinn var vitanlega að læra undir félagsfræðipróf sem ég er að fara í eftir klukkutíma. Fyrst erum við bara tveir, ég og Oddur, röltum niðrí 10-11, kaupum okkur humarsúpu og bakkelsi, töltum uppá kontór og fáum okkur í gogginn... og þá fyrst fer vitleysan að byrja... Friðrik Steinn mætir á staðinn með efedrín... sem er bensín þeirra sem vilja læra á næturnar. Eftir að hafa sturtað í mig 4kaffibollum fæ ég mér tvö efedrín hylki... kl2 um nóttina, ég læri svo stanslaust, með reglulegum kaffi og sígarettupásum, til kl7, þegar við röltum á gráa köttinn, þar fæ ég mér annan kaffibolla og lokahylkið mitt af efedríni, svo ég sé nú örugglega vakandi í prófinu.... nú klukkan 20 mínótur í 9 legg ég af stað uppí FB og tek þá eftir því að ég titra... nú sit ég því hér uppá bókasafni eins og mjög unglegur Parkinson sjúklingur, víbrandi eins og besti vinur kvennana. Ég náði þó að lesa 150blaðsíður í bókinni ríkar þjóðir og fátækar, og vil vitna í hana;
Eftirfarandi texti var í bókinni "Landafræði handa börnum og unglingum" sem gefin var út 6 sinnum hér á landi á árunum 1907-1931
"Engin menningarþjóð sem nokkuð kveður að, er negrakyns, og illa þrífast ríki undir stjórn Negra. Enda lúta þeir nú flestir Evrópumönnum. Eitt Negra-lýðveldi er þó í Súdan, og heitir Líbería, höfuðborg Monróvía. En þar gengur alt í ólestri. Það var stofnað af Negra-vinum í Ameríku á öndverðri 19.öld, og fluttir þangað leysingjar frá Ameríku."(bls104)

Já, það læra börnin víst sem fyrir þeim er haft, þetta er sá fróðleikur sem afar okkur og ömmur drukku í sig, og þau ólu svo upp foreldra okkar flestra, sem áttu svo okkur... vildi bara fá þetta á hreint.

Jæja, ég er svo orkufullur að ég held ég fari bara út að skokka, svona rétt fyrir prófið.... í tilefni þess að ég hef ekki sofið í 26klukkustundir:)

2004-05-06T13:05:00.000Z

Enska II

Jæja, þá er "kallinn" kominn úr "þéttu" enskuprófi. Á maður að þora að "slumma" á "sveitta" nýju5?!? Mar veit ekki sko, "kallinn" er auðvita "þéttur" á "því".

Bílahamfarir

Ég hef löngum ætlað að gera á þessu bloggi fyllilega grein fyrir sögu minni hvað bíla varðar, og þá bíla sem ég hef átt og misst.... here goes nothing...

Elsa/Mitsubishi Lancer1989

Þessi bíll er tvímælalaust uppáhalds bíllinn minn í öllum heiminum... eða var það allavega meðan hún var ennþá til. Þannig var mál með vexti að langa-afi minn dó, og erfði ömmu og bróðir hennar af Bens bifreið, sem þau seldu, fengu fullt af pening fyrir og þennan forláta grip... hana Elsu mína. Ömmu fannst bíllinn svo ógeðslega ljótur að hún gat ekki hugsað sér að eiga hann, þannig hún gaf ungum Braga, nýkomnum með bílpróf, þennan æðislega bíl. Ekki byrjaði fjörið nógu vel, ég kom bílnum ekki í gang fyrsta daginn, en móðir mín dróg mig í gang og var ég þarmeð byrjaður að keyra:) Fyrstu bílferðina mína fór ég niðrí bæ og sótti Bjarney og Obbu, sem fengu síðan hjartaáfall öðru hvoru bæði afþví bílinn var stanslaust að drepa á sér á þjóðvegi eitt og svo kunni ég bara ekkert að keyra. Stundirnar sem ég átti með þessum bíl eru margar og góðar, en nafnið er komið úr Fóstbræðraþætti... "DON'T YOU DIE ON ME ELSIE!!" Undir lok eignar minnar á þessum bíl (sem stóð í 6mánuði) var gjörsamlega allt búið að bila og hlutir farnir að hrynja úr vélinni eins og hún væri holdsveik. Seldi ég þá vini mínum, Jóni Magnúsi, bílinn á fylleríi á 50þús spírur... hahaha, ég get ennþá hlegið að þessu. Hann ætlaði að gera við bílinn en keyrði hann bara útí móa, þar sat hann fastur í drullu í nokkra mánuði þangaðtil Jón brenndi bílinn... ég felldi tár:(

Bóbó/Subaru Justy1991

Ó minn kæri Bóbó. Nafnið er komið frá góðvini mínum Helga Eiríkssyni, en það kom upp í einni Elsu-útilegunni. Þannig var að Helgi var blindfullur, skreið undir tjald, festist þar, öskraði á sígarettu, sem hann fékk, og lagði sig svo undir tjaldinu, vaknaði og öskraði "ÉG ER BÓBÓ FÍLL!!"
Ég hafði lengi verið að leita mér að bíl hvar ég sat á Gráa kettinum með Kiddó og við vorum í þá mund að fá okkur einn kaldann á föstudegi þegar mamma hringir og segir mér að það sé kona á elliheimili sem sé að selja Justy-inn sinn, en þessir bílar eru gífurlega vandfundnir, því ef þú kemst yfir Justy þá ertu í góðum málum. Þeir eyða litlu, eru töff og eru fjórhljóladrifnir. Við kiddó brunuðum á elliheimilið, prufukeyrðum bílinn, ég bauð 120þús og gamla tók boðinu. Reyndar hafði verið klesst á bílinn af einhverjum gjörsamlega geðveikum gömlum kalli sem bjó einnig á elliheimilinu, og gamla konan ætlaði að fá hann til að borga mér bara mismuninn... en hann bara neitaði því svo ég fékk þarna smávegis klesstan Justy á spottprís, eins og að stela sælgæti af gamalli konu:)
Bóbó átti ég svo í ekki nema 3mánuði, þá var ég að keyra uppá Vatnsenda og ætlaði að sýna hvað fjórhljóladrifið væri magnað, festist í drullu og stútaði rafmagnskiptingunni, sem er auðvita hætt að framleiða og er ekki til á neinum bílapartasölum... týpíst. Bílinn seldi ég svo Benna félaga mínum á 20þús... og felldi tár:(

Sir William/Peugot 106/Helvítis bíllinn

Þessi bíldjöfull!! Alltaf þegar ég sé Peugot þá langar mig að hlaupa uppað honum, míga á hann og gelda svo eigandann! Þetta er að vísu flottasti og dýrasti bíllinn sem ég hef eignast.... en fjandinn hafi það!! Nafnið ákvað ég afþví mér fannst það vera virðulegt og flott... eins og ég hélt að þessi bílmella væri. Bílinn fékk ég í janúar 2002, þegar ég var að byrja æfingar á "Milljarðamærin snýr aftur" í MR. Þarmeð hafði ég átt 3 bíla áður en ég varð 18ára... og fannst mér það bara alveg þokkalegt. U.þ.b 3 mánuðum eftir að ég eignast Sir William þá lendi ég í því að keyra drukkin heim eftir söngvakeppni MR-inga. Ég klessti á splunkunýjan Bens sem var að fara yfir á rauðu ljósi, en afþví ég var drukkinn var ég í órétti. Bensinn eyðilagðist og þurfti ég að borga 210þúsund í sjálfsábyrgð, svo fóru 78þús í sekt fyrir að keyra drukkinn, 200þús í viðgerð á bílnum mínum auk þess sem ég missti bílprófið í 6mánuði. Þegar það var nýbúið að gera við bílinn en ekki ennþá búið að svipta mig klessti maður aftaná mig... hann tók niður símanúmerið mitt en hringdi aldrei... fucker. Ég þurfti þá að borga 46þúsund fyrir viðgerð á bílnum. Þegar ég fékk svo bílprófið aftur var ég glaður, gat núna loksins keyrt þennan helvítis bíl. Nú koma ýmis smáóhöpp eins og það að bílnum var lagt fyrir utan hjá Oddi Brodda þegar einhverjum finnst mjög sniðugt að rífa bara hliðarspegilinn af bílnum, 17þús kr. Ég sat svo í líffræði einhven daginn þegar hringt er í mig og mér sagt að afi minn sé dáinn, ég keyri af stað heim í frekar miklu sjokki, renn í hálku og rústa brettinu á bílnum, brýt ljós, beygla húddið.... by then var ég kominn með kaskó en þetta var samt 43þús kr í viðgerðarkostnað. Þá kemur að því að ég og oddur förum Bjarmalandsför okkar til London að sjá Bob Dylan og Mars Volta. Það er ekki við mannin mælt að daginn áður en við förum á Dylan er hringt í mig og mér tilkynnt að búið væri að gjörsamlega stúta bílnum mínum. Þá var einhver sauður sem bakkaði á helvítis bílinn, hvar hann beið saklaus á bílastæði eftir heimkomu meistara síns. Ég þurfti að vísu ekki að borga fyrir þess eyðileggingu, en ég var bíllaus í 3 vikur, sem er óheppilegt þegar maður býr útí rassgati. Eftir viðgerðina hugsaði ég "Jæja Bragi, mikið ofboðslega ertu með stórt typpi" en ég hugsaði líka "Þessi bíldrusla getur nú ekki eyðilagst mikið meira" en ég hafði ó svo rangt fyrir mér. Nú víkur sögunni að því að ég er í Stykkishólmi og er útá sjó, að einhver bakkar inní hliðina á bílskrattanum, rústar hurðinni... og stingur svo af.... góður 43þúsund kall fyrir Braga.... Vá, ég er orðinn pirraður á bílnum þósvo ég eigi hann ekki lengur! Það var svo vikuna rosalegu.... ég hafði tapað morfís keppni á laugardegi, var rekinn úr skólanum á þriðjudegi... og á fimmtudeginum þá er ég að keyra í Ártúnsbrekku að einhver huge felga dettur af sendiferðabíl sem er að keyra fyrir framan mig, fer undir bílinn, gerir gat á pönnuna og vélin bræðir úr sér.... frrrrrrrrrrrrrábært. Helvítis bíllinn náði þarna að toppa eina verstu viku sem ég hef lifað með því að deyja, þrátt fyrir allt var ég bara ánægður að vera laus við þessa ógeðslegu bílhóru sem hafði gert heiðarlega tilraun til þess að eyðileggja líf mitt í tvö ár. Ég felldi ekki neitt tár, ég sparkaði bara í drusluna.

Jóhannes/WV Golf CL

Þá er komið að Jóhannesi. Bíllin er skýrður í höfuðið á Jóhannesi Þ. Skúlasyni, en hann skýrði son sinn í höfuðið á mér afþví ég er bestur. Bílinn hef ég bara átt í 2mánuði, en hann hefur reynst mér þokkalega. Ég held þó að legur séu að fara í hægra afturdekki, ég þarf að láta smyrja hann og setja á sumardekk... en það er allavega ekki búið að klessa hann lengur og hann eyðir ekki nema 8.ltr á hundraðið, sem er bara þokkalegt.... sáttur við karlinn og ekkert meir um það að segja:)

Þetta er nú enginn skemmtisaga... en þetta er allavega sagan mín.
Séra Bragi Páll Sigurðarson

2004-05-06T09:35:00.000Z

Málóður

Eins og skáldið sagði;
"Já nú liggur lambinu mikið á hjarta"
-Skáldið

Ísland í bítið

Kristur á guðsgefinni jörð hvað konan í ísland í bítið er.... er... já hún er bara fáránleg. Hvernig fær svona ótrúlega vitlaust fólk starf við fjölmiðlun?!?
Í morgun var fólk sem var að setja upp sýningu varðandi sumarið í viðtali í þættinum, og þessi vanhæfa kona sagði í byrjun viðtalsins "Já, og það er bara allt um sumarið á sýningunni... (og öskraði svo hálfpartinn) ég bara.... VÁ ALLT UM SUMARIÐ!!" og tók svo upp moggann og byrjaði bara að lesa eins og viðtalið væri bara búið, og mannanginn sem var í viðtalinu var eins og kúkur, og þá er ég ekki að tala um neinn venjulegan kúk, nei ég er að tala um virkilega vandræðalegan kúk. Svo alltíeinu í miðri setningu hjá manninum kallaði hún skyndilega upp "Og hér er svo marg, vá, heitir pottar, garðyrkja.... emm... blóm og rauðvín... bara... VÁ!!" og ekki var maðurinn minna kúkslegur eftir þetta.
Seinna í þættinum kom hinn gífurlega vanhæfi fréttamaður þeirra stöðtvöara og var með fréttaútskýringar, sem er eiginlega bara að það að hann les fréttirnar hægt... og segir inn á milli "Jájá, svona er þetta"...... frábær dagskráliður. Þegar kom svo að frétt um Picasso málverk sem seldist á rúmlega 7milljarða leit heimska konan uppúr mogganum og sagði "VÁ... sjö milljarðar, það er rosalega mikið, hugsaðu þér!" og leit svo niður aftur.... ef hún getur ekki falið undur sína á upphæðum sem hljóma flóknar þá á hún bara ekkert að vera í fjölmiðlun! Ef ég kemst einhvertíman í færi við þessa konu ætla ég að segja henni hvað búa margir á jörðinni og fylgjast svo með eftirfarandi viðbrögðum "VÁ... sex milljarðar, það er rosalega mikið, hugsaðu þér!"
Heimska kona.

Mataræði

Ég fékk að heyra það í gær að ég væri í kjörþyngd, sem er víst kjörið. Ég ætla því að hætta við fyrirfram ákveðna megrun mína, og hef ákveðið að halda áfram fyrri matarvenjum. Í morgun fékk ég mér vatnsglas, tvo stór bolla af kaffi og svo drakk ég á leiðinni í skólann kók og fékk mér complimentary sígarettu, en hún var mjög góð.

Skagafjarðarmellan

Smávægilegt update.... ég kem hérna á bókasafnið eftir að hafa verið úti að reykja og sé ég þá að skagafjarðarmellan situr á borðinu við hliðina á mér... ég geng hægt í áttina að mínu borði og gef henni "deyðu" augnaráðið mitt... hún skilur fyrr en skellur í tönnum helvítis mella.... og lætur sig hverfa fyrr en varir, hún veit uppá sig sökina... damn that woman!

Trukkadóni

Ég lenti fyrir aftan trukk á leiðinni í skólan, sem svínaði á mig í öllum hringtorgum og fór svo í veg fyrir mig þegar ég ætlaði að taka frammúr honum á vesturlandsveginum.... alveg finnst mér ótrúlegt hvernig sumir bílstjórar leyfa sér að láta, og ætla í því að rifja upp góða sögu af Halldóri Laxnes og trukkabílstjóra.

Þannig var að Halldór hafði nýverið keypt sér Jaguar bifreið frá Bretlandi, og var að aka um á henni í Mosfellsdalnum þegar á móti honum kemur pallbíll á nokkuð mikilli ferð. Halldór, verandi sjentilmennið sem hann var, lagði varlega útí kant svo trukkurinn gæti nú hæglega komist framhjá honum, en þá vill ekki betur til en að pallbíllinn keyrir svona líka harkalega utaní bíl Halldórs með þeim afleiðingum að hann endasendist útí nærliggjandi skurð. Bílstjóri pallbílsins stoppar vitanlega við þetta útí vegkant, og fylgist með því þegar Halldór klöngrast útúr bílnum, beygir sig inní hann til þess að sækja hattinn sinn, setur hann á sig, röltir uppá veg að trukknum, tekur ofan hattinn, hneigir sig og segir "Og var það eitthvað fleira fyrir yður?"

Helvítis jafnaðargeðið, maður á víst að komast svo djöfull langt á því......

Enska

jæja, ég verð víst að stökkva í enskupróf... ég hef svo miklu, miklu meira að segja.... að ég ætla að koma aftur eftir prófið og klára þessa færslu... NEI ÞIÐ MISLÁSUÐ EKKI, ENDILEGA LÍTIÐ VIÐ AFTUR Á EFTIR FYRIR MEIRA AF BRAGA!!! vei, meira af Braga... ohh ég elska þig Bragi!! Takk, takk, þakka þér fyrir Bragi-sem-nánast-enginn-nennir-að-kommenta-hjá... takk. Það er gott að sjá að þú sért með jafnaðargeðið að reiðum höndum... því ég er svo sannarlega ekki með það.... hvað er ég að gera...? Ég á að vera í prófi!!

2004-05-05T18:09:00.000Z

Bragi spillir fimmtudagskvöldi!

Bachelor' Bob Guiney chooses Estella Gardinier but fails to propose at the end!!!!

Þá er það official, fólk getur hætt að væla yfir þessu og all bets are off!!

2004-05-05T14:15:00.000Z

Pool Fool

Í gær fór ég í Pool með Hirti, Gumma og Oddi Brody, skemmst er frá því að segja að allir gömlu taktarnir sýndu sig í því að ég vann, simple as that, eða jafnvel simple red... samt ekki.

Sígarettur

Mér finnst það magnað að þrátt fyrir að sígarettan sé mesti morðingi í heimi þá séu reykingarmenn samt til, ég persónulega gæti ekki hugsað mér lífið án rettunnar, ég held að besta viðlíkingin við það að hætta að reykja sé komin frá Óla Palla; "Hugsaðu þér bara ef þú segðir alltíeinu við besta vin þinn "Sorry, ég ætla aldrei að hitta þig aftur, bless"

Bókasafnsprump

Alltaf finnst mér jafn óþægilegt að vera þjakaður af vindverkjum, og þá sérstaklega ef ég er á bókasafni og það situr maður beint fyrir aftan mig... karlanginn, ég finn til með honum... úff, þetta var bomba maður, vá.... ææ, ég vorkenni honum bara, uss, þetta heyrðist nú bara upphátt sko, ég gæti farið út af safninu að prumpa.... en ég nenni því ekki... ég verð bara að blekkja mig = þessi maður sem situr í viðrekstrarskýinu mínu hefur drepið einhvern.... ef ekki þá mun hann drepa einhvern ef ég held þessu áfram... vúha, þessi var nú bara blautur sko!

Tralli

Nú keypti ég barnabókina "Tralli" fyrir örfáum vikum. Ég ætlaði nú upprunalega að gefa hana en hlutirnir breytast og nú er svo komið að þessi bók verður mín eign um ókomna tíð, vúha. Allavega, í þessari bók koma fyrir svo harkalegir kynþáttafordómar að það er bara fyndið, ég ætla að koma með nokkrar af mínum uppáhaldsetningum úr bókinni;
(Þegar hér er komið í sögunni hefur Tralli verið sofandi í maganum á hval, sem spýtir tralla svo uppá eyju)
"Hvalurinn skyrpti Tralla uppá Suður-hafs-eyju. En alltaf svaf Tralli. Hann hraut svo hátt, að negrarnir á eyjunni vöknuðu við hroturnar."
(Já góðir lesendur, Tralli vakti alla negrana!)
"Fyrst vaknaði negra-kóngsdóttirin og sagði: HVAÐ ER ÞETTA?
(Þess má geta að negra-kóngsdóttirin er í strápilsi og geðveikt mjó)
Svo vaknaði negra-drottningin og sagði: HVAÐ ER ÞETTA?
(Negra drottningin er einnig ótrúlega mjó með stærstu varir í heimi, og er alltaf með regnhlíf)
Síðan vaknaði negra-kóngurinn og sagði: HVAÐ ER ÞETTA?"
(Negra kóngurinn er kolblikasvartur, einnig með fuckt-up stórar varir og er alltaf með kórónu, þósvo þau búi bara þrjú á eyjunni!)
Plottið í sögunni er svo það að þau fara öll að toga í skottið á Tralla, en svo verður hann góður vinur negra-kóngsdótturinnar og þau leika sér saman í höfrungahlaupi. Mæli með þessari bók eftir hinn annálaða rithöfund Viktor Mall, samt ekki fyrir negra, þeir gætu misskilið boðskapinn...

Það eru bara feitar stelpur á bókasafninu núna... og ég... ergo = ég er feit stelpa!
"Fat chicks need love to, ooooyea!!"

2004-05-04T14:28:00.000Z

Uppgjöf

Mér hefur verið tjáð það sí og æ að það séu örlög kvenna að stjórna þessum heimi, eftir miklar vangaveltur hef ég því ákveðið að setja áætlanir mínar um heimsyfiráð á ís og sjá hvernig konunum vegnar. Þannig er nefnilega mál með vexti að þær eru komnar í meirihluta í háskólanum, útskrifast því mun fleiri konur en karlar, það eru fleiri konur í doktorsnámi en karlar, þær eru víst betri á hestbaki og svo hafa þær þetta helvítis innsæi sem þær eru svo montnar af. Þannig er að hugsa um að taka bara typpið mitt og leyfa þeim að reyna að stjórna þessu betur... helv...

Bókasafn eða ekki?

Í morgun átti yðar einlægur að vera í íslenskuprófi, þarsem lestri hefur verið stórlega ábótavant fyrir prófið þá tók ég klukkan 5 í nótt þá ákvörðun að skella mér bara í sjúkrapróf í faginu. Ég hef eitt löngum stundum uppá bókasafni FB í þeim tilgangi að læra, en eins og þú ert að lesa þá hefur það kannski ekki farið alveg eins vel og ætlað var. Það er vonandi að maður hrökkvi í gírinn einhvertíman fyrir prófið svo ég þurfi nú ekki að lesa Snorra-Eddu aftur... ekki það að það sé ekki skemmtileg bók... ég er bara kominn með ógeð af henni.

Skrumskríll

Ég hef komist að því að það sem er eftirsóknaverðast í Íslensku þjóðfélagi er að vera lífskúnster. Ég hef því ákveðið að þegar ég verð stór ætla ég að vera lífskúnster. Það starf lýsir sér þannig að ég neyðist til þess að drekka heil ósköp, barna fullt af konum, fara í fjöldann allan af heimsreisum, stofna bar í Kaupmannahöfn með nokkrum útbrunnum félögum mínum, búa í Tælandi í einhvern tíma, gerast tískumógúll, byrja að læra viðskiptafræði í háskólanum, hætta, byrja að læra lögfræði í háskólanum, hætta, byrja að læra heimspeki í háskólanum, hætta, stofna bar sem fer á hausinn og fara svo að vinna hjá einhverri sjónvarpstöð eða gefa út geisladisk. Í kjölfar þessarar ákvörðunnar minnar hef ég ákveðið að leggja á hilluna fyrri áform mín um að gerast bóhem, því það fer vitanlega ekki saman að vera lífskúnster og bóhem.

Nokkrir áberandi lífskúnsterar Íslands eru;
Hemmi Gunn
Megas
Friðrik Weisappel
Bubbi
Þorsteinn Broddason
Ástþór Magnússon
Friðrik Þór Friðriksson

Stuðaður

Ég hef aldrei komist almennilega inná það afhverju það er vont að vera stuðaður en gott að vera í stuði... þarf maður ekki að vera stuðaður af einhverju til þess að komast í stuð eða er ég bara algjör fáviti?

Tónlist

Mússíkin hefur ávallt skipað stóran sess í lífi mínu, þósvo ég hafi ekki verið mikið að blaðra um það. Nú virðist vera gífurlega vinsælt að tjá sig á bloggum um hvaða mússík hefur verið heitust undanfarið í lífi bloggersins;

Botnleðja: Drullumall
Bob Dylan: John Lesley Harding
Bob Dylan: The Times They are a Changing
Norah Jones: Feels Like Home
A Perfect Circle: The Thirteenth Step
Gunnar Jökull: Hamfarir
Jeff Buckley: Grace
Madness: Divine Madness
Modest Mouse: Good News For People
The Doors: The Soft Parade

Góður listi gott fólk....
Séra Bragi Páll Sigurðarson

2004-05-03T03:15:00.000Z

Tilraunastofa Dr.Braga

Áhöld;Fimm kaffibollar, pakki af Camel og gífurlegur vilji til að fara að sofa.

Framkvæmd; Drekktu fimm bolla af kaffi, reyktu með þeim pakka af Camel og reyndu svo að fara að sofa.

Niðurstaða; Það þarf nú engan Alfred Einstein til þess að finna það út að maður sofnar ekkert eftir svona misþyrmingu á eigin líkama, þetta er svipað og að skjóta sig í löppina og keppa svo í hundrað metra hlaupi!

Flóuð mjólk part I
Pæling hvort maður geri eins og gamalt fólk og fólk sem er fast í bíómyndum í alvörunni, og fái sér flóaða mjólk.... hmmm... pæling, JÁ!!! Góðir lesendur, þið eruði að verða vitni að því þegar Bragi fær sér klukkan 3:10 um nótt flóaða mjólk í fyrsta sinn á ævi sinni... bíðið spennt eftir framhaldinu af sögunni "Flóuð mjólk DAUÐANS!!"

Flóuð mjólk part II
AHHHHHHH!!!!!!!!!!!!!!!! HVAÐ ER AÐ GÖMLU FÓLK OG FÓLK Í BÍÓMYNDUM?!?!?!?! Ojojojojojojoj og ég er ekki að segja jójó!!! Það má líkja þessu við það að drekka HEITAN bjór, KALT kaffi eða þá að drekka BLÓÐ MEÐ MJÓLKURBRAGÐI!!! Ég mæli ekki með þessu fyrir nokkra sálu... nema fólk sem mér líkar illa við... þið vitið hver þið eruð... gleymið því sem þið voruð að lesa og trúið þessu.. flóuð mjólk er góð, drekkið hana... drekktu.... drekktu...

Að öðru

Ég fór á kaffihús áðan með Dóru og Tinnu, þær töluðu um stelpuhluti eins og brjóstarhaldara og strap-on-dildóa og mér leið bara illa, en svo drakk ég kaffi og varð ótrúlega ör og gleymdi að hlusta á þær... man those where the days!
Núna er ég með fjörfisk í síðunni, svona í rifbeinavöðvanum undir hendinni... þetta er bara rugl, ég held ég sé að fá hjartaáfall.... maður er auðvita kominn á þrítugsaldurinn, búhúhú...
Afhverju er ég ennþá að blogga... afhverju er ég vakandi... afhverju ertu að lesa þetta?

2004-05-01T16:06:00.000Z

Glaumbar

Vá hvað ég var drukkinn í gær. Ég fór í afmæli á Glaumbar þarsem tveir strákar úr Lokbrá voru að halda uppá 21árs afmælið sitt. Ég drakk sumsé heldur stíft og og dansaði eins og ég ætti lífið að leysa við Guðjón, veit ég ekki fyrren einhver dyravörður kemur uppað mér og segist ætla að henda mér út afþví það sé búið að kvarta yfir mér, ég spurði hvort það mætti ekki spjalla um þetta en hann sagði bara nei og byrjaði að hrinda mér. Ég sagði honum að vera rólegur en þá komu bara fleiri verðir og hrintu mér líka, þegar ég var svo að troðast framhjá barnum á leiðinni út var ýtt heldur hranalega í bakið á mér og ég datt framfyrir mig, þá varð hann pirraður og sagði að ég hafi gert þetta sjálfur, ég sá ekki alveg röksemdarfærsluna í því.
Svo kom ég að stiganum og hitti þar fyrir Gettu Betur liða Borgó, Steinþór, sem ég kannast við, kastaði á hann kveðju, faðmaði hann og þegar ég sleppi af honum takinu er mér hrint niður stigann. Þegar ég stöðvast svo við rætur stigans þá kemur annar dyravörður og segir eitthvað eins og "Ef þú ferð með þetta í hart þá segjum við allir að þú hafi hent þér sjálfur niður stigann, þú átt ekki séns, við erum fleiri en þín vitni, orð á móti orði karlinn" og eitthvað í þessa áttina.
Ég var svo sjokkeraður, bæði eftir skemmtiferðina sem ég ákvað að sögn dyravarðanna að fara sjálfur niður stigann og eftir þessi viðbrögð þeirra að ég fór út og var hissa.
Ég skil ekki þessa þörf dyravarða til þess að vera alltaf ógeðslega leiðinlegir og hranalegir, með dónaskap og hrottalegheit, alveg stórfurðulegt. Þetta er stétt að stórum mönnum með lítið hjarta sem þarfnast hjálpar.

Smáralind

Ég gisti svo heimahjá Guðjóni, vakna þunnur við það að allir nema dóra eru að fara að hjálpa einhverri fjölskyldu að flytja. Ég og dóra sátum svo ógeðslega þunn með kaffi í annarri, sígarettu í hinni og sjónvarpið á full swing þegar móðir mín hringir, segist vera í Breiðholtinu og vill endilega fá mig með sér að kaupa sósur í Smáralindinni(?!?!?) Líkami minn sagði nei en ég hef aldrei talað almennilega við hann um nokkurn skapaðan hlut og ætlaði ekki að fara að lenda á einhverju spjalli þarna fyrir framan eðlilegt fólk við minn ástkæra skrokk, þannig ég sagði bara já. Þá kom mamma og sótti mig og við fórum saman í Smáralindina, ég viðbjóðslega þunnur í fjólubláum jakkafötum og mamma skellihlægjandi öðru hvoru afþví ég var í fjólubláum jakkafötum. Mamma lét ýmsa góða gullmola falla eins og "Það er eins og þú komir bara af fjöllum.... einhverjum mjög skrítnum diskófjöllum..." og þegar það var verið að afgreiða okkur í Hagkaup sagði hún hátt og snjallt "Guð minn góður Bragi, þú lyktar eins og spritt-tunna, sem var að reykja!" og þótti mér það í senn ekki við hæfi en samt fyndið... sem er svona story of my life dæmi.

2004-04-30T12:35:00.000Z

Teppahár og Píkuhár

Áðan fékk ég þær tilkynningar frá tveimur manneskjum sem aldrei hafa hitt hvor aðra annarsvegar að ég væri með píkuhár á hausnum, og hinsvegar "Teppahár". Já góðir lesendur, þið lásuð rétt, ég er með Teppahár á hausnum, ég hef nú fengið margar góðar viðlíkingar um hausinn á mér, en fáar eins skemmtilegar og þessa:)

Civilitation

Í gær spilaði ég Civilitation í 12 tíma, svaf svo í einn tíma, vaknaði, sofnaði aftur, svaf í fjóra tíma, mætti í skólann, en félagsfræðikennarinn minn hann Siggi var bara ekkert í skólanum, svei honum. Þessa síðustu viku fyrir próf hafa sumsé þeir tveir kennarar sem kenna mér hvað mest bara gjörsamlega beilað á mér, ég tók samt þá fullorðinslegu ákvörðun að taka þessu ekki persónulega.
"En ég vil ekki vera fullorðinn, ég vil vera barn að eilífu og baða mig í ljóma æskunnar"
"Þegiðu Bragi-sem-er-búinn-að-horfa-of-oft-á-Pétur-Pan!!! Ég er ansi hræddur um að þú sért bara ekkert velkominn hingað lengur! FARÐU!"
"Ekki gera mér þetta Bragi, ég er hluti af þér sem þú getur aldrei....BAMM!!!(byssuskot)"
(Ég blæs á stútinn á byssunni) "Aldrei hvað... ALDREI HVAÐ!!! ohhh, geturu ekki talað afþví ég skaut þig í hausinn?!?! Ohhh, en sætt:) Fáviti...."

Bragi fann hvernig honum þótti leiðinlegt, að nú fyrst, þegar hann var að komast í tengsl við sitt innra barn, þá var hann búinn að drepa það. En hann hafði aldrei verið hrifinn af börnum þannig það fékk ekkert sérstaklega á hann.
(que lagið "Bangbang" með Nancy Sinatra)

Að öðru

Þessi bloggfærsla er afleiðing ónógs svefns, mikilla kaffidrykkju og sígarettureykinga, það er líka það sem ég þarf að hella mer útí til þess að verða hundasnyrtir.

2004-04-29T14:33:00.000Z

Í Dái

Mér finnst eins og ég hafi verið í dái undanfarna tvo daga, en finn hvernig gamli Bragi er allur að detta inn aftur. Því eins og skáldið sagði;

"Stundarfróunin sem tár veita manni leysa engan vanda, sjálfsvorkun er fyrir aumingja og ástarsorg er ofmetin!"
-Skáldið

Kennarar

Vá, ég fékk í magann þegar ég sá þessa fyrirsögn, ég hugsaði "Hvað ertu að gera Bragi, ætlaru að láta reka þig úr skólanum aftur?!? EKKI TJÁ ÞIG UM KENNARA FÍFLIÐ ÞITT!!" en ég segi bara þegiðu Bragi-sem-er-hræddur-við-yfirvaldið, ég blogga bara um það sem mér sýnist. Núna þykist ég vita að ansi margir lesendur eru orðnir hræddir um að ég sé að fara að tala af mér, en þetta er í lagi.
Það sem ég vildi sagt hafa er að núna þegar prófin eru yfirvofandi þá fatta kennarar skyndilega að þeir eiga eftir að láta okkur gera fullt af hlutum, þannig í staðin fyrir að sleppa þeim þá hella þeir yfir okkur bílförmum af verkefnum. Núna t.d. liggur hin stórskemmtilegi(a.t.h ekki kaldhæðni) Sæmundur Rögnvaldsson, sögukennarinn minn, á sjúkrahúsi, ég vona að honum batni, en allavega, hann fékk forfallakennara sem er búinn að sturta yfir okkur verkefnum, þannig sæmi fróði er að fjarpína okkur. En svona er þetta bara.

Blogglygarinn Bragi

Það virðist alltaf vera þannig að þegar ég ætla að blogga minna blogga ég meira, og þegar ég fer í átök þarsem ég ætla að blogga af krafti þá blogga ég ekki rassgat, ég ætti kannski bara alltaf að vera í svona bloggpásu, þá er ég mun afkastameiri. Þetta væri hægt að færa yfir á það að ef ég gerðist rithöfundur yrði ég að kalla mig hundasnyrti í símaskránni því annars væri ég í ritstíflu til eilífðarnóns. Pæling.

Uppnefni

Ég hef í gegnum tíðina verið kallaður ýmsum misskemmtilegum nöfnum, bæði af fjölskyldumeðlimum, og einnig skólafélögum og pabba odds brodda, ég ætla að fara lauslega yfir helstu nöfnin sem mér hafa verið gefin í gegnum árin.

Bragi Páll Sigurðarson
Bragi Palli
Bragi
Puslu Palli
Bragi Kragi
Bragi Kragi skíta Magi
Bragi Málefnalegi
Keltinn
Brundabjálfi
Langintes
Guffi
The Mad Fuck With the Axe (var kallaður þetta af skota í skátabúðum í skotlandi)
Dr.Bragi Nuzzlin
Séra Bragi
Bragi snagi með tittlingin í lagi(bróðir hennar ömmu kallar mig þetta)
Lubbi
Lambi
Bragi Hundur(fattaði þetta aldrei)
Rollan
Mörðurinn
Hr.Hissa
Dr.Bragi Diskó-dansinn-hans-er-í-lagi(ég reyndar fann þetta upp sjálfur:)

....þau eru eflaust mun fleiri, ég man þau ekki í svipan, ef þið mínir kæru lesendur kunnið fleiri nöfn á mig, þá eru þau vel þegin.
Með gleði í hjarta, og bindi um háls, yðar einlægur
Séra Bragi Páll Sigurðarson

2004-04-29T12:28:00.000Z

Yfirlit yfir síðustu daga næstkomandi sólahringa

Klaufabárðarnir, viskí, fótbolti, Van Damme, Jeff Buckley, bjór, afmæli, kaffihús, The Doors, Pat&Mat, þreyta, yfirsof, hamsatólg, blóðmör, vinir og kunningjar, dc++, www.wulffmorgenthaler.com, gleði og sorg, Bob Dylan, skurður við rakstur, Modest Mouse, skóli, magaverkur.

2004-04-28T13:05:00.000Z

Tímarnir breytast víst, og helvítis mennirnir með...

Nú er síðasta skólavika áður en ég sigli inní próf, og eru því blendnar tilfinningar í gangi. Ég geri nú ekki ráð fyrir mikilli bloggun á næstunni.

Boots of Spanish Leather

Oh, I'm sailin' away my own true love,
I'm sailin' away in the morning.
Is there something I can send you from across the sea,
From the place that I'll be landing?

No, there's nothin' you can send me, my own true love,
There's nothin' I wish to be ownin'.
Just carry yourself back to me unspoiled,
From across that lonesome ocean.

Oh, but I just thought you might want something fine
Made of silver or of golden,
Either from the mountains of Madrid
Or from the coast of Barcelona.

Oh, but if I had the stars from the darkest night
And the diamonds from the deepest ocean,
I'd forsake them all for your sweet kiss,
For that's all I'm wishin' to be ownin'.

That I might be gone a long time
And it's only that I'm askin',
Is there something I can send you to remember me by,
To make your time more easy passin'.

Oh, how can, how can you ask me again,
It only brings me sorrow.
The same thing I want from you today,
I would want again tomorrow.

I got a letter on a lonesome day,
It was from her ship a-sailin',
Saying I don't know when I'll be comin' back again,
It depends on how I'm a-feelin'.

Well, if you, my love, must think that-a-way,
I'm sure your mind is roamin'.
I'm sure your heart is not with me,
But with the country to where you're goin'.

So take heed, take heed of the western wind,
Take heed of the stormy weather.
And yes, there's something you can send back to me,
Spanish boots of Spanish leather.

-Bob Dylan

2004-04-27T08:20:00.000Z

Kosningar

Í dag fara fram kosningar í FB, meðalnemandinn veit reyndar ekkert af þeim, því hér fara fram svokallaðar underground kosningar, aðeins fyrir útvalda. Fáir vita af þeim, enn færri bjóða sig fram, og ef þú kýst þá er það yfirleitt fyrir slysni. Ég hélt t.d. á fyrsta árinu mínu hérna að ég væri að taka þátt í könnun, svo var mér sagt það að ég væri að kjósa, leit ég þá á seðilinn og sá að það var búið stafarugla nokkrum nöfnum og embættum, var þá ekki við manninn mælt að ég var að taka þátt í kosningu, flýtti ég mér þá að athuga hvort ég væri að bjóða mig fram í eitthvað, og var orðin frekar spenntur, en svo var ekki. Grátbólginn hljóp ég út á vit sorgar og varð heltekinn af víðáttubrjálaði, og rakst þa á eitt kosningaplaggat, eitt... iss, og fólk dirfist að kalla þetta kosningar, puff!

Páll

Ég hef lent í því í gegnum tíðina að nokkrir kennarar kalla mig Pál. Ætla mætti að ég mótmælti þessu harðlega, hafi uppi hásteit og læti eins og venjan er þegar að mér kemur, en svo er ekki. Ég hef þvert á móti gaman af smávægilegum tilbreytingum í lífið, og að vera kallaður nýju nafni er eitthvað sem allir hafa gott af. Nú ber ekki að misskilja, ég heiti líka Páll, en enginn kallar mig Braga Pál, sé föðuramma mín undanskilin, en hún býr í Borgarnesi svo lítið mark er á henni takandi. Reyndar kallaði bróðir hennar mömmu, Hinrik, mig oft "Pulsupalla" á mínum yngri árum, en ég tel það ekki með, þarsem ég heiti það bara alls ekki, og væri ég löngu búin að afhöfða mína kæru móður ef svo væri.

Þjóbó

Ég hef tekið uppá því að hanga á Þjóðarbókhlöðunni með betri helmingnum, og er þá ekki vitlaust að taka með sér kakódreitil og kleinur, læra stíft og fá sér þess á milli 10dropa, naga kleinu og reykja útí sólinni. Einnig er aldrei að vita nema maður rekist á merka menn eins og Önund Pál Ragnarsson, Hannes Hólmstein, einhvern gaur sem ég lamdi síðasta sumar afþví hann var fífl, brjáluðu listaspíruna sem er illa klippt, Breka Logason, Hönnu Róna, Steinunni Twist og geri ég ráð fyrir því að rekast á sjálfan Halldór Kiljan Laxnes á góðum degi.... not!! haha, múhahaha, ahhhh

2004-04-26T12:03:00.000Z

Af leti og öðru

Bloggleysi mitt er margþætt. Annars vegar hef ég verið gífurlega upptekinn við það að skrifa 2 ritgerðir, annars vegar um fílupúkann Albert Guðmundsson og hinsvegar um upphaf og þróun Kommúnistaflokks Íslands. Það var svosem ágætt að krota þennan fróðleik á blað en það hefur tekið mikinn bloggtíma og annan frá mér. Hins vegar hef ég verið gífurlega upptekinn við dagslegt slugs og hangs, ég fór m.a í klippingu í fyrsta sinn síðan ég fermdist, það var gaman. Amma staðfesti það sem ég hef lengi haldið, að ég væri með rolluhár sem væri einhæft og leiðinlegt, en samt einstakt... jahá, svona svipað og einfætt fólk er einstakt, puff. Annað í fréttum er það að fall Leeds er yfirvofandi, en ég held að ef við föllum þá tökum við fyrstu deildina bara með trompi og komum svo tvíefldir til baka. Við erum eitt af 5 liðum sem er búið að vera í úrvalsdeildinni frá upphafi og það er kannski bara tími til að leita á önnur mið. Sjálfsblekking? YOU BET'YA!!

2004-04-20T15:45:00.000Z

Steinn Steinarr um brottrekstur sinn úr Kommúnistaflokknum:

“Það var árið 1934, sagði Steinn, og brosti með öllu andlitinu. Hann hafði verið spurður um það, hvenær hann hefði sagt skilið við Kommúnistaflokk Íslands. – Annars sagði ég ekki beint skilið við hann, bætt hann við, því ég var rekinn úr flokknum með mikilli skömm. Ætli ég muni það ekki, Sella B 5 hét hún víst, og það var ákaflega leiðinlegt að vera í henni. Þegar ég var rekinn, var líka samþykkt síðasta aðvörun til Einars Olgeirssonar. Mál hans var tekið fyrir á undan mínu, svo ég mátti greiða atkvæði. Dýrleif Árnadóttir var formaður sellunnar, og þegar atkvæði voru greidd um Einar, laumaði hún hendinni upp í loftið, svo lítið bar á. Og hún grét. En þegar kom að mér, rétti hún höndina upp af miklum myndugleik, aldrei ákveðnari á ævi sinni. Þegar samþykkt hafði verið að reka mig, stóð ég upp og hélt ræðu. Ég sagði, að allir viðstaddir væru þorparar og illmenni. Þá skipti það engum togum, að séra Gunnar Benediktsson og Dýrleif ráðast á mig og hrinda mér niður brattan stiga, sem þarna var. Ég marðist á baki, en slapp að öðru leyti ómeiddur á sál og líkama úr þessum hilldarleik. Þó hafði þetta þær óþægilegu afleiðingar, að mér hefur alltaf síðan staðið ógn af háum stigum, hugsa mig um tvisvar áður en ég legg í þá.

Nú glottir skáldið: - Svona var þetta, og þó var það skemmtilegasta eftir. Þetta var allt saman herfilegur misskilningur. Það var ekki ætlunin að reka nokkurn mann, en Jens Figved, sem átti að sækja “línuna” til Moskvu lenti á viku fylliríi í Vestmannaeyjum og kom of seint. Nokkru síðar var mér boðið að ganga aftur í flokkinn, en sagði þá af eintómu stolti: nei takk. Síðan hef ég aldrei gengið í neinn flokk.”

2004-04-20T08:44:00.000Z

Stærðfræði

"I'd rather be a hammer than a nail"
Já, hér sit ég í stærðfræði og hlusta á Simon og tvífara minn Garfunkel, þykist vera að læra en er í raun og veru ekki að gera neitt nema segja ykkur að ég sé ekki að læra. Listin að vera í tímum, gera eitthvað annað en að læra, en láta samt líta út fyrir að vera að læra er göfug. Ég hef á undanförnum árum náð að mastera þessa list og væri því ekkert úr vegi að gefa ykkur mínum ástkæru lesendum nokkra haldhæga punkta í greininni.

1.Líttu upp öðru hvoru og pírðu augun.
2.Renndu augunum reglulega yfir töfluna, jafnvel þó það standi ekkert á henni.
3.Spurðu sessunaut þinn hvenær hann eigi afmæli og skrifaðu það niður.
4.Hættu að slugsa í 2-3 mínótur og tjáðu þig síðan um eitthvað sem verið er að segja.
5.Ef kennarinn spyr "Eruði að skilja þetta?" þá er möst að segja já.
6.Haltu hendinni yfir munninum á þér og láttu líta út eins og þú sért að hugsa.
7.Segðu öðru hvoru við sjálfan þig, mjög hátt "Aha, ég skil námsefnið núna, aha".
8.Vertu með einhverjar bækur á borðinu og hróflaðu við þeim öðru hvoru.
9.Skrifaðu eitthvað, helst dónalegt, um kennarann, en passaðu þig samt að setja það ekki á internetið.
10.Ef allt annað bregst, spurðu kennarann þá hvort hann/hún hafi grennst, þá verða þeir svo glaðir að þeir nenna ekki að fylgjast með því hvort þú sért að læra.

Ég vona að þetta reynist ykkur eins vel og þetta hefur reynst mér... múhahahahahahahahahaha!!

Margliður

Hljómar eins og skordýrategun en er í raun og veru stærðfræðipæling. Er í raun og veru hægt að segja að stærðfræði sé uppgötvun mannsins?

Gunnar Jónsson...

...var að ræða við mig um að hefja bloggun, og spurði þá hvort ég læsi slíkt blogg færi það í loftið. Það mun ég svo sannarlega gera og hvet því Gunnar hérmeð til þess að hefja bloggun, enda er þar djúpt þenkjandi maður á ferð, sem eflaust hefur eitthvað til alþjóðamála, sem og annarra, að leggja, GÓ GUNNAR!!

Britney

Ég var að lesa það að Britney Spears hafi gengið til dáleiðara til þess að reyna að hætta nögun á tánöglum. Þá spyr maður sig, ef þú vilt hætta að naga á þér táneglurnar, er þá ekki sniðugt að hætta að naga á þér táneglurnar?!? Það er ekki eins og þetta sé að naga neglur á puttum, þú ferð ekkert úr skóm og sokkum og stingur fætinum á þér uppí þig ef þú ert stressaður. Það er óumdeilanlega mun meiri vinna að naga á sér táneglur en fingurneglur. Þetta er eins og að vera háður því að kíla sig alltaf í magann, og bara geta ómögulega hætt því... þessi Britney!

2004-04-19T08:39:00.000Z

Geim

Þá er enn önnur helgin gengin í garð. Á föstudag var farið í þvílíkt geim á kontórnum, skrifstofu sem OddurÁ, HelgiH og JóhannA hafa leigt til náms en er að nýtast mun betur á einhvern annan hátt að mínu mati, t.d. til þess að borða ógeðslegt brauð og kæfu beint uppúr boxinu, skalla hurðir, hlusta á tónlist og fara í lyftu. Eftir kontórinn var farið á 11 hvar stuðinu var eitthvað ábótavant, en það var sko ekkert vandamál á Opus, aðal negrabar bæjarins. Þar var búið að sópa saman mesta ruslaralýð Reykjavíkur og nágrennis í dansvall af verstu gerð. Stelpur sem hefðu geta sleppt því að vera í fötum, menn með strípur sem litu út eins og ámiginn klósettpappír, barþjónar sem selja sál sína lúsífer og svertingjar sem voru klæddir eins og strákar í áttunda bekk. Ofaná allt annað þá var spiluð þarna tónlist sem er ekki einusinni við hæfi að minnast á nafn, enda efa ég að ég gæti það ef reynt væri. Engu að síður þá dönsuðum við til þess að falla inní hópinn. Ég og Guðjón dönsuðum eins og ástfangið hommapar og ég og Súsanna dönsuðum eins og fól. Sífellt var verið að kvarta yfir okkur Guðjóni, en það gerði grínið bara ennþá fyndnara. Á meðan öllu þessu stóð sat Dóra og skemmti sér (vonandi) vel við að horfa á okkur. Eftir þetta vorum við viku á Nonnabita og fórum svo heim, full/þunn/þreyttari en Ghandi. Dagurinn eftir fór svo að mestu leiti í þynnku.

2004-04-16T08:56:00.000Z

Which Bob Dylan song are you?

Don't Think Twice

Click Here to Take This Quiz
Brought to you by YouThink.com quizzes and personality tests.

"Dylan.... hann er að syngja um þig... í þessu lagi... hættu að gráta"
Flott lag fyrir flottan gaur!

2004-04-15T15:10:00.000Z

Útlendingafrumvarpið

Mikið hefur verið rætt um útlendingafrumvarpið, og er fólk oft á tíðum æfareitt yfir því sem það á að fá í gegn. Sendibréf hafa gengið manna á milli þarsem fólk er beðið að skrifa undir og mótmæla frumvarpinu. Ég ætla að fara yfir það hvað frumvarp þetta gengur útá, og ætla ég þess á milli að koma með hugleiðingar mínar um málið.

Efni frumvarpsins í stuttu máli:

-Frumvarpið gerir að skilyrði fyrir veitingu dvalarleyfis á grundvelli hjónabands, sambúðar eða samvistar að erlendur maki, sambúðar- eða samvistarmaki hafi náð 24 ára aldri. Íslenskur ríkisborgari má ekki koma heim til landsins með erlendan maka sé makinn yngri en 24 ára.
Bragi: Nú er þetta sambærilegt lögum sem eru víða á norðulöndum og einnig í BNA. Mjög algengt er að stofnað sé til hentihjúskapar milli vinafólks til þess að þau nái að redda sér atvinnu- og dvalarleyfi, og ætti því sjálfsögðu að vera ólöglegt að sveigja, ef ekki brjóta lög á þann hátt. Það hvort aldurinn sé of hár má hinsvegar deila um.

-Frumvarpið veitir yfirvöldum heimild til að taka DNA-sýni af innflytjendum, til að sanna skyldleika við aðila sem þegar eru staddir á Íslandi.
Bragi: Ef grunur leikur á því að verið sé að ljúga að stjórnvöldum í þeim tilgangi að fá atvinnu- og dvalarleyfi, verður að sjálfsögðu að gera út um það mál. Fólk hefur rétt á að neita því að fara í sýnistökuna, en fær þá ekki að koma inní landið. Þetta ætti þessvegna ekki að hræða fólk nema það hafi eitthvað óhreint í pokahorninu.

-Frumvarpið veitir yfirvöldum heimild til að gera leit á heimili eða persónu einstaklinga, liggi einstaklingurinn undir grun um að hafa stofnað til málamyndahjúskapar.
Bragi: Þetta kemur aftur inná hvort verið sé að stofna til hentihjónabanda, eða málamyndabúskaps. Sambærileg lög ríkja í flestum löndum Evrópu, BNA og víðar. Ef fólk hefur raunverulega stofnað til hjónabands eða sambúðar á réttum forsendum hefur það ekkert að óttast, það er fyrst þegar farið er að reyna að snúa á kerfið að þú þarf að óttast eitthvað.

-Refsivert verður fyrir útlending ef atvinnu- eða dvalarleyfi hans eru í ólagi.
Bragi: Ég sé ekkert að því að refsa fólki fyrir að breyta rangt eða vera ekki með sín leyfi í lagi. Mér er refsað ef ég keyri án ökuleyfis eða ef ég er að vinna á svörtu, og ég er íslendingur. Mér væri að sama skapi refsað í útlöndum ef ég væri þar að vinna en ekki með atvinnu- eða dvalarleyfi í lagi.

Ég sé því ekki alveg afhverju við ættum að vera að gefa útlendingum séns á því að breyta rangt. Þetta frumvarp er aðeins til þess gert að vernda íslenskan vinnumarkað og íslenskan verkalýð frá því að vera snuðað um vinnu á röngum forsendum. Öll ákvæði frumvarpsins eiga sér hliðstæður í öðrum vestrænum ríkjum, og hvergi er verið að vísvitandi brjóta á rétti fólks, aðeins til þess að brjóta á þeim. Ég held að þeir sem eru með hvað mest læti gagnvart frumvarpinu ættu aðeins að slaka á og horfa á heildarmyndina, sem þegar upp er staðið, er alls ekkert svo slæm...
...en hvað veit ég?

Síra Bragi Páll Sigurðarson

2004-04-15T10:26:00.000Z

Úlalala

Samviskusemin er að ríða mér til fulls. Ég hef undanfarna 2 daga farið á þjóðabókhlöðuna og lært, skrifað ritgerðir og verið menntarlegur. Það er undarleg tilfinning að læra heima, ekki eins skemmtilegt og að vera í tölvunni eða horfa á sjónvarpið, en þó þægilegri, eins og maður sé að gera eitthvað rétt.

Léleg Saga

Í gær ætlaði ég í fótbolta en við náðum ekki í viggó, svo ég fór ekki í fótbolta.

Taskan mín

Í fyrradag tók ég mig til og gerði við mína forlátu tösku, ekki var viðgerðin merkileg en virðist þó vera það eina sem virkar á þessa blessuðu skrjóðu. Þannig er mál með vexti að ég teipaði hana einfaldlega til helvítis og hún virðist ætla að hanga saman á því út yfir próf... vonandi.

Andlaus

Ég virðist orðinn andlaus og leiðinlegur nú þegar dregur nær prófum, ég vona að dyggir lesendur þrauki og láti þessi lægð ekki hafa áhrif á sinn daglega lestur hér, ég verð skemmtilegur aftur, einhvertíman, bráðum.

2004-04-14T09:52:00.000Z

Páskafrí

Ég tel mig hafa verið mjög stabílan í páskafríinu. Á þessum 11 dögum var ég aðeins drukkinn 2svar, húrra!!

Skóli

Gleði og hamingja hafi yfirtekið sál mína, skólinn er hafinn á ný! Ekki bjóst ég við því en ég fagna þeirri festu sem skólinn er í lífi mínu, maður veit hvert á að mæta og hvenær, þósvo ekki sé alltaf farið eftir því.

2004-04-14T09:48:00.000Z

HAHAHAHAHAHAHAHA!!!!!

Þessi síða... hahahaha!!! Eftir að hafa tryllst yfir því að hún fór til fjandans við það að ég setti link á möggu, þá posta ég um hvað þessi síða sé mikið shit, og þá lagast hún við það... ég elska þetta helvíti!!

2004-04-14T09:43:00.000Z

Hvaða helvítis djöfulsins helvíti?!?!?

Það kemur reglulega uppá að þessi síða hreinlega fari til helvítis og taki mig með sér. Þetta finnst mér mjög furðulegt þarsem ég hef ekki snert þessa síðu í rúma viku, bæti inn link á hana möggu mína, og þá fer síðan í fökk! DÓRA!!!!! DÓRA HJÁLPAÐU MÉR!!!! HJÁLP DÓRA!!!!

2004-04-08T11:32:00.000Z

Svonasvona Bragi minn...

Alltaf er jafn fúlt að missa af góðu gúmmelaði. Í gær var í kominn í þetta líka feitasta bílskúrspartý allra tíma, þarna voru einir 20ltr af landa, metalica á full blast, einhver maður með bílinn sinn inní bílskúr að bora og bóna hann, 10strákar að spila Magic The Gathering og drykkja landa og ódýrs bjórs var í hámarki. Ég var farinn að skemmta mér frekar vel þegar ég uppgötva skyndilega að ég á að fara á sjó um nóttina, fer þá heim um 10leitið... OG FER SÍÐAN EKKERT Á SJÓ AFÞVÍ ÞAÐ VAR SVO VONT VEÐUR!!!! Ég hyggst brjótast inní bílskúrinn, stela mér landabrúsa og fara bara á eitthvað ógeðslegt sjoppufyllerí núna... og þessum drullusokkum er bara ekkert boðið!

Heppni í óheppni

Það góða við að það sé vont veður og að ég sé ekki á sjó er að ég er ekki á sjó, JIBBÍ!!

Synir Skallagríms

Er það ekki rétt skilið hjá mér að stefnt sé að fundi á laugardaginn?

Synir Ögmunds

Eru hreinlega bara ekki til, hí á ykkur!

2004-04-07T23:02:00.000Z

Jarðarför

Í dag fór ég í mína 12 jarðarför, ekki það að ég hafi verið jarðaður 12 sinnum, ónei, ekki er ég svo dauður, en ég hef sumsé farið í 12 jarðarfarir yfir ævina, og finnst mér það bara of mikið, og svo hef ég ekkert svakalega gaman af því. Það hljómar kannski eins og þetta sé einhver árátta hjá mér; "Aha, jarðaför, kúl, kannski jarðaFJÖR, VÚHÚ!!!!" nei, ekki er svo vel um búið, jarðafarir eru bara almennt frekar leiðinlegar og niðurdrepandi, og svo er alltaf einhver dauður í kassa sem er frekar mikill mood-killer, ekki gaman af því.
Ég hef hinsvegar lært það af þessum ferðum mínum í kirkjuna að ekki vil ég láta jarða mig svona "old-fashion style", ég væri frekar til í jarðaför sem væri þannig að vinir mínir og kunningjar, ætt og fjölskylda læsi yfir mér kveðjuorð, sögur um mig og mín afrek. Þannig frekar en að liggja í kistu og hlusta á hvað guðspjallamennirnir voru að dútla fyrir 2000árum, mér er allveg sama... þú veist.... hvað var ég að gera... þetta er mín jarðaför, ekki þeirra! þá væri ég að hlusta á hvað ég er sniðugur... eða var, og hvað maður gat nú verið fyndinn á meðan maður andaði lofti. Svo væri haldið villt partý þarsem væri bannað að vera í svörtum fötum, bara frum- og/eða pastellitir!
Allavega, ég er farinn að sofa, þarf að fara á sjó eftir 4 og 1/2 tíma... HVAÐ ER ÉG AÐ GERA?!?!?

2004-04-06T18:34:00.000Z

Sjór:

Nú svaf ég úti á sjó síðustu nótt, það er svosem ekkert nýtt á þessum bænum, en allann þann tíma sem maður er úti á sjó þá hefur maður samt lítið annað að gera en "huxa"

Látrabjarg

Nú hef ég eitt 10 nóttum undir Látrabjargi það sem af ef ævinni, en hef þó aldrei gengið á bjargið sjálft, ekki það, það er ágætt að sofa undir því.

Ást

Ég er orðinn ástfanginn. Sú heppna er mjúk en þó hrjúf, hljóðlát en fim, á stærð við körfubolta og grá. Ég elska að taka hana í fang mér, rista upp á henni magann og fylgjast með ófæddum börnum hennar vella ofaní tunnu sem ég sel svo með pompi og pragt. Ég kalla hana Jane en hún er betur þekkt sem grásleppa.

Slor og karlmenn

Þegar maður eyðir nótt útá sjó, löðrandi í slori, með sveittum karlmönnum og vondri lykt, köldu kaffi og blautum samlokum kann maður svo sannarlega að meta þægindi daglegs lífs.

Samlokuglaðningur

Ég hafði mjög gaman af því að þegar ég beit í fyrstu samlokuna mína í gær hafði Hafdís laumað papriku á hana, þetta gladdi mig mjög og flaut ég á gleðinni sem þessu fylgdi í góðar 38klst.

Í skrúfuna

Við fengum flot-tein í skrúfuna, það var ekki nógu skemmtilegt, en veitti mér þó þægilegt baknudd á landstíminu.

DOOM

Ég las bókina "DOOM; Death and peril in the seas of iceland" sem er bók um Breska sjómenn sem dóu útum allt í hringum Ísland á skipum. Ég mæli ekki með því að sú bók sé lesin kl;1 um nótt þegar maður er að taka fyrstu vakt á skipi við íslands strendur.

Blæðingar

Nú þegar ég er kominn heim af sjó er mér kalt, illt í öllum líkamanum, ég er þreyttur og pirraður, ég get því trúað því að það sé svipað að vera á sjó og að vera á blæðingum.

2004-04-04T14:24:00.000Z

Fjör

Í gær var rejúníón í 84árg í gaggó mos, og var það haldið í Hlégarði. Ég mætti þangað galvaskur, hélt mína ræðu, drakk góða bollu, spjallaði við gott fólk. Klukkan á að giska hálf tíu ætlaði ég svo að skjótast í snöggt snillingapartý sem verið var að halda uppí dal, sem ég og gerði. Þar voru fyrir Atli Bollason, Björn Bragi, Orri Jökulsson, Goggi, Dóri feiti, Bergur Ebbi, Jóhann Alfreð og Ari Eldjárn. Við gerðum okkur glaðan dag, drukkum vín og skiptumst á sögum. Þegar kom svo að því að fara aftur inná Hlégarð var víst svo fyrir komið að ef þú fórst út, þá þurftiru að borga þig inn aftur. Ég gaf skít í það og fór niðrí bæ ásamt snillingum og Súsönnu, sem við hittum fyrir í 20ára afmæli steinabeina, gettubeturliða borgarholtsskóla, ég dansaði svo inná devitos, vann Gettu Betur spilið með Birni Braga, talaði við álf, stal engu, svívirti hund og var almennt í frekar góðum fíling, þó verð ég að segja að eftir kvöldið er ég enginn sérstakur aðdáandi hvítlauksbrauðs, ég bara hata það eiginlega.

Ég lofaði Birni í gær að ljá honum link, og ætla ég því gera það hérmeð, vessgú.

2004-04-02T12:54:00.000Z

Ég;

Það sem ég myndi segja ef ég sæi sjálfan mig á gangi;

"Sjáðu þetta helvítis rauðhærða fífl. Í þessum stóru skóm og síðum jakka, hvað heldur hann að hann sé?!? Fucking risastóra málóða helvíti! Og hvað er málið með skyrtu og bindi, heldur hann að hann sé að vinna á skrifstofu, UPPÚR 1960?!? Stílbrot, kjaftfor, smekkleysi, hrokafullur, sjálfumglaður, mikilmennskubrjálaði stóri fáviti! Svo er ég viss um að hann er með stórt typpi, bara svona til að toppa það hvað hann er merkilegur með sig! Notar öll tækifæri sem gefast til þess að koma sjálfum sér á framfæri, mímímí, sjáðu mig, ég heiti Bragi merkilegi, mímímí, allir að tala við mig, blablabla, ég á bíl, mímímí! FÍFL!!!"

Nú hvet ég ykkur til þess að blogga um hvaða skoðun þið hefðuð á ykkur sjálfum ef þið væruð ekki þið sjálf, go on my minions, make art!

2004-04-02T09:25:00.000Z

Slagsmál

Í gær reyndi ég ítrekað að fá stelpur til þess að lemja mig, ástæðan var sú að stelpur eru aumari en ég og þá hefði ég e.t.v getað unnið einhvern í slagmálum, einhvertíman. En merkilegast af öllu er þó setningin sem ég notaði til þess að starta herlegheitunum;
"Konur, þær opna bara munnin til þess að kvarta og sjúga typpi!!"
Lagðist þetta misvel í kvennpeningin, en fékk ég þó engin högg, aðeins slæmt augnaráð.